De Fiennes

et pour ce n'osoient yssir, mais li Roux Galerans de Fauquemont s'avisa; quant il vit la porcherie si prés de la porte, il la fist ouvrir et les bailliez aussi et fist sa gent rengier au dehors des bailliez et se fist apporter un petit porcel et le prit par les oreilles et le fist hugnier et crier si fort que les pors de la grant porcherie y acoururent les gueulles baées, et cil qui les gardoient ne les peurent onques tenir. Et quant les pors vindrent prés des bailles, le Roux laissa aler le porcelet, et ses gens chacierent les pors dedens la porte, et François se desbucherent des tentes et acoururent vers la porte, mais ilz faillirent à leur entente et perdirent leur porcherie. Moult fist li sires de Fauquemont d'ennuiz en l'ost du Roy, mais tant fut la ville assegée que les vivres y faillirent à pluseurs gens. Il estoit grant cherté de pluseurs vivres à Lille et bien voulsissent aucuns que la ville se feust rendue. Un jour seoit à disner Robert de Flandres en la sale à Lille, mais le conte de Hennaut lui fist envoier une pierre d'angin, qui rompi le comble de la sale et chay devant la table et occist deux chevaliers, dont Robert fut moult dolant et vit que il ne pourroit plus durer ne la ville tenir, et la fist rendre par les bourgois, et les bourgois la rendirent par tel convenant, que Robert s'en partiroit sauvement et toutes leurs gens d'armes et leurs harnois. Lors entra le roy de France en Lille et la roy ne et leurs gens, et Robert de Flandres et sa gent d'armes s'en partirent pour aler à Gant et fist chargier Robert d'Atices en un tonnel, mais il crioit si très hault, que il fut oy des François et fut rescoux.

Le roy se reposa trois jours à Lille , mais au qua-

[1297] DU XIV® SIÈCLE. Il

triesme jour s'en parti et bailla granment gens d'armes à Charles son frère, qui s'en ala à tout à Yppre, et le roy s'en ala à Courtray, la ville se rendi à lui et le chastel^, puis s'en ala en Englemoustre et là se reposa en atandant Charles son frère, qui s'en ala à Yppre. Mais les Alemans qui estoient bien trois mil yssirent hors de la ville , le conte de Blanmont et le conte des Mons qui avoient esté desconfiz à Furnes, et si y estoit le conte de la Marche^. Là alerent assembler Alemans et Flamans aux François à un hamel que on dit Commines. Là furent Alemans et Flamans desconfiz et moult en y ot d'occis, et fut prins le conte des Mons et les autres furent chaciez jusques à Yppre et Charles de Valois tist bouter le feu es fauxbours, mais ceulz de Yppre ne yssirent point et s'en ala Charles à l'ost du roy son frère en Anglemoustier.

Et en ce jour vinrent quatre bourgois de Bruges présenter les clefz de la ville de par toute la communauté, et le roy les reçut et y envoia Charles de Valois son frère pour recevoir les hommaiges, sauves leurs vies^. L'endemain ala Charles à la ville du Dan à tout grant foison de gens et y cuyda trouver le navire du roy d'Angleterre, mais les Anglois l'avoient esquippée. Toutesvoies se rendi la ville à Charles et y mist trois cens bidaux pour la garder, puis s'en repéra en Anglemoustier en l'ost du roy. Quant le roy d'Angleterre et le conte de Flandres sceurent que la ville de Bruges estoit rendue et la ville du Dan , dont en-

1 . Ici A c< B ajoutent la phrase suivante : et vit que ilz ne pourroient plus durer ne la ville tenir.