loiz
volèrent il le duc d'Auteriche et le prince de Gales au Dan à tout grant foison de gent, et là se mistrent et reconquistrent et occirent tous les bidaux que Charles y avoit laissiez, et puis s'en repairerent à Gant. Robert de Flandres et sa gent estoient venuz à Gant de Lille, et le conte de Guérie, qui dist au conte Guy de Flandres, que le roy Ardouftle d'Alemaigne ne faisoit nul appel de guerre, et que le roy de France lui avoit envoyé un présent par Jaque de Sainct Pol, pourquoy point il ne se mouvroit. Adonc jura le duc d'Auteriche, que, se ceste guerre povoit estre finée et appaisiée vers [le roy de France'], que il assaudroit de guerre le roy d'Alemaigne; le duc de Brabant, Henry de Lucembourc, le conte de Guérie, le conte de Blanmont, le Roux de Fauquemont et pluseurs autres se alierent par fiance au duc d'Auteriche pour guerroier le roy d'Alemaigne. Lors avisèrent le roy d'Angleterre et le conte de Flandres, que à très grant péril assembleroient en bataille contre le roy Phelippe pour le grant peuple que il avoit. Si firent trêves requerre, et tant fut la chose menée, que trêves furent données, par condicion que le roy Phelippe et le roy d'Angleterre et le conte de Flandres mistrent leurs faiz en l'ordonnance du pape Boniface, pour apaisier tous les descors qui estoient entre eulz, et par condicion que les trieves durantes le roy Phelippe auroit possession de la ville de Bruges et de Courtray et de tout ce que il avoit conquis en Flandres. Adonc se départirent les ostz et vint le roy de France à Paris. Quant les Galois virent que le roy d'Angle-
i. Les mots entre crochets manquent dans K et B.
terre et le prince de Gales, leurs sires, s'en vouloient partir de Flandres et que ilz n'avoient riens gaingné deçà la mer, adonc se conseillèrent de rober la ville de Gant et boutèrent le feu en la ville en pluseurs lieux. Entretant que les gens de Gant entendoient à estaindre le feu, les Galois entroient es grans maisons et roboient les draps et les meilleurs richesses que trouver ilz povoient. Quant les gens de Gant apparceurent le malice des Galois , ilz laissierent le feu et crièrent alarme et coururent sur les Galois et en occirent plus de quatre mil. Encor vouloient-ilz courir aux champs sur les autres, si n'eust esté le conte de Flandres et ses enffans, qui les appaisa à moût grant paine. Le roy d'Angleterre s'en ala au Dan* et rentra en mer, et le prince de Gales, qui moult ot perdu de ses hommes.
En l'an après deffia le duc d'Auteriche le roy Ardouffle d'Alemaigne et ala seoir devant Aiz et tout ses aliez avec lui. Adonc assembla le roy ses amis et o lui les Frisons et Guerfaut de Hongrie-, Loys de Bavière et pluseurs autres princes jusque au nombre de dix huit mille hommes d'armes. Et le duc en avoit quatorze mille. Là ot grant bataille, et fut le roy Ardouffle desconfit, et pris Loys de Bavière et pluseurs autres. Après celé bataille sist le duc d'Auteriche quarante jours devant Aes, puis entra dedens et fut couronnez comme roy s d'Alemaigne. Le conte de Hennault ala à ce roy faire hommaige et pourchaça tant que le roy ala demander à femme une des filles Charles de
