deux A, B

Et Phelippe [ala] à Lassines , que Flamans avoient assise, et la prindrent par force et l'essillierent, et puis alerent moult eforcieement devant Tournay à siège. Et le roy de France rassembla ses hommes pour aler secourre Tournay, et ala jusques à Peronne. Mais le roy fist requerre trieves par le conte de Savoye, et elles furent acordées [un an^], par cy que le conte Guy de Flandres fust mys hors de prison, et se accort n'estoit trouvé dedens cel an, il devoit aler en prison arrière. Ce fait fut accordé. Si fut Tournay dessegié, et le conte ala en Flandres un an et puis râla arrière en la prison du roy, pour ce que on ne peut paix ne accort trouver. Quant trieves furent faillies, les Flamens se rassemblèrent bien cinquante mil et rentrèrent en Artois. Et Othes de Bourgongne, le baron Mahaut d'Artois contesse , assembla ses gens avec les chevaliers, que le roy avoit laissiez pour le pais garder. [Là ot grande bataille-], mais François perdirent, et fut Othes de Bourgongne si navrez, que onques puis armes ne porta, [ains morut moult tost après. ^] Moût tost après les gens d'armes partirent du champ et s'en alerent à Arraz et ceulz de pié à Saint Osmer, mais il y en ot de mors plus de deux mil. Les Flamans s'en alerent à Tiroine et prindrent la ville et fut arce l'église Nostre Dame. Dont s'en yssirent Flamans, et fouirent tout le pais jusques à Betune et jusques à Lens, et puis passèrent le pont à Vendin et s'en râlèrent en Flandres.

Et le roy Phelippe rassembla ses princes et ses