ains ... après manque A, B

[1304J DU XW SIÈCLE. 25

hommes partout son royaume et par tous ses amis, et parti de France pour aler en Flandres, et ala à Arraz pouractendre ses gens. Là fut amenez Guy de Namur, que Régnant de Sabonne, [li amiraux de mer '] , lui avoit prins en mer devant Stripesse - en Hollande, où il avoit par force de Flamans assegié Guillaume, filz au conte de Hennaut. Le roy fîst envoier Guy à Paris en prison et party d'Arraz pour aler en Flandres, mais le Clerc de Juilliers et les Flamans gardèrent si le pas, que le roy n'y pot passer et s'en ala à Valenciennes et s'en ala droit à Tournay, et de là en Peulles devant la ville d'Orcies, et se rendi. Puis s'ala le roy logier à Faumont l'Abaye et les Flamans s'alerent logier à Mons en Peurle , si prés du roy que il les povoit bien veoir. Bien estoient les Flamans deux cent mille et toute gent commune, excepté les princes et les chevaliers, que je ay devant dit. Et le roy avoit plus de c et l mille, dont il y avoit grant foison de chevaliers. Là ot grant bataille et merveilleuse, et furent Flamans esbahiz et moult grevez, tant que ilz estoient sur le point de desconfire, tant que il firent mander le conte de Savoye et lui distrenl que il envoiast dire au roy, que ilz se mettoient en sa mercy, mais que il leur voulsist pardonner leur mefïait pour donner et ordonner cent chappelles, où on diroit messes pour les François, qui avoient esté occis à Bruges et ailleurs. Le conte de Savoye envoya dire ceste requeste au roy, mais le roy ne la voult accorder. Entretant que le parlement se fist, les Flamens se

1. Colonne A; Goulonn^ B ; les mots entre crochets manquent dans A ci B.