frère

mil Flamens, et perdirent tentes, charroy et chevaulz. Après la desconfîture des Flamens, parti le roy de Mons en Peulle et ala prendre siège devant Lille, où Phelippes de Flandres et Jehan de Namur estoient venuz. Et Jehan de Namur s'en ala en Flandres et donna aux Flamans tel conseil, que ilz rassemblèrent et firent faire treiz et tentes de draps vers et jaunes et rouges et de pluseurs autres couleurs, et passèrent le Lis et s'alerent logier vers la rivière de la Deulle ^ prés des François. En cel an estoit morte Phelippe, la pucelle par quoy la guerre avoit esté encommencée premièrement. Le roy et les François estoient esmerveilliez commant après si grant desconfîture de gent, de harnois et de charroy estoient revenuz dedens quarante jours les Flamans prés de la bataille. En l'ost des Flamans estoit le duc de Brabant, qui leur conseilla de faire paix, et il y ala pour eulz faire la requeste et offri amendes pour leurs meffaiz, et les amis du roy lui loerent la paix, car moût doubtoient la force et la cruaulté des Flamans, qui faisoient guerre mortelle sans rançon. Lors s'assembla le conseil et fut la paix faite, par condicion que tous prisonniers feussent délivrez, et mistrent les Flamans en la main du roy Lille, Douay et les appartenances et chastelleries de ces deux villes, et les devoit le roy tenir jusques à ce que ilz eussent baillié autant de terre qui peut estre avalué à ces deux villes et chastelleries, ou bailleroient cinquante mil livres, un vieil gros tournois d'argent pour un denier. Lors furent livrées les deux villes en la main du roy, et il s'en ala en France. En ce temps mourut