Lendelle A, B

le conte Guy de Flandres en la tour de Gompiengne, et il fut porté à enterrer en Flandres en l'abbaye de Flines, que la contesse Marguerite, sa mère, avoit fait fonder. Lors furent les prisonniers délivrez, et ala Robert saisir^ la conté de Flandres.

Le roy Phelippe se complaignoit souvent de ses bons princes, que il avoit perduz en Flandres, et disoit souvent que le pape Boniface l'avoit grevé en sa guerre. Il avoit un chevalier en France, que on appelloit Guillaume Louguaret. Il haioit le pape et entreprist le fait pour le grever par l'accort du roy, qui lui bailla gens et deniers pour prendre soudoiers. Lors ala en Romanie et trouva le pape Boniface en la cité d'Avignon et l'asaillit en son palais et occist son frère, et desploia la baniere de France et crioit Montjoye, et fut le pappe grevé et empressé à l'entrer en sa chambre, dont il fut moult ayré, et en ycelle yre il maudist le roy de France jusques à la septiesme ligne et tous ceulz qui ce meffait lui faisoit, et assez tost après il mourust tout ayrez et desapaisiez. Après fut pappe Benedit un an, et après Gelestins, qui se desmist étala en un hermitaige. Et puis fut pappe Clément, qui vint par deçà les mons et mist siège à Lion sur le Rosne, et de là il ala a Bordeaux et puis à Poitiers. Le roy Phelippe y envoya Charles son frère et pluseurs barons, pour le pappe honnorer. Et ainsi comme ilz aloient [parmy les rues~] à Poitiers, un grand mur chay, qui occist le duc de Bretaigne et vingt chevaliers et d'autres gens plus de quatre vings. Assez tost après ala le pape à Avignon et là demoura et fist grâces.