parmy les rue? manque A, B
En cel an espousa le filz au viel roy Edouart d'Angleterre Ysabel, fille au beau roy, et furent les noces faites à Boulongne sur la mer, et fut par mariage rendue à Edouart la duchié d'Aquitaine et la conté de Ponty. Assez tost après manda le pappe Clément au roy de France et aux autres princes de Grestienté, que les Templiers feussent prins et mis à mort pour aucuns meffaiz dontilz estoient accusez devers lui. Dont furent prins en l'an de grâce mil ccc et sept; leurs maisons et possessions que eulz tenoient furent mises es mains des Hospitaliers, Puis avint que Guillaume Lougaret mourust et enraigea moult hideusement, la langue traitte, dont le roy fut moult esmerveillié, et pluseurs autres qui avoient esté contre le pappe Boniface. En ce temps fist trois fîlz que le roy avoit faire ^ chevaliers, et donna à Loys l'ainsné le royaume de Navarre, et à Phelippe le conté de Poitiers, et à Gharles le mainsné la conté de la Marche. Et fist moult noble feste et large, et à eulz adouber fist chevaliers Phelippe et Charles, enfans Gharles de Valois. A ceste feste que le roy fist ne fut mie Robert, conte de Flandres, dont le roy se plaint à ses amis de ce que il avoit bien huit ans que il estoit tenant de la conté de Flandres, et encor ne lui avoit fait hommage ne venu à sa court, et si lui avoit mandé par pluseurs foiz. Le roy ot encores conseil, que il le manderoit et que il venist à sa court, sauf aler et sauf venir. Ainsi fut mandé Robert, et il ala à court moût richement. Le roy lui demanda que il luy feist hommaige de la conté de Flandres, et il respondit que [ains] il auroit Lille, Douay et que les deniers qui furent accordez pour le pais estoient largement paiez, et que Enguerrant de Marigny, cham-
bellan du roy, les avoit receuz, puis dist Robert que tout rauroit ou tout perdroil avant qu'il feist hommaige au roy. Par maltalent se parti Robert, et assembla ses gens et s'en ala à siège devant Lille. Et le roy manda ses hommes et envoia Loys son ainsné filz en Flandres, que le gent nommoient Hutin, pour ce que il avoit grant voulenté de combatre aux Flamans. Et avec le filz du roy ala Charles de Valois et Loys d'Evreux, mais le roy y envoya Enguerrant de Marigny comme son lieutenant. Quant Robert seut que François venoient sur lui efforciément , il se parti lui et ses gens du siège de Lille, et s'en alerent oultre le Lis. Quant les François aprocherent Flandres, tant que Loys de Navarre estoit à Douay, et bien cuidoient les princes combatre aux Flamans, Enguerrant de Marigny ala parler à eulz et leur donna trieves un an, et s'en revindrent les François. Dont Loys de Navarre et Charles de Valois firent grant plainte au roy de Enguerrant de Marigny, qui trieves avoit données. Le roy le excusa, car moût l'amoit*.
Après avint en ce temps, ou mois de septembre, que le beau roy Phelippe ala chacier en la forest de Bière, et eurent sa gent eslevé un sanglier grant et merveilleux, le roy le chaca tant que il passa ses gens par force de cheval. Quant le sanglier fut eschauffez, il retourna et courut sur le roy, et le roy le failli à ferir de l'espie. Le sanglier le feri de ses dens en la jambe du cheval, dont il se desroia pour la bleceure et geta le roy à terre et demoura un de ses piez en l'estrier, si que le cheval traina moult longuement le roy par
