et crenioit

les bois, si que il fut moult mehaignez. Et sa gent qui le trouvèrent le portèrent à la Fontaine Bliaut et mourut en Tan de grâce mil CGC et xvi, et fut enterrez en l'abbaie de Barbel, et fut le cinquantiesme roy en France. Et celle sepmaine que le roy trespassa, le pappe et l'arcevesque de Reins trespasserent, et pourtant Loys, ainsné filz du beau roy Phelippe, detria d'aler à son sacre à Rains, jusques à ce qu'il y eust un pappe, par qui l'arceveschié feust ordonnée. Et en ce temps fist mourir le roy Enguerrant de Marigny pour la hayne des guerres de Flandres.

En l'an mil trois cens dix sept', fut Loys sacrez à Rains, et tantost manda ses princes et ses gens pour aler en Flandres. Et le conte Robert de Flandres manda les Flamens et ala faire siège devant Lille et gasta le pais, mais quant il seut que le roy venoit contre lui à si grant peuple, il laissa le siège et envoya ses gens oultre le Lis, et le roy s' ala loger à Bondues*^. Moût avoit le roy grant nombre de gent, mais en celé saison il plut tant et si longuement et si merveilleusement, que par force d'eaue et de lait temps il laissa le pais de Flandres et son ost sans bataille faire, et s'en râla en France. Deux femmes ot ce roy Loys, la première fut fille Mahault, contesse d'Artois, et celle royne se meffist de son corps, pourquoy elle fut du roy séparée et fut emmurée au Ghastel Gaillart. Celle royne ot une fille du roy, si comme elle disoit, mais par le meffait de sa mère elle perdi les terres, qui escheoir lui povoient ou royaume de France, c'est assavoir la conté de