Bonducos A et B

Champaigne, les terres de Brye et autres. Toutesvoies ot elle le royaume de Navarre, que son père lui octria, et fut mariée au conte d'Evreux, qui estoit cousin germain du roy. Et la seconde femme du roy ot nom Clémence, et fut fille au roy de Hongrie. Ce roy Loys ne régna que un an et fut empoisonnez , et la royne demoura grosse d'un filz, et Phelippe, le frère du roy, demoura régent du royaume. Après ce que la royne fut acouchée, fut l'enfant appelle en baptesme Jehan, et ne vesquit que dix jours.

Le roy Phelippe de Poitiers.

Après la mort du roy Loys, fut roy Phelippe, son frère. Sa femme ot nom Jehanne et fut fille Mahaut, contesse d'Artois. Et contre ce roy Phelippe et contre Mahaut d'Artois contesse, furent allez chevaliers de France, et en fut Charles de la Marche, frère du roy Phelippe, [Jehans^], filz au conte de Valois. Le roy manda Gautier de Chastillon, Miles de Noiers et pluseurs autres chevaliers feables et de ses communes gens, et les envoia contre ses ennemis si efforcieement que les pluseurs se partirent du royaume, et les aucuns furent assegiez au chastel de Tigry. Mais toutesvoies eschapperent il et s'en alerent en Flandres. Le roy fist abatre pluseurs chasteaulz, qui estoient à ces aliez contre lui. De ces aliez furent le sires de Renty, le sires de Pinquigny, le sires de Tingry, le sires de Fiennes et pluseurs autres. Ce roy Phelippe ot trois filles; l'une fut mariée au duc de Bourgongne, l'autre au dauphin