Jehans manque A, B

de Vienne, la tierce à Loys de Flandres, filz Loys de Nevers^ et fut accordé à ce mariage que cel enfant Loys seroit après la mort du conte Robert de Flandres saisi de la conté de Flandres. Lors fut paix entre François et Flamens, que onques puis ne se meslerent de guerre, sa vie durante. Et régna cinq ans ce roy Phelippe et fut le lu® roy en France.

Le roy Charles de la Marche.

Après la mort du roy Phelippe fut et régna Charles son frère, qui fut conte de la Marche. Lors furent les allez rappeliez en France. En ce temps fut Loys conte de Flandres, qui avoit espousée Marguerite, fille du roy Phelippe. Si avint que le conte Jehan de Namur, qui avoit Lescluse et estoit sienne, voult que le pois et la balence que ceulz de Bruges en avoient osté y fust remys. Quant ceulz de Bruges le seurent, ilz s'armèrent et firent leur seigneur aler avecques eulz contre son oncle tout par force et alerent bouter le feu à Lescluse et tuèrent les gens au conte de Namur et l'amenèrent à Bruges, en prison que on dit [le] Pieres. Mais il eschappa par le treu d'un privé lieu, qui estoit sur l'eaue, et s'en ala en son pais. Quant ceulz de Bruges le seurent, ilz boutèrent leur seigneur hors de la ville, pour ce que il ne voult mie accorder que le conte son oncle feust occis.

Après avint en l'an mil ccc xxini que ceulz de Bruges, du Franc et d'entour chacerent les chevaliers et les nobles hommes et en occirent pluseurs