d'Évreux A, B

et abaiirent leurs chasteaulz , et firent leur chief d'un Flament que on appelloit Glay d'Ennequin^, et alerent asseger la ville d' Ardambourc , pour ce que aucuns chevaliers qu'ilz avoient chaciez avoient esté soustenuz par eulz. Par devant Ardembourg furent Flament VI sepmainez en tanips d'iver, et convint par force que cil se rendissent à eulx^ pour estre de leur partie. Quant le conte vit que ceulz de Bruges le vouloient ainsi dechacier, il assembla ses amis, Guy de Namur, Jehan de Namur, Guy et Jehan de Flandres, seigneur de Neelle et pluseurs chevaliers, et par conseil il envoya Guillaume de Granson, evesque de Cambray, par les bonnes villes pour savoir lesquieulz vouidroient obéir au conte et lesquelz non. La ville de Gant, Yppre et Audenarde furent de la partie du conte, et les autres villes et le plat pais, que on appelloit Franc, furent contre lui. Et quant le conte seut l'entente de ses hommes, il assembla ses amis et ses chevaliers et s'en ala à Gourtray à grant compaignie de gens d'armes, et entra à Gourtray et y fist bouter le feu. Mais le commun se assembla et se combatirent contre le conte et ses gens et le desconfîrent. En l'an mil CGC xxvi, ou mois de juing^, fut celle bataille à Gourtray. Là fut le conte desconfiz et fut occis Jehan de Flandres, sire de Neelle, et vingt quatre chevaliers, et le conte de Namur eschappa et s'enfouy à Gant, et le conte fut pris et l'emmenèrent à Bruges, en la prison que on dit la Pierre. Après ce fait, le commun se commencèrent à rebeller contre les gros et en chacierent pluseurs autres

\. Saudequin 5610.