le xxiii" jour de juing

[1326] DU XIY^ SIÈCLE. 35

hors de la terre, à Yppre et à autres villes. Mais les grans bourgois de Gant furent adont maistres du commun et en occirent pluseurs et si en bannirent bien cinq mille hors de la ville. Ceulz qui furent banniz de Gant se assemblèrent avec Clay d'Ennequin', qui grant gent avoit assemblée, et allèrent assaillir la ville d'Audenarde, qui ne voult obéir à ycellui Glay. Ainsi se combati tout le pays, et tenoient leur seigneur en prison. Les parens du conte Loys alerent au roy Charles compter le meffait que les Flamans avoieiit fait à leur seigneur, et lui requistrent que par lui feussent les Flamens pugniz et que le conte feust desprisonnez. Adont envoya au pape le meffait et désobéissance. Le pappe geta sentence sur eulz, se ilz ne s'amendoient , et y envoya un cardinal pour sa sentence publier. Et le roy Charles envoia Amphour d'Espaigne, Miles de Noyers et le bailli d'Amyens et grant foison de gens d'armes sur les frontières de Flandres pour les Flamands destraindre. Mais pour ce ne cessèrent leur emprinse. Assez tost après vint le cardinal à Tournay et gecta sentence sur les Flamans. Les prestres cessèrent en Flandres de chanter, de administrer les sacremens de sainte Eglise. Les Flamens envoierent au cardinal que il laissast l'escommeniement, pourtant que ilz osteroient leur seigneur de prison et distrent que ilz obeiroient à lui. Mais en cel an mesmes se rebella le commun et chacierent leur seigneur, les chevaliers et les grans bourgois hors du pais. Et le conte s'en ala en sa conté de Nevers", et Clay d'Ennequin fut sires et maistres