d'Evreux A, B

de tout le pais de Flandres. Et assez tost après morut le roy Charles, qui re^^na cinq ans et ot deux femmes en son vivant; la première fut seur au roy de Behaigne et l'autre fut suer au roy de Navarre, conte d'Evreux.

Le roy Phelippe de Valois.

Après la mort du roy Charles, fut Phelippe de Valois regens du royaume, pour ce que la royne demoura ensainte, mais elle apporta une fille. Pourtant eschay le royaume [à Phelippe], qui fut couronné à Rains, par un jeudi de la Trinité', l'an mil ccc xxviii. Là furent les pers de France, et le conte de Flandres fist au roy de France hommage de lui saindre l'espée, et le roy lui \ promist que il lui^feroit joir de sa conté de Flandres, dont sa gent l'avoient chacié. Après cest sacre, vint le roy à Paris et fist moût noble feste, et assembla ses princes et ses barons par son royaume, et manda soudoiers et s'en ala en Flandres droit à Cassel, où il y avoit moût de Flamans assemblez. Le roy se loga par un samedi desous^ le mont de Cassel, jour saint Berthelemy, l'an mil CGC xxvui. Si* descendirent Flamans du mont de Cassel et entrèrent en l'ost du roy. Grant bataille y ot, et y ot occis xi™ Flamans et plus. Après celle desconfiture, ala le roy à Yppre, et la ville se rendi et vindrent Flamans de toutes les villes de Flandres à mercy au roy. Là remist le roy le conte Loys en possession de sa terre de Flandres.