se A

En l'an après manda le roy de France au roy Edouart d'Angleterre, que il venist à Amiens et lui fist hommaige de la duchié d'Aquitaine et de la conté de Ponty. Et le roy Edouart y vint et lui fist hommaige.

Après envoia le roy Jehan, son filz, au pappe pour requerre la croix. Et envoya le pape deux cardinaus en France, qui prescherent et donnèrent la crois au roy de France, au roy de Navarre et à pluseurs autres princes et gens. Et porta i'evesque de Beauvaiz la deffiance oultre mer au soudant.

En ce temps que le roy Phelippe se pourvoit pour aler faire guerre aux Sarrasins, le roy Edouart se pourveoit et queroit aliances ^ pour faire guerre au roy Phelippe, car il se disoit estre li plus prochains hoirs du roy Charles, car il estoitfilzde sa suer^ ; mais le royaume ne descendoit point à la branche femenine. Non pourquant"^ se pourveoit il de faire guerre par le conseil Robert d'Artois, qui estoit banny du royaume de France en ce temps, pour meffarit dont il a voit esté accusez vers le roy Phelippe, et avoit le roy fait emprisonner ses enffans et sa femme, qui estoit suer au roy, et les enffans estoient ses nepveuz. Et Robert ala au roy Edouart, qui le retint de son conseil.

En ce temps, vint un chevalier de Baionne au roy Phelippe, et lui requist droit du roy d'Angleterre, duc d'Aquitaine, qui grant somme de deniers lui devoit et paier ne lui vouloit. Et si en avoit lettre scellée de son