CHAPITRE XXL

Goramentle dnc de Bretaigne prlntGournay , Beneville, le pont d'Oirc, la Haye du Fuis et Valolngnes, et autres villes, en la Basse-Normandie et ea Constantin et Fougièrcs.

En ce temps, le duc de Bretaigne, lequel avoit en sa compagnie huict mille combattants, print Gournay , Thorigny , Reneville , la Haye-du-Puis et Valoingnes, et plusieurs autres places en la Basse-Normandie, et ou pays de Constantin (Cotentin ) ; et si pinnt la ville et chastel de Fougières, où il avoit tenu le siège l'espace d'un mois ^ pendant lequel il feit faire telles approches , et tellement battre la muraille de canons et bombardes qu'on les debvoit assaillir, quant les Anglôis, qui dedans estoient. se rendirent environ de quatre à cinq cents , dont estoit capitaine un nommé messire Francbois de Sùrienne , dit l'Arrâgonois. Es quels s'en allèrent , leurs chevaux et harnois saufs , et ung petit fardelet devant eux tant seulement. Lequel messire Francbois laissa depuis le parti des

Anglois, et demoura au serviche du roy. Après celle prinse , le duc de Bretaigne et ceux de sa compagnie s'en retournèrent touts en leurs maisons pour la mortalité , laquelle estoit frappée en l'ost ; laquelle feit mourir grand nombre de gens , et entre autres le fils du comte Jehan ; dont ce fust dommaige. Et en ce temps, se rendit le chastel de Toucques, au sieur de Blan ville, qui estoit devant. Et en ce temps, se rendit aussi le susdit Chastel Gaillard , lequel fust assiégé par l'espace de cinq semaines ; et estoient dedans cent vingts Anglois ; lesquels s'en allèrent à Harfleur, leurs corps et biens saufs.