CHAPITRE XLVIL

Comment la femme de monsiear Loys , fils ûsnë du roy de Franche y dauphin de Vienne , accoucha d^unç fils , au chasteau de Genappe , . en Brabant ^ et autres incidents.

Par uBg venderdy dix-septiesme de juillet, la fille du duc de Savoye, et femme à Loys, aisné fils du roy de Franche, ens ou chasteau de Genappe en Braband, accoucha d'ung fils ; lesquelles nouvelles on vint dire prestement au duc de Bourgogne , qui lors estoit à Bruxelles , dont le duc fust moult joyeux ; et donna mille lyons d'or à celluy qui lui rapporta les nouvelles, puis feit prestement escrire lettres par toutes les bonnes villes de

3j^ mémoires 045^)

ses pays, que ils allumassent feus et feissent joye pour la noble venue dudit enfant ; ce qu'on feit partout moult honorablement ; et le cinquiesme jour d'aoust fust ledit enfant baptisé es fons de la paroisse dudit Genappe , èsquels , tout comme on disoit, avoit jadis esté baptisé Godefroy de Bouillon, qui jadis avoit conquesté Jhérusalem , et en avoit esté roy , et sy avoit esté né audit chasteau ; et vollut ledit monsieur le dauphin, qui estoit audit Genappe, que on appeUast son fils Joachim. Et tindrent ledit enfant sur fonts , et feurent pateins et maryne le duc de Bourgogne , le sieur de Groy ^ premier chambellan du duc , et la dame de Ravestein, femme de Adolf de Clèves, nepveu du duc. De racompter les honneurs et richesses qui feurent faites^ ce seroit trop longue chosei

Le duc donna à l'enfant ung dressoir chargié de vaisselle d'or et d'argent, lequel il avoit envoyé en la chambre de la gisante, avec les drap^ de haute liche et tapisserie, et aussy il y avoit envoyé , car il^ n'avoient point apporté telles choses quant ils vindrent au refuge du duc ; sy en estoient aàsés mal pourveus; et le sieur tle Croy donna une nef d'argent doré, à ung fond de cristal, pesant soixante marcs d'argent, huict onces au marc; ledit sieur de Croy porta ledit enfant aux foiits, et le duc le rapporta sur les bras. Après ces choses faites, le dauphin remerchia le duc, et osta son chapel tout jus de la teste ; le duc ce voyant, se meit à ung genoul et ne se voUul lever jusques ad

(»459) DE J. DU CLERCQ. 3l3

ce que le dauphin euist remis son chappeau sur la teste. Le dauphin ^ en remerchiant- le duc , dit telles parolles , ou en substance : « Mon très chier » oncle, je vous remerchie du bien et de l'honneur » que vous me faites ; je ne le polray ne scauraj " desservir, car c'est chose impossible, sy non que M pour tout guerdon, je vous donne mon corps, le » corps de ma femme et le corps démon enfant. » A icelles parolles le plus de ceux qui estoient présents plourèrent tant de joje , comme de pitié ; il y oit plusieurs autres parolles dictes tant par le daulphin comme par le duc ; pour cause de briefvetç je me tais.

En ce temps, le neuviesme jour d'aoust, entre Lille et Tournay , à lieue et demye près de Lille , à l'ung des trois arbres joignants ensemble sur ledit chemin, fust pendu le bastàrd le Bouc, lequel estoit homicide de plusieurs hommes et banny du royaume de Franche , et très mal renommé de plusieurs autres crimes; et fust prins au Pont-à-Vendin par le lieutenant de Lille , en la maison de la Couronne , où ledit bastard estoit accompagné de treize à quatorze compagnons. Avecq luy feurent prins trois de sa compagnie; les autres s'enffuirent; et ne se meirent nuls desdits comjpagnons à deffense, que le bastard, lequel se deffondit très fort ; et incontinent que ledit bastard fust prins, après qu'il fust confessé, on l'alla pendre, comme dit est.

Oudit an cinquante-neuf, le premier de septembre, par Druetle Vasseur , fils de Pierre, et Mar-

3i4 MÉMOIRES <*^^^

tin de Warlus , fust battu ung prestre nommé messire Pierre Loire, vicaire de Nostre-Dame d'Arras ; et fust battu en allant aux vespres atout son habit , sans estre navré ; et fallut qu'il s'enffuit dedans l'église à saulveté. Et comme ledit Druet ne teinist compte de justice, ains alloit avant la cité , environ une heure après fust prins avecq ung sien frère bastard, par Jehan Bracquet, lieutenant du prévost de la cité; mais prestement il fust laissé aller, jàsoit-ce que le sieur de Miraumont, qui pour lors d'adventure estoit en la cité , devant lequel ledit Druet fust mené, dist audit lieutenant et à maislre Pierre du Hamel, archidiacre d'Oslrevantet vicaire de l'évesque qui illecq estoit présent , que sy ils luy requéroient ayde de justice , il le livreroit en leurs prisons, où bon leur sembleroit, mais ils ne luy en osèrent oncques requérir ; et sy estoit ledit sieur de Miraumont chambellan du comte d'Eslampes , lequel comte estoit capitaine d'Artois ; ains le laissa aller , comme dit est. Quant ce veit l'archidiacre d' Avallon , qui estoit conseiller dudit comte , et estoit illecq avecq ledit sieur de Miraumont, sy dit audit archidiacre d'Ostrevan, que c^estoit dommaige que on. ne l'avoit mesme battu et des plus grands de leur chapitre. Et comme ledit Jieutenant avoit laissé aller ledit Druet , en laiprésence dudit Druet vint ung compagnon nommé Willemel Bareles , lequel estoit et se disoit aux enfants de Habart, auxquels ledit Druet aussy se diçoit; lequel Willemet prit paroUes audit lieutenant et lui

{i459) DE J. DU CLIÎRCQ. 3l5

courut SUS, et se le lieutenant nesefustdeffendu, il eust esté vilené ou tué. Et mesmement courut sus , à rbostel de la Couronne, e^n cité, ledit Willemet, ung nommé Loys, et lui donna deux coups de dague , et le cuida avoir tué ; mais il ne le blessa point , parceque ledit Loys queit ( tomba), et avoit une longue robe. Pource que ledit Loys accompagnoit le lieutenant, véantle peuple toutes ces choses , et y euist plus de cents personnes autour dudit Willemet , on le laissa aller tout paisiblement pour la rumeur desdits enfants de Habart. Ainsy estoit pour ce temps en cité es Arràs , justice obéye , et tout par les gens d^église qui gouvernoieiit Téveschié ; et les chiefs de justice, auxquels ne challoit que de emplir leurs bourses et avoir, les approuvère^nt. Ceux qui estoient mal renommés et faisoient maux innumérables , ils les laissoient paisibles et ne leur osoient rien demander ; mais ceux qui avoit peu ou néant meflPait, ceux-cy pay oient les amendes et estoient durement et rigoureusement traictiés.

Environ ce temps, en ung villaige en la chastellenie de Lille, nommé Lannoy, le seigneur duditlieu, lequel estoit capitaine d'Hollande et gouverneur de Lille, feit clorre de murs et en feit une ville fermée; et feit ledit sieur de Lannoy crier francque feste en ladite ville de Lannoy, le jour Sairit-Denys et Saint- Guillin en octobre ; et donna à chacun marchand qui plus apporteroit de deniers de chacun mestier, à chacun certaine somme d'or et d'argent ; mesmement au plus grand buveur quatre lots de vin , les-

5l6 MÉMOIRES (1459^

quelles sommes montèrent , comme on disoit , à sept cents livres monnoye d'Artois ou plus.

Environ ce temps aussy , Pierre Lestemacq, natif de Bruges en Flandres ou environ , lequel estoit ung des généraux des finanches du duc de Bourgogne, ung villaige nommé Médelbourg, en Flandres, feit clore de murs, et en feit une ville fermée, qui paravant ne aVoit esté que ung villaige.

Audit an aussi , le onziesme jour de septembre ^ environ cinq heures du vespres, en cité lez Arras, Collaï^d-le-Brun , cuvellier, en levant ung engien à estamper vergus , entre lui, sa femme et ung fils qu'il avoit de treize ans ou environ, par malle adventure laissèrent queir (tomber)ledît engien , lequel queit sur leur fils et le tua tout roide, sans mot dire ne faire signe de vie.

Audit an aussi, environ le mois d'aoust, au pays de Brye et ailleurs, en Franche, en aucuues places, comme on disait, mouches estoient de la grandeur d'une chauve-souris ; et avoient deux esles comme les mouches, qu'on appelle prestres; et estoient de celle fachon, et avoient deux yeux de la grandeur d'ung grain de vesce, et une queue de la longueur d'ung doigt, et aii front une corne de quatre ou cinq pouces de long et aisguë qu'elles entortilloient autour de leur teste ; et quand elles voUoient elles empoignoient moult vuidement. Desquelles mouches sitost que bestes , hommes ou femmes en estoient prins , ils en mouroient prestemtent , et n'y se a voit-on remédier ; et en moururent par espécial

(*459) DE J. DU GLERCQ. ZlJ

audit pays de Brye plusieurs bestes sauvages, es prairies, et plusieurs bestes à cornes.

Environ ce temps, Jacques de Coymbres, fils de Pierre de Portugal , fils du roy de Portugal, lequel Jacques estoit nepveu à la duchesse de Bourgogne, et par le moyen dudit duc avoit esté évesque d' Arras, puis archevesque , et après fust cardinal , en l'âge de vingt-huit à trente ans mourut.