CHAPITRE III

Comment , après que le pays dç Bourdeloi^ fust ainsi retourne au roy d'Angleterre, vindrent derechief plusieurs capitaines audit pajsj comme le roy envoya defiSer le duc de Savoye ^ et de TacccKrd qui fust fiât entre le roy de Franche et ledit duc.

Les nouvelles venues en Angleterre, comme messire Tallebot avoit remis le pajs de Bourdelois et la ville de Bordeaux en l'obéissance du roj d'Angleterre, ceulx d'Angleterre, pour renforcer l'armée de messire Tallebot , envoyèrent à Bordeaux le sieur de Camris, le bastard de Sombreset , le fils dudit messire de Tallebot , le sieur de Liffle et le sieur des Moulins , et en leur compagnie quatre mille combattants, lesquels Anglois amenèrent avecq eux quatre-vingts basteaux , que grands que petits, cbargiés de farine et de lard , pour avitailler la ville de Bordeaux ; dont ceux de la ville et du pays tenant le parti d'Angleterre feiirent moult joyeux.

Audit an cinquante-deux, au mois de juillet, le roy estant à Meung-sur-Yevre , près de Bourges, envoya déifier le duc de Savoye, pour certaines extorsions qu'il disoit que le duc avoit faites à la courronne de Franche ; et au mois d'aoust ensuivant se parlist avec son ost , où il y avoit grande et noble compagnie de seigneurs et autres gens de

(i4*a) DE J. DU CLBRCQ. 9

giierre, et alla au pays de Forest, pour passer et entrer au pays de Savoye. Le cardinal d'Estouteville, lequel s'en retournoit à Rome, fust adverti de ceste chose , lequel à cette occasion retourna et alla devers le duc de Savoye , et puis après devers le roy de Franche ; et après qu'il sceut la cause de leur desbat, traicta tant d'ung costé que d'autre , que le duc de Savoye vint vers le roy , et promit réparer au bon plaisir du roy ce que le roy lui demandoit ; et aussi fust la paix faite à Seurs en Forest ; et s'en retourna le duc en Savoye , et le cardinal s'en alla son chemin vers Rome , rapporter au pappe ce qu'il avoit besoingnié.