CHAPITRE V

Du mandement des gens d^armes que feit le duc de Bourgogne.

En Fan mil quatre cent cinquante et un , environ le commenchement de caresme, le duc de Bourgogne , comte de Flandres , adverti comme ceux de Gand avoient fait mourir ses officiers, et s'eflForçoient de pis faire contre lui et sa seigneurie, il envoya par touts ses pays et seigneuries , réservé celui de Bourgogne , publier ses mandements tels; c'est à sçavoir ^ que touts ceux qui avoient coustume de porter les armes.fuissent prêts en armes, tel jour qu'il leur desclara , sans leur desclarei' ne

12 MÉMOIRES (i45s)

dire pour où c'estoit aller , jaçoit que son intention fust de mectre ceux de Gand en son obéissance. Et commit lors pour garder la ville d'Audenarde , comme capitaine d'icelle ville , un bailli chevalier, nommé messire Symon de Lallaing, aveeq lui le sieur Descornet, chevalier, natif de Flandres; et leur defFendit que par la rivière del'Escatit, qui va de Tournay à Gand et passe parmi Audenarde ; ils ne laissei.it mener ni vivres dedans la ville de Gand , ni dans les autres tenant le parti des Gantois.