JOURIfAL . (i43i

en son habit ou autrement. Telles faulces erreurs, et pires avoit assez dame Jehanne ; et lesquelles lui furent toutes déclairées devant tout le peuple, dont ils orent moult grant horreur, quant ils ouyrent raconter les grants erreurs qu'elle avoit eues contre nostre foi , et avoit encore ; car pour chose qu'on luidémontrast ses grants maléfices et erreurs, elle ne s'en efiraioit ne esbahissoit, ains respondoit hardiment aux articles qu'on lui proposoit devant elle comme celle qui estoit toute pleine de l'ennemi d'enfer; et bien y parut; car elle véoît les clercs de l'université de Paris , qui si humblement laprioient qu'elle se repentist , et révoquast de celle malle erreur , et que tout lui seroit pardonné, par pénitence , ou se non elle seroit devant tout le peuple arse , et son ame damnée ou fons d'enfer; et lui fust monstre l'ordonnance et la place où le feu devoit estre fait pour l'ardoir bientost , si elle ne se révoquoit. Quand elle vit que c'estoit à certes, elle crya merci , et soi revoca de bouche, et fut sa robe ostée et vestue en habit de femme ; mais aussitost qu'elle se vit en tel estât elle recommença son erreur comme devant, demandant son habit d'homme. Et tantost elle fut de tous jugiée à mourir , et fust liée à une estache qui estoit sur l'eschaffault, qui estoit fait de piastre , et le feu sus lui; et là fut bientost estainte et sa robe toute arse, et puis fut le feu tiré arrière ; et fut veue de tout le peuple toute nue , et tous les secrez qui povent estre ou doivent en femme , pour oster les dobtes

(i43i) d'un bourgeois de paris. 425

du peuple. Et quant ils Torent assez et à leur gré veue toute morte liée à l'estache , le bourrel remist le feu grant sur sa povre charogne, quitantôst fut toute comburée, et os et char mises en cendres. Assez avoitlà et ailleurs, qui disoient qu'elle estoit martyre et pour son droit seigneur ; autres disoient que non , et que nral avoit fait qui tant l'avoit gardée. Ainsi disoit le peuple ; mais quelle mauvesté ou bonté qu'elle eust laite , elle fut arse cellui jour; et celle sepmaine fut prins le plus mauvais et le plus tyrant et le mains piteux de tous les cappitaines qui fussent de tous les Arminaz, et estoit nommç pour sa mauvesté la Hire ; et fut prins par povres compaignies , et fut mis au chastel de Dourdan.

J temple jour Sainct-Martin-le-Bouillant fut faite une procession générale à Sainct- Martin -des - Champs; et fist-on une prédication ; et la fist ung Irère de l'ordre de Sainct-Dominique, qui estoit inquisiteur de la foy, maistre en théologie ; et prononça de rechief tous les faits de Jehanne la Pucelle ; et disoit qu'elle avoit dit qu'elle estoit fille de très pouvre gens, et qu'environ l'aage de quatorze ans elle s'estoit ainsi maintenue en guise d'homme , et que son père et sa mère l'eussent faite volontiers dès lors mourir, s'ils eussent peu sans blecier conscience ; et pour ce se desparty d'eux accompaignié de l'ennemi d'enfer, et depuis vesquit homicide de chrétienté, plaine de feu et de sang jusques à tant qu'elle fust arse; et disoit qu'elle

se fust révoquée, et qu'on lui ot baillé pénitence ; c'est à sçavoir quatre ans eu prinson à pain et à eaue , dont elle ne fist oncques jour , mais se faisoit servir en la prinson comme une dame , et l'ennemy s'apparu à lui troisiesme ; c'est à sçavoir sainct Michel , saincte Katerine et saincte Marguerite, comme elle disoit, qui moult avoit graat paour que ne la perdist ; c'est à sçavoir iceux ennemi ou ennemys en la fourme de ces trois saincts, et lui dist : « Meschante créature, qui pour paour » as laissé ton habit , n'aje pas paour, nous te gar- » derons moult bien de tous.» Parquoy, sans attendre se despouilla, et se revestit de toutes ses robbes qu'elle vestoit quant elle chevauchoit, qu'elle boutées avoit ou feure (paille) de son lict; et se fia en l'ennemi tellement, qu'elle disoit qu'elle se repentoit de ce que oncques avoit laissé son habit. Quant l'université, ou ceux de par elle, virent ce, et qu'elle estoit ainsi obstinée , si fut livrée à la justice laïc pour mourir. Quant elle se vit ei^ ce point, elle appella les ennemis qui se apparoient à lui en guise de saints ; mais oncques puis qu'elle fut jugée , nul ne s'apparut à elle pour invovation qu'elle sceust faire. Adoncques s'advisa, mais ce fut trop tard. Encore dist-ilen son sermon qu'ils estoient quatre, dont les trois avoient été prinses; c'est à sçavoir cette pucelle, et Péronne et sacompaigne, et une qui est avec les Arminaz nommée Katerine de la Rochelle ; laquelle dit que quant on sacre le précieux corps Notre-Seigneur, qu'elle voit merveilles

(i45i) D*UIf J30UllG£OiS DE PAlilS. [\2']

du haut secret^ de Nostre-Seigneur Dieu; et disoit que toutes ces quatre pouvres femmes, frère Richart le cordelier, qui après lui avoit si grant suite quant il prescha à Paris aux Innocents et aillieurs , les avoit toutes ainsi gouvernées ; car il estoit leur beau-père ; et que le jour de Nouël en la ville de Jargiau il bailla à ceste dame Jehanne la Pucelle, trois fois le corps Nostre-Seigneur, dont il estoit moult à reprendre ; et l'a voit baillé à Péronne celui jour deux fois par le tesmoingde leur confession, et d'aucuns qui présents furent aux heures qu'il leur bailla le précieux sacrement.

Iterriy celle année fut la Sainct-Dominique au dimenche; et ce jour revint le régent à Paris, lequel avoit esté espié des Arminaz. Quant il cuida passer Mante, ilslecuidèrent prendre; mais comme bien advisé repassa la rivière , et vint jour et nuit, tant qu'il fut à Paris , et vint par la porte Sainct- Jacques le jour Sainct-Dominique , et ses gens tindrent pié à leurs ennemis, tant que de toutes parts en demoura plus que mestier ne fut. La nouvelle de ce courut jusques à ceux de l'ost qui estoient devant Louviers. Si laissèrent deux ou trois cappitaines le siège à toutes leurs gens, qui cuidoient que le régent fust prins. Quant ils sorent que non estoit , si s'en hardirent et allèrent jusques devant Beauvoys, et s'embuschèrent. Si fust dit à ceux de la cité , si sehastèrent d'issir qui mieux mieux. Les gens du régent sorent leur manière par leurs espies ; si en yssit une partie qui se mirent entre lu