CHAPITRE XCIV

De la notable ambassade de France , qui se trouva en la ville de Gand»

pour parachever la paix.

Monseigneur Maximilieo, duc d'Auslrice , accompagné de messeigneurs ses enfans^ de grands princes et notables chevaliers, estoit en sa ville de Gand, où firent leur arrivée, le premier jour de mars, les ambassadeurs de France, c'est assavoir en chef l'archevesque de Rohan , l'evesque de Caen en Normandie, Jehan Garin , maistre d'hosteldu roy, le prevost des marchands de Paris, maistre Jehan Caurel, général de France, maistre Jehan Boulenger , maistre Jehan Landry , en Normandie , Hérault d'armes. Lesdils ambassadeurs firent proposer par-devant mondit seigneur , sa noblesse et son conseil, maistre Jehan Caurel, principalement sur deux poincts.

Le premier, comment ilsestoient envoyés du roy Loys , par-levers monseigneur d'Austrice , afin qu'ils fissent serment de tenir la paix telle qu'elle estoit nouvellement faicte , et que ledit roy avoit premier juré à la tenir.

Le second poinct esloit qu'ils puissent savoir quant il lui plairoit envoyer madame la daul-phine, comme il estoit devisé et.proumis.