CHAPITRE VIII
Comment cinq cens hommes , pour rafraîchir les assièges , entrèrent secrëlement dedans la ville de Nuysse.
Ew ces approches faisant haultes et chevalereuses , et par le plus hardi et magnifique emprendre, de quoi l'on poelt escripre er histoire nouvelle , considéré le cruel obstacle et répugnante etpérilleuse deffense que les assiégés mùnstroient, par multitude d'engins affustés, pierreux et pulvereux , plus espo ventables que les hideux et horribles cops de tonnoire, ceulx de Nuysse souslindrent le faix si puissament sans espargner leur artillerie , tant qu'ils se trouvèrent despopulés de gens d'armes, et comme tous desgarnis de provisions défensoires; et lors tous, simples, confus et amenrjs de puissance et de Iraict, comme gens sans bras et sans bastons, prindrent espoir contre desconfort, et aventureuse audace contre pusillanime désespoir. Si proposèrent ^ulx rafreschir de
6o CHRONIQUES ("474)
nouvelles gens , et amasser plentéde pouldre, pour recouvrer leurs diverses pertes.
Dont, pour mettre ce faict à finale exécution, Jean de Herperode, astut et très habile routier de guerre , choisit une nuict nubilense et très obscure, entre la Toussainct et la Sainct-Martin; et tout secrètement s'avala ens es fossés; et par le quartier où moins y avoit de regard des assiégeans , où les mal soigneux estoient , eschappa de ce dangereux péril. Si parvilit en la duché de Juliers et' limites circonjacentes , où il cueillit cinq cents hommes de faict , fors et roides et bien en poinct , auxquels ceulx de Couloingne distribuèrent à chacun d'eux une maille de Rin, et les furnirent de sacqueaulx pleins de salpêtre et de certaines mixtions propices au traict des harquebuses, dont la nécessité estoit grande; et s'assemblèrent à une lieue près de l'ost , ou chastel de Lidebercq, où ils séjournèrent prestolant l'obscurité delà nuict. Puis quand ténèbres furent espandues sur lasurface de la terre, ils se fourrèrent en l'ost et approchèrent une place vuide, où les fiefvés furent depuis logés. Les signes donnés aux assiégés par ;:jrandes nesges, tacitement rentrèrent en leurs fors. Et à .celle heure , les rustres de la ville firent diverses saillies et en divers quartiers , pourempescher l'armée, affin que les nouveaulx souldarts parvenissent plus sainement à chef de leur emprinse. L'un d^eux touttefois, qui ne sceut tenir routte, se fourvoya par mal -adventure , tellement qu'il cheu t
(»474) DE JEAN MOLINET. 6l
ès mains de ses adversaires. Si fut pris, saisi de pouldre et de salpêtre ; et après qu'il eut développé tout le secret , il recheut mortel paiement selon sa desserte. Grands festoiements , grande chère et grands seignes monstrèrent ceulx deNuisse à la réception de cesnouveaulxentrans ; car comme tous renoués de force et radoubés de féable asseurauce, balteloient leurs cloches, sonnoient instrumens musicaux et louoient Dieu et les saincts de leur félicité et bien heurée adventure.
Le duc informé de ces nouvelles, fut grandement esbahi, tant pour le grand nombre de gens dont Nusse estoit munie cou vertement^ comme pour la négligence des siens, qailaschement dormoient en paresseux sommeil; car au voir dire, Nusse commencoit à branler , et ne pouvoit guère tenir pied ferme, se ce secours de peuple et de pouldre ne leust corroborée et soustenue en son estât robuste. 0 meschans gens ! souldars négligens^ maculés de fétardie , sans soing , sans curieux aguets de leurs pesans etlasches courages, en qui pend l'honneur de vostre duc et le salut de tant nobles vaillans hommes, qui, par vostre nonchaloir sommeilleux, ofll lamentablement perdu leurs vies ! Oh ! ne songez-vous sur vostre faict? Que ne donnez-vous ententif escout en vostre quartier? vous estes cause de ce grand meschief. La querelle de ceste piteuse guerre estoit terminée sans plus coup férir ; Nusse toute matte,€hargée dehorrions, deschirée de coups denjçins,bersaudéedecrudestraicts,serendoit triste
et lasse en la mercy de vostre souverain prince, se vostre négligence se fut employée à son appartenir.
Pour contre-vanger de ceste meschéance, Bourguignons, Picquars, Angloisetaultrescompagnons se arroustèrent vers le chasteaudeLideberck, où ledit Herperode avoit faict son amas ; et trouvèrent une grosse barrière fortifiée de grans et parfonds fossés plains d'eaue, et multitude de paysans qui le deffendirënt puissamment. Si occirent et navrèrent de prime venue , plusieurs des dits compagnons , lesquels voyanscedurrencontre,prindrentleur chemin plusloing, et passèrent à grand travail parmi trenchis, fossés et hayes ; si gaignèrent ladite barrière par force d'armes , et mirent à desconfiture trois cents desdits paysans , qui demourèrent morts sur la place , et les autres tournèrent le dos , qui firent pavais de leur forteresse^ pour seureté de leurs corps. Les victeurs pillèrent plusieurs villages à l'en viron, lesquels ils misrent auxsacquemans; et retournèrent en l'ost assez joyeux de leurs proy es.
Le duc voyant que la ville n'estoit pas du tout assiégée à sa voulenté , et que plusieurs saillies occultes et manifestes se faisoient de nuit et de jour, au très grand préjudice et domage de son ponrchas chevalereux et glorieuse présence , appela par dommandement exprès les nobles fiefvés de ses pays de Brabant , Flandres , Artois et Hajnauh; et si assembla en plusieurs de ses bonnes villes certaine quantité de gens mécaniques , dont il fut honorablement servi. Monseigneur de Fien-
nés fiil conducleur supérieur des nobles fiefvés; ensemble monseigneur du Reux et le bailly de Brabant ; et aultres capitaines eurent préceptes et précipux regard sur le demourant. Ensemble présentèrent les gens en très bel et notable arroj à leur très excellent prince et seigneur naturel, qui les receut agréablement et les mena sur le bord des fossés, en certains lieux où la nécessité expétoitle plus, tant au quartier des Lombars comme ailleurs , où ils firent tranchis et logis convenables à leur salubre protection ; et le seigneur de Fiennes , accompagné des nobles fiefvés, tint siège en la place vague par où les vaillans hommes dessus mentionnés s'estoient escousés en la ville, laquelle fut lors entièrement parclose et avironnée de toutes parts. Les bons pèlerins AUemans , nouvellement arrivés à Saint-Quirin , pour montrer la fervente dévotion qu'ils avoient à Mars, le dieu des batailles, livroient plusieurs castilles àleurs voisins nouveaux venus, et les servoient de fruict à pierre, et de plusieurs estranges mets dont le goust estoit mortel ; et iceulx voisins nouveaux venus des bonnes villes et pays du duc leur rendoient des amères poires d'angoisses, confites en poudre de canon ; entre lesquels ceulx de Malines obtinrent le bruit de la renommée, car ilsestoient six vingts très vaillans hommes, bien en poinct , prompts aux armes, premiers aux deffenses, prochains aux horrions, prests et appareillés à faire grant chière. Ilsavoient chacun six pata'rs par jour, aux despens de la
ville et des mestiers, lesquels ils despendoient gracieusement avec geus qui le valloient; et tindrent court ouverte et eslat très honneste, selon leur possibilité libéralle.
