CHAPITRE XLIII

Le reboutement des François à Aassonne, et la prinse de Roclieforl par

messire Glaude de Vauldrej.

Après que les hérauts du roy de France eurent sommé la ville de Dole qui s'estoit rendue en son parti , il fit pareillement sommer la ville d'Aussonne, qui ne tint compte des sommations ; car messire Glaude de Vauldrey , chevalier très renommé, preux et hardi, estoit en la ville avec environ

<ï477) DE JEAW MOLIWET. 4^

vingt-quatre hommes de guerre , qui Aussoue entretenoient en sa fidélité, pour et au nom de madamoiselle Marie de Bourgogne , sa princesse et dame naturelle. Les capitaines de l'armée deFrance, advertis que ledit seigneur Glande estant illec, n'estoit homme pour estre facilement converti à la réduction de la ville, ains la soustenoit en toute force en sa querelle , envoyèrent vers lui les seigneurs de la Cueille, deGunny, et sire Simon de Quingi , seigneur de Montbaillon.

Quand lesdits seigneurs eurent fait plusieurs remonstrances > tant audit de Vauldrey comme à aulcuns autres notables personnages, en le persuadant de faire serment et obéissance au roy Loys, ce que point ne firent, ils retournèrent sans rien besongner. Lesdits capitaines François envoyèrent de rechef le bailly de Sens , lui quinzième , vers ledit seigneur Glande, pour traffiquer, en lui oflfrant cent escus, afin qu'en autant d'espace que un disner povoit durer, il peusist aulcunement coinquer avec ceux de la ville , pour les réduire par beau parler, adulations et proumesses, ce qui lui fut octroyé. Mais quand il eut tout sermonné, tout promis et tout jargonné, il ne sceut fleschir leur courage ; et demourèrent immobiles comme pesante et dure roche. Auprès d'Aussonne estoit l'armée du roy, surattendant la response du bailli de Sens , laquelle leur fut trop dure et fort loingtaine de leurs désirs. Et adoncques se monstrèrent devant Aussonne, en belle

46 CÎÎUOISIQUES (»477)

bataille estofTée de cinq cents lances et de mille francs archers , desquels estoient principaux capitaines, le seigneur de Craon, lieutenant du roy en Bourgoigne, Charles d*Amboise, gouverneur de Champaigne, le grand Salezar, Gastonet de Lyon, et les capitaines des Escossois ; et ordennèrent trois mille arbalestiers , qui marchèrent à la couverte dessous les arbres , et se trouvèrent devant la porte de la ducé ^ pour gaigner le pont et ravir la porte ; puis députèrent aulcuns aultres pour escarmoucher en aultre quartier. Ceux de la ville, voyans ces approches, sonnèrent l'effroi, se mirent en armes et se préparèrent à leurs deffenses.

La voix couroit que la porte de la ducé avoit Tassault.Messire Glande de Vauldrey, armé de toutes pièces , avec six hommes seulement , arriva celle part , et par force d'armes tint le pont contre les arbalestiers , lesquels il rebouta vigoureusement ; et y acquit honneur perpétuel; car il batailla contre eux vis-à-vis, et main à main, tellement qu'il fut navré tout oultre le col d'un vireton qui passoit demi -palme oultre son hatreati. Mais oncques ne s'enr desfit de courage , ains incitoit ses gens à bien besongner pour honneur acquerre. Et jà soit ce qu'il fut angoisseusement bïesché, tellement que le sang lui ruyoit, se disoit-il que c'estoit peu de chose ; car la grande ardeur qu'il avoit de rebouter ses ennemis lui faisoit oublier la grande douleur de sa blessure. Et se portèrent tant vaillament ceux de sa bande , que plusieurs

(^477) DE JEAET MÔLTNET. tq

y demourèrent morts et navrés. Pendant le temps que ce merveilleux exploict fut achevé , les François besongnoient en aultre quartier pour empescher ceux de la ville , qu'ils ne lui donnassent secours ; mais toutes fois ils n'y proufitèrent riens; car un chef de guerre , nommé Maupas Jehan Martin , gascon de Wagrelan , ensemble aulcuns combattans en petit nombre estans illec, leur baillèrent tant à besongner à leur emprinse , qu'ils retournèrent confus pour ceste fois ; et mirent garnison à l'environ d'Aussonne , et es frontières et chasteaux, comme Rochefort, Grey, Sainct- Jeban deLone, Paime, Charleducet Milebeau, Et les trois mille francs- archers se tinrent autour du pont d'Aussonne l'espace de trois jours , puis se retirèrent. Le seigneur de Cràon se tenoit en Dole , et es forts de là entour, lesquels il avoit conquis et desquels il prenoit possession. Trois ou quatre jours après ce reboutement, qui fut quasi miraculeux, se vindrent rendre en Aussonne plusieurs nobles François, gentils compagnons, qui firent serment de bien et léaument servir madamoiselle , pour attendre l'adventure telle que Dieu envoyeroit à messire Glande , lequel avoit aulcun entendement avec ceux de Rochefort , où estoient en garnison seize hommes d'armes et quarante archers. Icellui messire Glande , accompagné de quatre-vingts combattans, print Rochefort , moitié par force et n^pitié par emblée.

48 CBUONIQUES ('477)