CHAPITRE LXXXI
Le siëge de Beaumont ; Fentrëe du duc d^ Austrice en la Haye , et la
prinse de Dordrech.
Le duc Maximilian^ accompagné du seigneur Josse de Lalaing, de Suisses et Anglois, et plusieurs aultres nobles hommes expérimentés de la guerre, fit assiéger la ville et chasteau de Beaumont en Lorraine ; et fit affûter une grosse bombarde que ceulx de Valenciennes lui envoyèrent; et tellement la fit battre , que par la vertu d'icelle , ensemble d'aulcuns aultres bastons, la ville fut prinse et bruslée« Le chasteau tint un espace, lequel assez tost se rendit. Le duc y fit bouter de trente à quarante compagnons pour la garde ; mais il fut pris d'emblée par cent ou six vingts foeillars, qui les expulsèrent. Pareillement, le duc fit assiéger Rodemach, où pendant les trêves se tenoient aulcuns françois. Le duc d'Austrice, accompagné comme dit est, se trouva à demie lieu près de La Haye. Ceulx de la ville vindrent au devant de lui, ayans testes et pieds nus^ demandans sa très noble grâce; et amenèrent avecq eulx un docteur, qui très élégamment proposa devant lui, toujours demandant et requérant grâce et merci; auquel le duc respondit
qu'il leur feroit justice; et ceulx de la ville requéroient que les Anglois n'entrassent point en leur fort. Néanmoins ils entrèrent à volonté en la compagnie du duc^ qui fut reçu réveremmeot à grande compagnie de torses, mais à son département furent descapités aulcuns mutins, jusques au nombre de vingt-et-un.
Le bastard de Brabant, Michel de Berghes et Thomas d'Aurican conducteur de six vingt Anglois, ensemble plusieurs routiers de guerre, esprins de grand hardement pour estre audessus de la ville de Dordrech, tenant le parti des houlx contre les cabillaux, se l)Oulèrent en trois vaisseaulx chargés de tonneaux pleins de terre, et sacs plains de foin , à manière de marchandises , et dont il en y avoit aulcuns pour faire leurs monstres. En cesdits basteaux estoient absconses iceulx conducteurs^ ensemble ceulx qui debvoient faire l'emprinse , armés et embastonnés selon la nécessité du cas ; et avecq la guette se trouvèrent dedans Dordrech , quasi à la porte ouvrir. Ceulx de la ville voyans ces basteaulx, cuidans estre tous chargés de marchandises, furent moult joyeux. Se les bienveignèrent ; et les marchands tous froidement deschargèrent leurs bagues en approchant la porte, afin de la conquerre, en attendant une grosse flotte de gens d'armes qui les suivoient. Finablement la porte fut gaignée; gendarmes approchèrent qui se fourèrent eus ; les houlx se réveillèrent ; les manans crièrent à l'arme ; les bourgeois se misrent en poinct ; ceulx de la justice
284 CHUONIQUES (»48ti)
vindrent à l'escarmouche ; le bourgmestre veult donner sur le seigneur d'Aighemont et fut navré aux jambe9« Les houlx se joindirent aux cabillaux; la meslée fut aspre d'une partie et d'aultre; mais enfin ceulx de la ville furent rompus, desfaicts et succombés par les Angles et aultres, qui firent grand debvoir. En ceste emprinse fut navré Thomas d' Aurica, capitaine des Angles, fort hardi et entreprenant. La voix couroit que ceulx de la ville avoient entendement avec les Gueldrois, et favorisoient aux François, desquels ils avoient certaines parures, portans la croix droicte; et furent trouvés en leurs tonneaux aulcunes monnoyes empreinctes de fleurs de lys à l'un des lez, et à l'autre les armes de Gueldres; et à ceste cause , et pour plusieurs aultres , furent décapités la plus part d'iceulx qui furent cause de ceste Oommotio.
