PROLOGUE. l

par hardi emprendre, peser les quartiers d'occident en sa balance , est proprement esquiparé à Justice , la royne des vertus.

Avec ces quatre très illustres princes, descendus du champ de fleurs de lys, sont quatre nobles Marguerites de mesme sorte , lesquelles ont grandement amplié, enrichi et augmenté ceste maison, tant de salles , chambres, clostures ; vignes, hayes , jardins, prés, pastures, comme tenemens et aul- Ires appendances , dont elles ont bruit et les pardessus toutes aultres .

Et premier, Marguerite de France, fille du roy Philippe-le-Long , espouse du comte de Flandres, le adhérita des deux comtés d'Artois et de Bourgogne.

Marguerite de Brabant , alliée au comte Loys de Maie, dont dessus est faicte mention, le mist en possession des duchés et pays de Lotrich , Brabant et Lembourg.

Marguerite de Flandres, mère du duc Jehan, y attribua la comté de Flandres et aultres passaiges.

Et Marguerite de Bavière, fille du duc Aubert, compaigne dudit duc Jehan , y adjousta les comtés de Haynault , Hollande , Zéelande , et la seigneurie de Frise.

Et par ainsi , ceulx qui percevoient entièrement la édification et lucidité de ceste triomphante maison, exaltée sur les haultes montaignes, peuvent facilement dire^ tant pour l'artificielle sculp-

l4 PROLOGUE.

ture des quatre pilliers que pour la spéciosité des fleurs et précieuses gemmes : Portas nitent Margaritis»

Et pour ce que le très puissant et très redoublé duc Charles , désirant accroistre sa renommée par toutes terres et provinces^ au décorement de ceste maison très relucente , s'est nouvellement tiré sur les frontières et limites de Germanie , et a planlé son siège devant la très forle ville de Nuysse , je, Jehan Molinet , loingtain imitateur des historiographes, me suis advancé, par son commandement, de rédiger et mettre par escript les glorieuses prouesses, louables gestes et très nobles faicts d'armes qui d'ores-en-avant se feront, tant d'ung parti que d'aultre, tant en ceste m^on durable comme en l'environ de icelle, suppliant très humblement à tous orateurs , historiens et inquisiteurs des chevalereux exploits perpétrés pat* les docteurs et disciples de Mars, qu'il leur plaise rescinder ce qu'ils trouvent superflu et augmenter le défectif, afin de réduire mon œuvre à vraie congruité et perfection de lumière , tellement que je puisse escrire chose qui soit agréable à Dieu , honnorable aux princes el salutaire à mon ame.

En ce présent premier volume sont rédigées par escript les chroniques et actions , annales de feu maistre Jehan Molinet, en son temps indiciaire et historiographe des très illustres maisons d'Austrice