CHAPITRE CCCXLIV

Comment le dac Charles despescha Tambassade da roy à Saînt-Omer^ qui là estoit venu pour le bien du pays et d^union entre eux deux.

Maintenant convient-il narrer comment le due Charles despescha l'ambassade du roy à Saint-Oiner^ qui là estoit venu devers ly pour le bien du pays et d'union entre eux deux, et pour pacifier et contenter le duc son cousin^ et le satisfaire de tous les outrages^ ravissemens et extorsions faites pour et au nom de Warwyc , Anglois , dont le duc se doloit , pour la cause que le roy le porloit, soustenoit et garandisoit en son royaume. Dont, et combien que ledit de Bourgogne s'en doloit , et en portoit le cœur gros envers le roy, et le sa voit bien , toutefois pour demorer en amistié aveucques ly et non encheoir en guerre , s'estoit avisé d'envoyer devers ly ambassadeurs pour lui offrir toutes satisfactions , et restituer de toutes pertes et dammages faites à lui et à ses subjets par mer ou par terre à ceste cause, aveucques ce aussi que par ceste son aml>assade sceust que^ comment qu'il fust ne comment que la chose allast ne tournast , il voloit demorer ferme et estable emprès le traité qui avoit esté fait entre eux deux à Péronne ; faisant déclarer en outre que aveucques ly seul et aveucques son amisté envers et encontre tous autres quelconques il voudroit

(i469) DE GEORGES CHASTELLAm. 210

mettre son fort pour sa porcion de son régner ; et le tenoit si sage, et prince de si grant vertu, ce faisoit dire , que entendu le lieu dont il parloit et estoit né, aveupques la grandeur et la puissance qui estoit en ly , il devoit mieux amer à soi joindre aveucques ly , et porter sa querelle encontre tous autres quelsconques contre honneur et droiture. Or avoit le duc Charles assez longuement, et par aucuns jours , médité et pensé sur le rapport de ces ambassadeurs de France, et lesquels, après privées devises eues aveucques ly, requérèrent pour la délivrance et retour ; si s'y disposa Iç duc et leur mist jour.