CHAPITRE CCXXI

L'appoinctement d'aulcunes villes de Brabant.

La paix de Francqfort faite et accordée comme dit est , en laquelle furent comprins les roys d'Espaigne et d'Angleterre, la ducesse de Bourgongne, Marguerite d'Iorcq, et Tévesque de Liège, fut publiée es limites et bonnes villes de monseigneur l'archiducq , et divulguée es loingtaines régions, mesme jusques en la cité de Rome. Aulcunes de par decbà , esprinses de liesse , firent feux de joye et grands esbatemens. Les villes de Brabant, comme Louvain^ Bruxelles et Nyvelle, tenant parti avec monseigneur Philippe et les Franchois, furent tant persécutées de mort et de pestilence que riens plus; et de faict, en l'espace de an et demi , morurent , par compte fait , en la ville de Bruxelles, plus de trente-trois mille personnes ; et se les Brabancbons avoient esté durement maniés par les flayaux des hommes nourrisseurs de la guerre, encores le furent-ils plus par la main de Nostre- Seigneur , qui les persécuta de sa mortelle verge. JEt quant ils se virent ainsi agitez, flagellez et humiliez de Dieu et du monde , et que les corps, les membres et les coraiges leur commenchoient à deffaillir , pour ce que jamais en leur vivant n'avoient plus goustez le très angoisseux et amer fiel

de la guerre , qui leur sembloit estrange et venimeux^ ils aspirèrent après le bénéfice de paix.

Si se trouvèrent devers 1^ duc de Zassen , pour les villes de Louvain, Bruxelles , Léauwe et Tillemond, les abbez du Parcq, d'Afflegem le burgmestre de Bruxelles et aultres , requerans avoir appoinctement et seur accord pour la ducé de Brabant el pour la comté de Flandres ; auxquels supplians fut respondu qu'ils parlassent pour eulx seulement , et laissassent les aultres convenir. Néantmoings , le duc de Zassen les recoeillit assez amiable ment , si leur fit donner les vins ; et finalement Brabanchons se desjoindirent de Monseigneur Philippe et des Flainens, lesquels, par plusieurs fois , et en très grand dangier de leur vie, les avoient ravitaillez et secourus à leurs grandes pécessitez. Et ainsi doncques les Bruxellois, délicieusement nourris et chau Idement couverts en leur repos, ne peurent porter, endurer, ne souffrir le pesant fardeau de la guerre ung an entier , et que les Gantbois qui les soustenoient le menton , ont corageusement porté puis l'espace de quarante ans.

Après plusieurs ouvertures mises en train, l'ap— poinctement fut concleu , tisseu et parachevé , parmi tant que pour supporter les despens et recouvrer les desniers, lesquels s'étoient expose^ à l'occasion de ceste guerre, les bonnes villes de Louvain , Bruxelles , Nyvelles et Leauwe paieroient la somme de deux cents mille. Peu de jours après cest accord fait, monsieur Philippe,

( J 4 8 9) DE JEAN MOMfffiT. 63

qui lors se tenoit en Bruxelles , et y étoit eùtré , comme dit est, le dix-septième de septembre , an quatre-vingt et sept, se partit d'illec, lui, madame sa femme , leur famille , et onze ou douze chariots chergiés de baghes , accompaignez de quatre à cinq cens chevaulx , environ dix heures du matin , et s'en alla disner au chasteau de Likerke, où il fut grandement receu et festoyé -, car ceulx de la garnison vindrent au-devant à grosse et forte bende. Et ce mesme jour, à l'après-disner , entrèrent en Bruxelles le duc de Zassen , le prince de Chimay^ et le comte de Nassou, avec deux mille allemans , et sitost que les sermens furent renouvelés , se partirent sans nul secours , à cause de la mortalité , de quoi la ville estoit fort infectée.

En ce temps , le comte de Nassou y La Mouche , le prévost de Liège, le président de Flandres et aultres qui seront ci-après nommez , furent envoyez vers le roy de France , pour le parfaict de la paix faite à Francqfort , et pour faire l'accord de Flandre. Si passèrent par Valleachiennes où ceux de la ville voeillans complaire audit comte , digne d'être honoré , fut par iceulx festoyé et conjoy, tant pour le retour de son emprisonnement , que pour la recouvrancede bonne paix, de laquelle il avait Pentreprinse, lui firent ung bancquet fort riche et somptueulx, où furent jouées aulcunes moralitez, servans à propos de sa joyeuse revenue. Le sieiir des Querdes les suivoit, ensenjble l'ambassade de Flandres, laquelle remectoit tout le différent qu'elle avoit au

roy des Romains à la volunté du roy de France , comme à son souverain seigneur , devant lesquels se trouvèrent auMontiz-lez-Toursoù fut faicte la paix , en la forme et manière qui s'ensuit.