CHAPITRE CCX
Emprinse faicte *ur la ville d'Arras.
Aulcuns josnes gentils hommes de Haynault, esprins de hardi vol loir, cuidans mieulx faire que les nobles anchiens expérimentez de la guerre, pensèrent et concheurent que subtillement , et par négligence de guet , prendraient légièrement la ville d'Arras sur les Franchois ; et environ quinze jours après Pasques, Robert de Mèlun , le seigneur de Forest , Jehan de Méinorency , Andrien Reffaut, et Francbois de Mastaing, Ferry de Nonnelle, Olivier de Larmes, Robinet Ruffin, Philippe de Relleforne, Maldonnade et aultres josnes capitaines aventureux, desirans honneur et faire quelque exploict de prouesse dont il serait bruict en temps futur , firent amas de cinq cens chevaulx et de dix-huit cens piétons, sortis d'eschielles, ponts, clayes et instrumens à leur faict, si tirèrenten Austrevan, passèrent au-dessus de Douay , par devers Esquerchin , tellement que à douze heures de nuict, se trouvèrent à ung quart de lieue d'Arras; et illecq parvenus , députèrent quarante hommes les plus experts, pour encommencher r emprinse. Si estoit leur intention d'entrer au chasteau neuf , auquel il espéroient estre seullement vingt hommes , lesquels n'eslpient en soussi d 'estre fa cille ment au-
04*9) DE JEAN MOLINBT. J
dessus ^ et, par legainz dudit chasteau avoir entrée aux portes de la ville de la cité ; et conséquamment gaigner le tout, voire se Dieu et fortune leur voloient estre favorables.
Les quarante hommes par eulx desputez approchèrent la ville , circuirent le quartier où ils prétendoient à besongner , sans qu'ils fussent ojs ne percheus du guet; puis ces quarante hommes choisirent d'entr'eulx aultres six pour passer les fossés , pour soi joindre à la muraille. Les fossés estoient doubles : le premier fossé passèrent vistement , parmi ce qu'Us firent ponts de leurs esche lies ; mais le second esloit fort difficille , plain d'eauwe la longueur d'une lanche et parfond ; et touteffoiS; ung seul homme armé, qui sçavoit naiger , le passa ; les aultres , doubtan t de la grippe de fortune, ne se osèrent adventurer de le suivre ; pourquoi celui qui esloit passé rapassa à grand dangîer de sa vie , parmi l'aide d'une lanche et de ses compaignons, qui le secoururent.
Quant ils percheurent cest obstacle, et que possible ne leur estoit d'achever leur faict , sans perte d'honneur ou de vie , ils cessèrent de besongnier , et retournèrent coiettement à leur bataille. Et est vérité que le principal moteur et conducteur s'estoit descognié et trouvé en Arras cincq jours paravant ceste emprinse , où il avoit pourjecté les quartiers , lieux et adveneues pour parvenir à fins de leurs conceptions , et avoit regardé que ce second fosset n'avoit eauwe que la
profondeur de deux pieds , et que facilement ou le povoit passer. Mais à l'heure que les six hommes y arrivèrent, l'eauwe est oit ainsi creutte par certaines dicques qui s'estoient rompues deux heures devant, à cause des oraiges et terribles pluies dont les eauwes devindrent grandes ^ comme elles sout par usaige avant la feste de la Saincte Magdèleine , parquoi ceulx de la ville maintindrent que Dieu les avoit aidés et que c'est oit œuvre miraculeuse. Mais il n'est à doubler que se ledit second fosset fusist demou ré en tel estât, sans augmentation d'eauwe que l'explorateur le trouva , l'entreprinse eusist sorti son effect ; car le guet de la ville se monstra fort négligent , et toutesfois , il n'y avoit intelligence ne entendement d'une partie ou d'aultre , comme depuis a esté bien sceu.
Quant lesBourguignonsHannuyers percheurent leur faict rompu et fardé , ils se monstrèrent en bataille au bois de Mofflaines ; puis quant le jour fut tout grand et que le soleil descouvrit toutes embusches, le guet de la ville apperçeut ceste armée dont il fut fort estonné , et pour donner resveil au peuple, il cria : « au feu ! au feu ! » Et lors chacun se leva plus habillement que s'il eusist crié alarme. Aulcuns cour oient aux portes, les aultres aux murailles , et furent grandement esmerveillez de trouver armée si prochaine de leur ville , sans estre aulcunement advertis de leur venue, et de ce jour en avant renforcèrent leur guet, si furent diligents de mieuix garder leur fort,
Mfy) DE JEAN MOLINET. 9
et l'armée dés gentils hommes retourna en Haynault , frustrez de leur prétente , qui espéroient avoir grand bruit ; mais ils firent exploict de petit fruit.
