juin

340 CHRONIQUES DB LOUIS XII. [Jain i507

tenir se sceut bien le Roy raesmes, qui vers ladite marine estoit logé.

xxxvin.

De la venue et entrée du Roy d'ârragon a Savonne,

ET DU recueil ET TREGTEMENT QUE LE ROY LUY FIST, ET DE LA FAMILIARITÉ QU'lLZ EURENT ENSEMBLE ^

Le Roy Ferrand d'Arragon estoit ja party de Gayete et monté en mer pour s'en revenir en Ëspaigne et passer par Savonne, comme a voit mandé au Roy. De quoy le pape adverty s'en alla a Hostie, ung port de mer, terre d'Eglize, sur la passée dudit Roy d'Arragon, et la fist faire grandes provisions et gros appareil pour le cuyder illecques recueillir et trecter. Mais, saichant lors, celuy Roy d'Arragon, que le pape n'avoit eu a gré le voyage du Roy a l'occasion de la prise de Gennes, dont estoit mal contant, comme se disoit, pour ne donner occasion au Roy de pencer quelque chose, et ausi qu'il luy failloit passer par ses dangiers, ne voulut parler a luy ne descendre a Hostie, mais luy manda qu'il avoit haste de s'en aller, et le vent a

1. Miniature au fol. cxxiin r® dums., représentant l'arrivée du roi d'Aragon. A droite, une porte fortiBée avec l'inscription Savonne, encombrée des archers du roi. En avant de cette porte, une petite estacade de bois, sur laquelle Louis XII, suivi de trois ou quatre personnages, reçoit dans ses bras Ferdinand. Ferdinand, sur une passerelle en bois, sort d^une barque aux couleurs de Louis XII (jaune et rouge), dans laquelle on voit la reine, des dames, deux cardinaux, divers personnages. Une jetée arrondie, derrière la porte, est couverte d'une foule bigarrée. La mer est bleue et semée de barques aux couleurs du roi.

Juin 1507] DE LA VBNUE ... DU ROY D'AARAGON, ETC. 341

gré pour ce faire, par quoy ne pouvoit pour Teure arrester, et ainsi passa oultre. Le conte de Foix luy fut au devant, par mer, avecques grande noblece de France, qui luy dist nouvelles du Roy et commant il estoit ja a Savonne, pour la le recueillir et festoyer. Dont s'avança et fist singler a plaines voisles, tant que bientost fust oultre le havre de Gennes et a la veue de Savonne, et de la tran[s]mist devers le Roy ung nommé domp James Darbyon^ pour Tadvertir de sa venue, et ausi transmist a Savonne le mareschal de ses logis avecques ses « pousantadours >, qui sont ses fourriers, pour la mercher ses logis. Ausquelz le Roy bailla ung nommé Anthoyne de Pierrepont, dit d'Arizolles, mareschal des logys, pour leur monstrer leurs cartiers et les conduyre partout; ce qu'il fist, et leur bailla leur cartier près du chasteau, ou estoit ordonné le logis du Roy d'Arragon.

Le Roy sceut, par ledit domp James Darbyon, que le Roy d'Arragon estoit près et que a ce jour seroit a Savonne, dont fut le Roy bien joyeulx, et dist a celuy domp James Darbyon : « Puys qu'il plest au Roy d'Arragon, vostre maistre, de me venir veoir en mes pays, je metray peine de le trecter a son vouloir et de le recueillir joyeusement. » Et, ce dit, luy transmist au devant maistre Georges, cardinal d'Amboise, les cardinaulx de Nerbonne, de Sainct Severin, de Final, d'Alby et de ses princes et seigneurs grousse route, lesquelz luy furent au devant troys lieues en mer, et la luy dirent commant le Roy l'avoit ja actciidu quatre jours, et que moult luy tardoit l'eure qu'il ne le veist.