Garro

102 CHRONIQUES DB LOUIS XII. [Novembre 1506

seul. Advint que iceulx Genoevoys, ainsi mutinez, Toyant que ledit seigneur Jehan Loys estoit a Montaubyou, disrent que la le yroyent assallir et proposèrent d*y aller mectre le siège.

Le conte de Ravestain, gouverneur de Gennes, sachant la saillye et Fexploict d'iceulx Gennevoys, et le vouloir qu'ilz avoyent d'aller mectre le siège devant le seigneur Jehan Loys, prist quant et luy aucuns des conseilliers qui avecques luy estoient, quelques marchans ausi et cytadins de la ville, et s'en alla au devant desdits Gennevoys , qui ja tiroient vers ledit lieu de Montaubyou, délibérez de l'assiéger, et iceulx, par doulces parolles et belles remonstrances, quelque peu adoulcist, les voulant faire retourner a Gennes ; ce que ne voulurent, mais s'en allèrent a ung lieu nommé Chabery*, au port de Lespece, et aux autres appartenances desdites places que tenoit ledit messire Jehan Loys, et icelles prindrent par force et misrent gens dedans pour les garder. Sachant le seigneur de Ravestain la prise desdites places, fut somer les gens de ladite commune de icelles rendre et mectre entre les mains et a l'obéissance du Roy, a qui elles appartenoyent ; ce que ne voulurent, mais disrent qu'ilz les garderoyent a qui elles appartenoyent et ne voulurent, par commandement ne autrement, rendre au Roy lesdites places. Dont le seigneur de Ravestain en advertist le Roy ^ et