d'après la Conquesle et la Bataille et assault

Avril i507] GOMMANT LB ROY SE RENDIT A SON ARMÉE. 225

et de Françoys environ xxxvi, mais grant nombre de blecez.

Voyant le Roy que, a Taide de Dieu, il avoit gaigné la bataille et defiaict ses ennemys, fist assoir son camp et mectre ses gens d'armes autour de Gennes pour y aller le lendemain mectre le siège et destruyre tout, si elle^ ne se rendoit a sa mercy; et, premier que faire autre œuvre, tout armé s'en alla en l'esglize de l'abbaye ou il estoît logé, rendre grâces a nostre Seigneur de sa victoire, puys se fist desarmer et se mist a repos.

Le duc de Gennes, Paule de Nove, voyant de tous poinctz les Gennevoys abatus et deffaictz, et son règne prendre fin, ne sceut plus que faire ne a quel moyen avoir recours, si n'est a la fuyte; dont prist de ses bagues ce qu'il peut, et, avecques grant nombre d'autres Gennevoys, sachant la estre le Roy en personne, tous espouventez s'enfuyrent. Ledit Paule de Nove s'en alla avecques sa suyte embarcher au gouffre- de Rappalle, de nuyt, pour la doubte des galleres du Roy qui estoyent autour du moule de Gennes, et lira droict en l'isle de Corse : aucuns des autres s'en allèrent en Barbarie; les autres, a Romme; les autres, dedans aucunes de leurs places estans autour de Gennes. Jacobus Gorsus, pizan, Tervatin, Gambecourtc et les autres capitaines estrangers, avecques le demeurant de leurs soubdartz, s'enfuyrent par les montaignes droict a leur cartier.

Dedans la ville de Gennes, lors n'avoit que pleurs, criz et lamentacions de pauvres femmes désolées, qui

i. Le texte porte : sil elle.