CHAPITRE CCXXXIX
Oomitii-nl Philippe, comte de Sainl-Pol, alla à I!r".ïelles, et fll prendre les gens de son fière le duc de Brabant; cl autres diverses besognes qui advinrenl en ce temps.
Durant le temps dessus dit, Philippe, comte de Saint-Pol, dessus nommé , fut hâtivement mandé par grand’ partie des nobles et bonnes villes du pays de Brabant, et aussi par sa tante, comtesse de Ilainaut, femme de son frère , le duc Jean de Brabant. Auquel mandement, toutes autres choses mises en arrière , il alla sans
délai. El lui venu au dit pays, fut tantôt fait gouverneur de toute la duché de Brabant par le consentement des dessus dils, au lieu de son frère le duc, duquel bonnement plus souffrir ne pouvoient le gouvernement, parce qu’il se méfaisoit par diverses manières. Si se tint icelui comte atout son état en la ville de Bruxelles , et commença à faire plusieurs nouvelles ordonnances qui grandement déplurent à ceux qui gouvernoient le duc de Brabant , lequel pour lors étoit absent d’icelle ville de Bruxelles. Et pour tant iceiix gouverneurs l’amenèrent atout grand’ puissance des gens d’armes en la dessus dite ville de Bruxelles, laquelle, de première venue , ne lui fut pas ouverte jusqu’à tant qu’il eût promis à son frère, le comte de Saint-Pol, qu'il tiendroit ses gens et tous les habitants de la ville paisibles, et sur ce il entra. 3Iais quand il fut dedans, ceux qui le gouvernoient lai^soient à grand’ peine et ennui approcher de lui son frère dessus dit et les autres nobles et notables gens de la ville, dont ils ne furent pas bien contents ; et enfin se conclurent avec le dit comte de Saint-Pol d’y pourvoir. Et de fait se mirent ensemble en très grand nombre, prirent et menèrent prisonniers tous les gouverneurs du dit duc de Brabant, entre lesquels étoit le principal le damoiseau deHainseberg. Desquels prisonniers grand’ partie furent décapités, c’est à savoir messire Jean de Caudeverk, Jean Sthocart, Edouard Le Duc, Henri Le Duc, messire Henri Clavin , maître Guillaume Clavin, messire Jean Clavin, messire Guillaume Pipempoix , messire Guillaume Hîoyeux , le damoisel Guillaume Asche, Jean Du Vert , messire Evrard Serclaux, Jean Clavin , geôlier, et avecque eux plusieurs autres. Si fut mis le dit duc au gouvernement des nobles du pays de Brabant par l’accord et consentement de son frère le comte de Sainl-Pol, et aussi des trois états de son dit pays. Et après furent eux deux ensemble assez unis et en bonne amour.
Esquels jours, les Dauphinois qui se tenoient à Guise en Thiérasche et en la marche environ s’assemblèrent environ cinq cents combattants, atout lesquels allèrent soudainement en la ville de Beau-Revoir, appartenant à messire Jean de Luxembourg, et où il faisoit sa demeure, et aussi en autres villages à Ten-
viron , et là prirent et ravirent plusieurs paysans et autres voies, atout lesquels retournèrent hâtivement dont ils èloienl venus. Pour laquelle envaliie le dit de Luxembourg, grandement de ce troublé, assembla à venir devers lui grand nombre de gens d’armes et de trait de plusieurs pays, lesquels il conduisit et mena en la comté de Guise pour lui venger du déplaisir que lui avoient fait les dessus dits ; et là, envahissant la dite comté de toutes paris, prirent et ravirent tout ce qu’ils trouvèrent dehors les forteresses, c’est à savoir pavsans, chevaux, juments, vaches, brebis, moutons et pourceaux, avec plusieurs autres biens, lesquels ils ramenèrent et départirent à leur plaisir, et après se retrahirent chacun en leurs lieux.
En après, durant les tribulations dessus dites, trépassa en la ville de Blois Philippe, comte de Vertus, second frère de Charles, duc d’Orléans, prisonnier en Angleterre , cl aussi du comte d’Angoulôme. Lequel de Vertus gouvernoit en France toutes les seigneuries de ses frères dessus dits. Pour le trépas duquel le duc de Touraine, dauphin, fut moult affaibli d’aide et de conseil; et aussi ses deux frères, qui étoient prisonniers, en eurent au cœur grand’ tristesse et le pleurèrent tendrement par long temps, tant poui l’ainour fraternel qu’ils avoient à lui comme pource qu’en leur absence il gouvernoit léalemcnl et sagement leurs dominations, terres et seigneuries.
