Par erreur du copiste le ms. porte « crestiens

domines et aidiez à garder ce passage, car se les Turcs le conquièrent, toute Honguerie est en péril et en aventure d'estre perdue. Nous sommes en tort lieu, ung de nous en vault quatre ; encores nous vault

5 mieulx morir à honneur, en gardant nostre hiretaige et la foy de Jhesu Crist, que vivre a honte et en servage dessoubz ces chiens mescreans, quoyque L'Amourat soit certes moult vaillant homme et preudhomme en sa loy. » Tous respondirent : « Sire, nous attende-

10 rons l'aventure avecques vous. Viengnent les Turcs si veuUent, nous sommes pretz de les recueillir. » Et de toutes ces ordonnance[s] ne de ce passage g?rder ne des haulz bois qui estoient coppez, ne savoient riens les Turcs, car le conte de Nazara, pour la doub-

15 tance des espies, et que leurs convenans ne (eussent révélez et sceuz devers L'Amourat Bakin, avoit mis certaines gens sur les passages, ens esquelz il se confioit autant comme en lui-mesmes, qui bien gardoient de jour et de nuit que nul n'aloit ne venoit devers les

20 Turchs.

§ 63. « L'Amourat Bakin ne mist pas en oubly son emprise, mais dist que il envoieroit veoir et visiter à son grant dommaige et destruction la terre au conte de Nazara, car il ne voloit pas que il (ust trouvé en

25 bourde de ce que il avoit promis. Il prist environ LX". hommes des siens, car il en avoit bien n". mille sur les champs, et leur bailla quatre cappitaines de sa loy et de son hostel, le duc Mansion de Meke, le garde de Damiete, Aphalory de Samarre et le prince de Cordes,

30 tilz à l'Amustant de Cordes, qui s'appelloit Brahin, et leur dist ainsi au départir : « Alez-vous-ent a tout voz

gens, ceulx que je vous ay délivrez (c'est assavoir les dessus nommez), c'est assez pour ouvrir le passaige de Hongueiie, et entrez en la terre du conte de Nazara et la destruisez toute. Si trestost comme je sçaray que vous y serez logiez, je vous iray veoir a tout le 5 demourant de mon peuple; je vueil toute Honguerie mettre en ma subjection et puis le royaume d'Alemaigne. Il m'est destiné; se dient les sors de mon pais et les devins d'Egypte que je doy estre sire et roy de tout le monde; et le lieu où je yroie le plus volen- 10 tiers ce seroit à Romme veir la grandeur de Romme, car elle est anciennement de nostre hiretaige, et nos prédécesseurs l'ont conquise et gouvernée plusieurs fois, et là vueil-je porter couronne et menray le calipse de Baudes, et le taken de Tartarie, et le Soudan 15 de Babilone (jui m'y couronneront. » — Ceulx respondirent, qui estoient à genolz devant L'Amourat, que ilz acompliroieiit son désir et se departiroient de lui a tout LX". Turcs, entre lesquelz il y en avoit xx". de tous les plus aidables, les plus preux, les plus armeres de 20 toute Turquie et ceulx menoient l'avant garde.

« Tant exploitèrent ceulx, que ilz vinrent entre les montaignes de Nazara et ne trouvèrent en l'entrée des pas nul empeschement, et se boutèrent ceulx de l'avant garde dedens, et les conduisoient le duc de Meke et le 25 duc de Damiete ; et passa ceste avant garde toute l'embusche du conte de Nazara et encores des autres grans foison. Quant le conte et les Hongriens veirent qu'ilz en avoient leur charge, ilz tirent ouvriers entrer en euvre et abatre bois et gros sapins de travers les 30 pas, et empescheerent si les destrois que tout lu clos, ne il n'estoitpas en puissance d'omme de point aler avant.

Là yot enclos bien xxx". Turcs, qui furent des Hongres

assaillis et trais ties deux pars des bois. Là furent-ilz

tellement menez que tous y demourerent, ne oncques

ung tout seul n'en fut sauvé, et y furent occis les deux

5 ducs; bien en y avoit aucuns qui se cuidoient sauver

pour entrer ens es bois, mais non firent, car ilz furent

chaciez et versez et mors, ne oncques Turc ne se

sauva. Or retournèrent ceulx de l'arriére garde, qui

ne peurent passer pour le grant empeschenient des

10 bois que on leur avoit coppez au devant, et recor-

derent à L'Amourat le grant meschief qui estoit avenu

à ses gens. L'Amourat, de ces nouvelles fut moult

pensieuf et appella son conseil pour savoir quelle

chose estoit bonne à faire, car il avoit perdu la fleur

15 de sa chevalerie.

« Par ceste desconfiture, dist le roy d'Ermenie au roy de France et à ses oncles, qui là estoient, et aucuns haulz barons de France, qui volentiers l'ouoient parler, fu L'Amourat Bakin grandement retardé de faire 20 ses emprises, et a tousjours depuis trop grandement doublé les Crestiens, car en devant il ne les congnoissoit ne n'avoit eu point de guerre à eulz, fors au soudan et à l'amiral de Meke et au takem de Tartarie et au roy de Tarse, desquelz il est aussi tout souverain, ne il 25 n'y a si puissant roy jusques en Inde qui l'ose courroucier. Il a depuis bien mandé au conte de Nazara que sur saufconduit il le vieiignc veoir, et dist que il le verroit plus volentiers que nul seigneur du monde ; et en recorde grant bien, pourtant que si briefment il 30 se pourvey de conseil et de confort et le monstra de fait. Et dist bien L'Amourat que il est moult vaillant homme, et lecuide et le tient eiicores pour plus vaillant

homme assez que il ne soit. On a bien conseillé au conte de Nazara que il le voise veoir, et que bien il se peut asseurer sur son saul'conduit, et que pour rien il ne l'enfraindroit. « Je le croy bien, dist le conte, mais ja ne me verra; quelle chose aroi-ge gaignié se il 5 m'avoit veu ne moy luy? » Et plus s'escuse le conte et plus a grant désir L'Amourat de lui veoir. Ainsi se tient L'Amourat Bakin sur les frontières du royaume de Honguerie, et subtille nuit et jour commetit il y peust a puissance entrer pour y submettre le roy et les 10 seigneurs voisins, mais il pert sa paiiie, car les entrées de Honguerie sont trop fortes, se ce n'est ou droit chemin de Constantinoble ; mais de celle part il n'y fait pas si dur ne si fort entrer comme il fait devers les haulz bois, et se les haulz bois de Honguerie 15 estoient passez par fortune ou par povre garde, on seroit seigneur de la greigneur partie du pays ».

§ 64. Moultvolentiers fu le roy d'Ermenie oy de toutes ses paroles, car elles estoient tant, comme aux seigneurs ausquelz il les remonstroit, nouvelles, et nature 20 est encline grandement en l'omme à oïr nouvelles choses. Le roy de France et son conseil eurent grant pitié de lui, pour tant que il estoit là venu de si loing pays que de l'un des corps de Grèce quérir confort et conseil, et pour ce aussi que il estoit roy et l'avoit-on 25 bouté hors de son royaume, et n'avoit à présent de quoy vivre ne tenir son estât; ce monstroit-il bien par ses complaintes. Se dist le roy de France, comme jone que il estoit pour ces jours : « Nous volons de fait que le roy d'Ermenie, (|ui nous est venu veoir en instance 30 d'amour et de bien de si loingtain pays comme de

Grèce, que il soit du nostre tellement aidié et conforté que il ait son estât grant et ordonné ainsi comme il appartient à luy, qui roy est si comme nous sommes, et (juant nous porons de gens d'armes et de voyage, 5 nous le conforterons et aiderons à recouvrer son hiretaige. Nous en avons bonne volenté, car nous sommes tenus de exaulcier la foy Crestienne. » La parole du roy de France fu bien oye et entendue; ce fu rayson; nul n'y contredist, mais furent ses oncles et le conseil du

\Q roy tout désirant de l'acomplir et oultre. Si fu regardé que le roy d'Ermenie, pour tenir ung estât moyen, seroit assené de une rente et revenue par an sus la chambre des comptes, et bien payé de moys en moys et de terme en terme. Si fu assigné le dit roy d'Ermenie de

15 vr. frans par an, et en ot v". prestement pour lui estoffer de chambres, de vaisselle et île autres menues nécessitez, et li fu délivré l'hostel de Saint Aubain, dalez Saint Denis, pour là demourer et ses gens tenir son estât. Celle recouvrance ot le roy d'Ermenie du roy de

20 France de premiers el tousjours en accroissant ; on ne ly amenry point, mais acreut, et estoit à la fois dalez le roy et par especial aux solempnitez.

§ 65. En ce temps, vint messire Ostes de Bresvicli en Avignon veoir le pape Clément, et pour avoir

25 finance et argent, car il avoit fait guerre pour lui et pour l'Eglise aux Rommains et à Berthelemieu des Aigles, qui s'escripsoit et nommoit pape Urbain VP, si comme vous savez, et comme il est contenu cy dessus en nostre hystoire; et remonstra le dit messire Ostes

30 de Bresvich pluseurs choses au pape et aux cardinaulx, desqueles il fu bien creu et oy, mais de finance il ne

[1385] LIVRE TROISIÈME, Si 65. 225

pot avoir, car la chambre estoit si vuide d'or et d'arj^ent que les cardinaulx ne povoient avoir leurs gaiges t|ue on leur devoit de leurs chapiaux. Si convint messires Ostes de Breswich partir mal comptent d'eulx ; on le délivra d'Avignon et pour râler il ot mille t'rans 5 dont il ne tist compte. Par ce point lu la guerre du pape Clament plus laide, car oncques puis messire Ostes ne s'en voult ensongnier. Aussi Marguerite de Duras, qui se tenoit à Gayete et qui estoit adversaire à la royne de Naples, la femme qui fu au roy Loys, 10 duc d'Anjou, le manda pour aidier à faire sa guerre contre les Neapolitains. Si se dissimula ung temps le dit messire Ostes et ne savoit lequel faire. Aucuns de son conseil li boutoient en l'oreille que il se tenist dalez Marguerite de Duras, qui estoit hiretiere de 15 Naples et de Cecille, et li aidast à deffendre et garder son hiretaige, et la presist à femme, car elle le voloit bien avoir à mary, pour tant que il est de noble sang et de haulte estracion, et se fesist roy et sire des pays dont elle se clamoit danime ; et les autres li conseil- oq loient que non et que il en porroit bien prendre ung mauvais coron, car l'enfant du roy Loys, qui a voit esté couronné en la cité de Bar, estoit jone et avoit grant foison de bons amis et de prouchains, et avoit pluseurs frères, et par especial le roy de France leur 25 cousin germain, qui les vouloit aidier, et leur damine de mère, la royne Jehanne et duchesse d'Ango et du Maine, laquele estoit de grant pourchaz. Toutes ces doubles li remettoient aucuns de son conseil devant, pourc|uoy messire Ostes se dissimula ung temps et ne ;jû obtenoit ne l'une partie ne l'autre.

\ll — 15

§ 66. En ce temps avoient enclos en la cité de Peruse cellui qui s'escripsoit pape Urbain les soudoyers du pape Clément qui se tenoit en Avignon, le sire de Montiere, ung moult vaillant chevalier de la conté de Genève 5 et de Savoie, et messire Thalebart, ung chevalier de Rodes, et messire Bernard de La Sale, et tu là moult astraint le dit pape et près sur le point que d'estre pris, et ne tint que à xx". frans, si comme je fus adont informé, que ung cappitaine Aleniant tenant grans 10 routes, qui s'appelloit le conte Conrart, l'eust délivré aux mains des gens le pape Clément, se il les eust euz, dont messire Bernard de La Sale en fu envoie eu Avignon, et remonstra tout ce au pape et aux cardinaulx, mais on n'y pot entendre tant que à délivrer la finance, 15 car la court est oit si povre que point d'argent n'y avoit, et retourna messire Bernard mal content au siège de Peruse. Si se dissimulèrent les choses et les Perusiens; aussi ce conte Conrart, et yssi Urbain de ce péril et s'en vint à Rome et là se tint.

20 § 67. Bien sçay que ou temps advenir on s'esmerveillera de telz choses, ne comment l'Eglise peut cheoir en tel trouble ne si longuement demorer, mais ce fu une plaie envoiée de Dieu pour aviser et exemplier le clergié du grant estât et des granz superfluitez (]ue ilz

25 tenoient et faisoient, combien que les pluseurs n'en faisoient compte, car ilz estoient si abuvrez d'orgueil et d'oultrecuidance que chascun voloit surmonter son plus grant ou ressambler son plus grant, et pour ce aloient les choses malement, et se nostre f'oy n'eust

30 esté si fort confremée en humain gendre et la grâce du Saint Esperit, qui renluminoit les cuers desvoiez et les tenoit fermes en une unité, elle eust branlé

et croie; mais les grans seigneurs terriens de qui les biens de commancement viennent à l'Eglise n'en t'aisoient encore que rire et jouer ou temps que je escripsi et cronisay ces oroniques, l'an de grâce M CCCIIIP^ et X, dont moult de peuple commun s'es- f) merveilloient comment les grans seigneurs telz (|ue le l'oy de France, le roy d'Aleniaigne et les roys et princes Crestiens n'y pourveoient de remède et de conseil. Or y a ung point raysonnable pour appaisier le peuple et excuser les haulx princes, roys, ducs et 10 contes et tous seigneurs terriens, et exemple : non plus que le my oefderuef ne puet sans la glayre ne la glaire sans le my oef, ne pevent les seigneurs et le clergié l'un sans l'autre, car les seigneurs sont gouvernez par le clergié, ne ilz ne saroient vivre et seroienl si comme 1& bestes se le clergié n'estoit, el le clergié conseille et incite les seigneurs à faire ce qu'ilz font.

Et vous di que pour faire ces croniques je fus en mon temps moult parle monde, tant pour ma plaisance acomplir et veoir les merveilles de ce monde que pour '?0 enquérir les aventures et les armes, lesqueles sont escriptes en ce livre. Si peuz veoir aprendre et retenir de moult d'estas, mais vraiement le terme que je coury par le monde, je ne vey nul hault seigneur qui ii'eust son marmouset, ou de clergié ou de garçons, 25 montez par leurs gueules et leurs bourdes en honneur, excepté le conte de Foeis, mais cil n'en avoit oncques nul, car il estoit saige naturelment; si valoit son sens plus que nul autre sens que on li peust donner; je ne di mie que les seigneurs qui usent par leurs marmou- 30 sez soient folz, mais ilz sont plus que folz, car ilz sont tous aveuglez et si ont deux yeulx.

§ 68. Quant la congnoissance vint premièrement au roy Charles de France, de bonne mémoire, du difïerent de ces papes, il se cessa et s'en mist sus son clergié . Les clercs de France en déterminèrent et prinrent le pape 5 Clément pour la plus saine partie. A l'oppinion du roy de France s'acorderent et tinrent le roy de Caslille et le roy d'Escoce pour la cause de ce que, pour le temps que le sisme vint en l'église, France, Castille et Escoce estoient conjoins ensemble par aliance, car le royaurno m d'Engleterre leur estoit adversaire. Le roy d'Engleterre et le roy de Portingul furent contraires à l'oppinion des royaumes dessus dis, car pareillement ilz estoient conjoins ensemble; si voloieiit tenir l'oppinion contraire de leurs ennemis. Le conte de Flandres en 15 détermina tantost comme il est contenu cy dessus en ceste hystoire, car soti coraige ne s'enclina oncques à Clément qu'il fust droit pape, pour la cause de ce que Clément fu à la première élection à Romme de l'arcevesquede Bar, et cardinal de Genève que il sappelloit. 20 II escripsi au conte de Flandres que ilz avoient pape esleu par bonne et deue élection, lequel on nommoit Urbain, si que tant comme il vesqui il tint ceste uppinion; le roy d'Alemaigne otant bien et tous les empereurs et aussi Honguerie.

?5 § 69. Dont en escripsant de ces estas et difTerens que de mon temps je veoie ou monde et en l'Eglise, qui ainsi branloit, et des seigneurs terriens qui le souffroient et dissimuloient, il m'ala souvenir et revint en ramembrance comment de mon jone temps, le pape Ynocent

30 resgnant en Avignon, on tenoit en prison ung l'rere mineur, très notable clerc, lequel sappelloit iVere Jehan

[iSDOI LIVRE TROISIÈME, S R''- -îî'

de Rocetallade. Ce clerc, si comme on disoit lors el (|ue j'en oy parler en pluseurs lieux, en requoy non en publique, avoit mis hors et mettoit pluseurs auctoritez et grans notables, et par especial des incidenses l'ortuneuses qui avinrent de son temps et sont encore 5 advt nues depuis ou royaume de France et de la prise du roy Jehan. Il parla moult et bien monstra aucunes voies raisonnables, (luel'Egleaisroit encore moult à souffrir pour les grans superfluitez que il veoit et qui estoient entre ceulx qui le baston du gouvernement avoient. Et 10 pour le temps de lors que je le vey tenir en prison, on me (list une fois ou palais du pape en Avignon ung exemple que il avoit fait au cardinal d'Ostie, que on disoit Arras, et au cardinal d'Aucerre, qui l'estoient aie veoir et arguer de ses parolles, dont entre les def- 15 fenses et raysons que il mettoit en ses paroles il leur fist ung exemple par telle manière et ve le cy. Ce dist frère Jehan de Rocetallade :

« Il fu une foys ung oysel qui nasqui et apparut au monde sans plumes; les autres oyseaux, quant ilz le 20 sceurent, l'alerent veoir pour tant que il estoit si bel et si plaisant en regard, et ymaginerentsur lui et seconseillierent quelle chose ilz en feroienf, car sans plumes il ne povoit voler, et sans volei' il ne |)Ovoit vivre. Dont distrent-ilz que ilz voloient que il vesquesist, car il es- Î5 toit moult bel. Adont n'y ot là oysel qui ne li donnast de ses plumes, et plus estoient gentilles et plus lui en donnoierit, et tant que ce bel oysel fu tout enpenné et commença à voler, et encores en volant prenoient tous les oyseaux qui de leurs plumes li avoient donné grant .30 plaisance. Ce bel oysel, quant il se vey cy au dessus de plumaige et que tous oyseaulx l'onnouroient, il se

commença à enorj;ueillir et ne fist compte de ceulx qui tait l'avoient, mais les debiechoit, poindoit et contrarioit.

« Les oyseaulx se mistrent ensemble et parlèrent de 5 cel oysel que ilz avoient enpenné et creii, et demandèrent luii à l'autre quele chose en estoit bon à faire, car ilz n'avoient tant donné du leur que ilz l'avoient si engrandi et enoigueilli que il ne faisoit compte d'eulx. Adont respondi le paon : « Il est trop grandement en-

10 belli de mon plumaige. Je reprendray mes plumes. » — « En nom Dieu, dist le faucon, aussi ferai-ge les miennes » ; et tous les autres oyseaux aussy ensieuvant, chascun dist que il reprendroit ce (|ue donné li avoient, et li commencierent à retolir et à oster son plumaige.

15 Quant il vey ce, si s'umilia grandement et recongnut oprimes que le bien et l'onneur que il avoit et le biau plumaige ne li venoit point de lui, car il estoit né au monde nud et povre de plumaige, et bien li povoient oster ses plumes ceulx qui donnez li avoient, quant ilz voloient. Adont leur pria-il mercy et leur dist

20 que il s'amenderoit et que plus par orgueil ne par beubant n'ouvreroit. Encores de rechief les gentilz oyseaux qui enplumé l'avoient en orent pitié (|uant ilz le veirent humilier, et li rendirent plumes ceulx qui ostez li avoient, et li distrent au rendre : « Nous te

25 veons volentiers entre nous voler tant que par humilité tu vueilles ouvrer, car moult bien y atïiers, mais saches, se tu t'enorgueillis plus, nous te esterons tout ton plumaige et te metterons ou point où nous te trouvasmes. »

30 4 Ainsi, biaux seigneurs, disoit fi'cre Jehan aux cardinaulx qui estoient en sapresence, vous en evenra, caries

[13y0] LIVRE TROISIÈME, S 69. 231

empereur de Romme et d'Alemaigne et les roys Crestiens ensieuvant, et les haulx princes terriens vous ont donné les biens et les possessions et les richesses pour servir Dieu, et vous les dispensez et alevez en orgueil en beubans, en pompes et en superfluitez. Que ne lisez- 5 vous la vie de saint Silvestre, pape de Romme, premier après saint Pierre, et là ymaginez et considérez en vous justement comment Constantin H donna premièrement les dismes de l'Eglise et sur quelle coridicion? Silvestre ne chevauchoit point a i\' . ne a m", che- 10 vaux parmi le monde, mais se tenoit simplement et closement à Romme et vivoit sobrement avecques ceulx de l'Eglise, quant l'angele, par la grâce de Dieu, li anonça comment l'empereur Constantin, qui estoit mescreant et incrédule, l'envoieroit quérir, car il li es- 15 toit aussi révélé par l'angele de Dieu que Silvestre li devoit monstrer la voie de sa garison, car il estoit si malade de meselerie que il cheoit tout par pièces. Et quant il fu devant lui, il li monstra la voie de baptesme et le baptisa et il fu gary, dont l'empereur Cons- 20 tantin, pour celle grâce et vertu que Dieu li fist, il crey en Dieu et tîst croire tout son empire et donna à Silvestre et à l'Eglise toutes les dismes, car en devant celui empereur de Romme les tenoit, et aussi faisoient ses prédécesseurs empereurs; et li donna encores plu- 25 seurs biaux dons et grandes seignouries en augmentant nostre foy et l'Eglise. Mais ce fu son entente que ces biens et ces seignouries on les gouverneroit justement en humilité, non en orgueil ne en beubant, et on en fait à présent tout le contraire, pourquoy Dieu lO s'en courroucera une fois si grandement sur ceulx (|ui sont ou qui ensieuvant veni'ont, que les nobles, qui se

232 CHRONIQUES l)K ,1. FROISSART. [1385]

sont eslargis de donner les renies, les terres et les seignouries et les biaux hiretaiges que ceux de l'Eglise tiennent, s'en refroideront de donner avant et retolront, espoir, ce que donné ont, et si ne demora point 5 longuement. »

Ainsi frère Jehan de Rocetaillc, que les cardinaulx pour ce temps Caisoient tenir en prison en Avignon, remonstroit ses paroles et exemplioit ceulx qui entendre y voloient, et tant que moult souvent les car-

10 dinaulx en estoient tous abus, et volentiers l'eussent condempné à mort, se nulle juste cause peussent avoir trouvé en luy, mais nul n'en y veoient ne trouveoient; si le laissèrent vivre tant que il peut durer, et ne l'osoient mettre hors de prison, car il pesoit ses

15 choses si parfont et aleguoit tant de haulte escripture que espoir eust-il fait le monde errer. On a veu avenir, se dient les aucuns qui ont mieulx pris garde à ses paroles que je n'ay, moult de choses que il mist avant et qu'il escripsi en prison, et tout voloit prouver par

20 l'Apocalipse; les preuves véritables dont il s'armoitle sauvèrent de non estre ars trop de fois. Et aussi il y avoit aucuns caidinaulx qui en avoient pitié et ne le grevoient pas du plus que ilz povoient.

§ 70. Nous nous soufifrerons à parler de toutes telles 25 narracions, et retournerons à nosti'c principale matière et hystoire d'Espaigne et de Portingal et des royaumes aussi de France et d'Engleterre, et recorderons des avenues qui y avinrent en celé saison, lesqueles ne sont pas à oublier.

30 Vous avez bien cy dessus oy recorder comment le roy Jehan, tîlz au roy dan Pierre de Portingal,

([iii fïi moult vaillant homme et l'rere bastard au roy dan Ferrant, estoit entré en la possession et hiretaige du royaume de Portingal par le fait et enhoudissement seulement de quatre cités et villes de Portingal, car on n'en doit pas demander ne encoupper les nobles et ■> les chevaliers du royaume de Portingal, car de cominancement ilz s'acquicterent loyaument envers le roy dan Jehan de Gastille et sa femme, madame Beatrix, si comme je vous determineray et esclarciray temprement. Et (|uoyque pluseurs tenissent l'oppinion de 10 celle dame, si la nommoient les autres bastarde et plus que bastarde, car elle estoit fille de une dame de Portingal, laquelle avoit encores son mary vivant, ung chevalier du pays de Portingal, que on appelloit messire Jehan Laurent de Coingne, et li avoit le roy de 15 Portingal tolut sa femme. Bien est vérité que madame Alienore de Coingne il avoit espousé et le chevalier bouté hors du pays de Portingal, et s'en estoit le chevalier, mary à la dame, alez demorer en Gastille dalez le roy, ne il ne s'osoit tenir en Portingal, quoyque il -.'o y fust de hault parage, pour la doubtance du roy qui tenoit sa femme. Ce sont bien choses à esmerveillier, car le loy Ferrant de Portingal tenoit sa fille à loielle, et l'avoit fait dispenser du pape Urbain de Romme VI". Et quant la paix fu faite des deux roys de Castille et 25 de Portingal, et que ung chevalier de Portingal, qui s'appelloit messire Jehan Ferrant Andere, lequel estoit tout le cuer et le conseil du roy de Portingal, traitta la paix, il fist le mariage de la fille du roy Ferrant au roy Jehan de Castille, qui lors estoit vesve 30 de la fille au roy Charles de Navarre. Et quoyque le roy de Castille et son conseil avoient au mariage faire

bien mis avant toutes ces doubles de la fille non estre hiretiere de Portino;al, mais le roy de Portingal, pour asseurer le roy de Castille, l'avoit fait jurer aux plus haulz nobles de Portingal que après son decez ilz la 5 tenroient à damme, et retourneroit le royaume de Portingal au roy de Castille, et avoit fait le roy de Portingal obligier les bonnes villes envers le roy de Castille à tenir à roy, en la somme et paine de if. mille frans de France. Et quoyque le dessus dis chevalier, Jehan

10 Ferrant Andere, s'en fust ensonnié en espèce de bien pour mettre paix et concorde entre Castille et Portingal, et pour le désir et plaisance de son seigneur acomplir, si en fust-il mort et occis de ceulx de Luscebonne, de la communauté, qui elissirent le maistre De-

15 nis à roy et le vouhlrent avoir de force, car ilz disoient que pour recouvrer tout Portingal, ce que dessoubs au dessus, ilz ne seroient ja en la subjection du roy de Castille ne des Cateloings, tant les heent-il ; ne ()nc(|ues ne les peurent amer ne les Cateloings eulx; et disoient

20 les Luscebonnois qui furent principaument es mouvement de ceste guerre, que la couronne de Portingal ne povoit venir à femme, et que la royne de Castille n'en estoit pas hiretiere, car elle estoit bastarde et plus que bastarde, car le roy Ferrant vivant et mort, encores

25 vivoit Jehan Ferrant de Coigne, mary à sa damme de mère. Et pour ce esleurent-il à roy maistre Denis et le couronnèrent, et demorerent dalez lui de commanceraent mi. cités et bonnes villes, c'est à entendre Luscebonne, Evre, Coninbres et le Port de Portingal, et

30 aussi pluseurs haulz barons et chevaliers de Portingal qui voloient avoir ung roy et ung seigneur dalez eulx, et qui veoient la grant volenté que les communautez

du pays avoient à ce maistre Denis. Et une des incidences qui plus esmeut les communautez premièrement de Portingal à non estre en la grâce et subjection du roy de Gastille, je le vous diray.

,^ 71 . Les Espaignolz, que je nomme Cateloings, quant 5 le mariage fu fait de Gastille et de Portingal, et que le roy Ferrant eut acconvenancié le royaume de Portingal à venir après son decez au roy Jehan de Gastille et les Espaignols, où ils trouvoient les Portingalois, ilz se gaboient d'eulx et disoient : « 0 gens de Portin- 10 gai, vueillez ou non, vous retournerez en nostre dangier; nous vous tenrons en subjection et en servaige, et vous ensongnierons si comme esclaves et juys, et ferons de vous nostre volenté. » Les Portingalois disoient et respondoient que ja n'avenroit, ne que ja ne 15 seroient en subjection de nul homme du monde, fors que de eulx mesmes. Et pour celle cause et les paroles reprochables des Espaignolz prisent-ilz maistre Denis, frère bastard au roy Ferrant, et filz du roy Piètre de Portingal. Tant que le roy Ferrant vesqui, ilz ne tirent 20 compte de ce bastard et n'eust jamais adeviné ne supposé que les communautez de son royaume, lui mort, l'eussent esleu et pris à roy, et laissié sa fille; mais si firent, et bien l'avoit dit au roy Ferrant Jehan Ferrant Andere, son chevalier, que les communautez avoient 25 grandement sa grâce sur lui, et que il seroit bon mort. Mais le roy Ferrant avoit respondu que les communautez n'avoient nulle puissance sur les nobles de son pays, que le roy son filz, dan Jehan de Gastille, estoit trop puissant roy pour eulx constraindre et chas- :^n tier, se rébellion avoit en Portingal après sa mort, et

236 CHRONIQUES DE 3. FROISSART. [l3Rn]

que nulle cause il n'avoit de le faire raorir ne enprisonner, car son frère estoit homme de religion et avoit bien sa chevance et grandement, sans penser à la couronne de Portingal, etpourceestoit-il demorceii vie. 5 A parler par rayson et à considérer tous les articles et poins dessus dis, (jui sont tous véritables, car moy acteur en ay esté suffisamment infourmc par les nobles du royaume de Portingal, ce sont bien choses à esmerveillier de prendre et faire ung bastard roy,

'0 mais ilz n'y trouvèrent nul plus prochain, et disoienl les Portingalois et encores dient que la royne de Castille, madame Bietris, fille à madame Alienor de Coingne, est bastarde et plus que bastarde, par les condicions dessus dictes, ne que ja ne sera royne de Por-

'."> tingal ne hoir (jui descende de lui. Et ceste opinion mist bien avant le conte de Foeis à ses gens quant il les ot mandez a Ortais et il leur donna à disner et ilz prisent congié à lui, car de toutes ces besongnes de Portingal et de Castille il estoit soufKsamment infour-

?0 mé, et leur avoit dit : « Seigneurs, demourez-vous ; ne vous avez que faire d'ensonnier de la guerre Ae Castille et de Portingal, car sachiez pour veritc que le roy de Portingal ne la royne de Castille, qui fu fille du roy Ferrant de Portingal, n'ont nul droit à la couronne de

?-^ Portingal, et est une guerre commenciée par esredie et par ennemie chose ; si vous en pourroit bien mesavenir et ceulx qui s'en ensonnieront. » Ses gens avoient respondu que puisque ilz avoient receu et pris l'argent du roy Jehan de Castille, ilz l'iroient servir

30 et deservir. Le conte de Foeis les laissa a tant ester, mais tout ou en partie y demorerent, si comme vous avez dessus ov.

§72. Or retournerons aux besongnes de Portingal, car elles ne sont pas à laisser pour les grans fais d'armes et emprises (|ui en sont yssus, et pour hystorier et cronisier toutes avenues, afin que en temps avenir on les treuve escriptes et registrées, car se elles mo- :> roieiit ce seroit dommaige. Et par les clers qui anciennement ont escript et registre les hystoires et les livres sont les choses sceues, car il n'est si bel ne si grant mémoire comme est d'escripture.

Et véritablement je vous dy, et vueil bien que ceulx 10 qui venront après moy sachent que pour savoir la vérité de ceste hystoire et enquerre justement de tout en mon temps, j'en ot biaucop de paine et cerchay moult de pays et de royaumes pour le savoir, et en mon temps congneus moult de vaillans hommes, et 15 vey en ma présence tant de France comme d'Engleterre, d'Escoce, de Castille et de Portingal et des autres terres, ducliez et contez, (|ui se sont conjoings eulz et leurs gens en ces guerres, ausquclz j'en parlay et par lesquelz je m'enfourmay, et volenliers ne aucunement ..'0 je n'eusse point passé une enqueste faite de quelque pays que ce fust, sans ce que je eusse depuis l'enqueste faite sceu que elle eust esté véritable et notable. Et pour tant que quant je fus en Berne devers le gentil conte Gaston de Foeis, je fus infourmé de 25 pluseurs besongnes, lesqueles estoient avenues entre Castille et Portingal, et je suy retourné ou pays de ma nation en le conté de Haynnau, en la ville de Valeiiciennes, et je m'y suy rafreschi ung ternie; et plaisance me prist à ouvrer et à poursuir l'istoire que je 30 avoie commenciée. Je m'avisay par ymaginacion que justement ne le povoie pas l'aii'e par avoir singulière-

ment les parties de ceulx qui tiennent et soustiennent l'opinion du roy de Gastille, et me convenoit dont, se justement voloit; ouvrer, oir otant bien parler les Portingalois comme je avoie fait les Gascons et Espai-

5 gnols en l'ostel du conte de Foeis et sui' le chemin alant et retournant. Si ne resongiiay pas la paine ne le traveil de mon corps, mais m'en vins à Bruges en Flandres pour trouvei' les l'ortingalois et Luscebonnois, car lousjours en y a grant plenté. Si comme

10 je fis.

§73. Or regardez comme c'est de bonne aventure. Il me fut dit, et je le trouvay bien en voir, que je y eusse visé un an, je ne povoye mieulx à point venir à Bruges que je fis lors, car on me dist se je vouloye aler à Mel-

15 debourcg, en Zellande, jetrouveroyelà ung chevalier de Portingal, vaillant et saige homme et du conseil du roy de Portingal, qui nouvellement estoit là arrivé, et par vaillance il vouloit aler et tout par mer en Prusse. Cil me diroit et parleroit justement des besongnes de

'20 Portingal, car il avoit esté à toutes, et par tant ces nouvelles me resjouirent; et me parti de Bruges, ung Portingalois en ma compaignie, qui congnoissoit le chevalier, et m'en vins à l'Escluse, et là montay en mer et fis tant par la grâce de Dieu i|ue je arrivay à Mel-

'25 debourg. Si m'acoinla l'omme qui estoit avec moy du chevaliei' cy dessus nommé, lequel je trouvay gracieux, saige, honnourable, courtois et acointable, et fu dalez lui tant comme il m'y pleut à estre, environ VI. jours, car il gisoit à la terre par defaulte de vent.

.iO Cil m'endita et informa de toutes les besongnes avenues entre le royaume de Castille et le rovaume de

Portiiigal, depuis la mort du roy Ferrant jusques au jour (|ue il estoit yssi hors du dit royaume. Et si bellement le me coinptoit et si arreement et tant volentiers, que je prendoie grant plaisir à l'oir et à l'escripre. Et quant je fu iiifoui'mé de tout ce que je 5 vouloie savoir et vent tu venu, il |)rist congié à moy et entra en une carake grande et forte assez pour aler par mer par tout le monde, et prins congié à lui dedens le vaissel. Aussi firent pluseurs riches marchans de son pays qui l'estoient venu veoir de Bruges, et les bonnes 10 gens de Meldebourg. En sa compaignie estoit le filz du conte de Novaire, de Portingal, et pluseurs chevaliers et escuiers dudit royaume, mais on li faisoit honneur desus tous. Et certainement, à ce que je peus veoir et yinaginer de son estât, de son corps et de son affaire, il le valoit, car bien avoit fourme, taille et en- 15 contre de vaillant et de noble homme. Or retournay depuis à Bruges et en mon pays, si ouvray sus les paroles et relations faites du gentil chevalier messire Jehan Ferrant Percok, et cronisay tout ce que de Portingal et de Gastille est avetiu jusques à Tan de grâce 20 M CGC IIP^ et X.

§ 74. Or dist l'istoire que après ce que le roy Jehan de Portingal ot desconfi en bataille le roy Jehan de Gastille ou champ de Juberote, près de l'abbaïe que on dit ou pays à La Gabasse, où tant de nobles gens, 25 chevaliers et escuiers du royaume de France et de Gascoingne et du royaune de Gastille furent mors, et que le roy Jehan de Portingal pour celle victoire et belle journée fu moult eslevé, recommendé et honnouré des Portingalois, et que il fu i-eceu en la cité à 30

Luscebonne à son retour de la bataille a grant gloire de tout le peuple, et a giaiit iriumphe là couronné de lorier ou chief, si comme anciennement soloieiit les roys iaire quant ilz victorioient et desconflssoieiit ung 5 roy en bataille. Et en ot en la cité de Luscebonne joué et révélé et tenu grant feste, avant le département des barons et chevaliers qui là estoient et les conseilz des bonnes villes et cités du dit royaume, ung parlement fu l'ait et ajousté pour avoir certaine consultacion 10 et avis des besoingnes du royaume, et comment à leur honneur ilz se pourroient chevir leur opinion ferme et estable et en honneur. Car si, comme auscuns saiges du pais disoient oprimes, venoit le fort de regarder entre eulx et avoir conseil comment ilz se porroient 15 telement fortefier contre le roy de Castille et sa puissance, que ilz demorassent honnourablement en leui' victoire et (jue tousjours ilz le peussent multiplier et essaucier.

A ce parlement qui fu à Luscebonne, en l'église ca- 20 thedral que on dit de Saint Dominique, ot pluseurs paroles pi'oposées et retournées et mises avant, lesquelles ne sont pas toutes a recorder, mais l'airest du parlement fu tel que on envoieroit en Engleterre, devers le duc de Lancastre, qui se clamoit hiriîtier du 25 royaume de Castille de par madame Constance, sa femme, laquelle avoit esté tille ainsnée ilu roy dan Pierre, et lui esci'iproit-on ainsi, que se jamais il vouioit clamer droit ou royaume de Castille ne ses besongnes remettre sus, t|ui avoient esté ung long temps 30 en balance et en aventure de estre perdues, il venist en Portingal a tout une bonne charge de gens d'armes et d'archiers, car il estoit heure. Lors fu là dit et par-

lementé par biau langaige du conte de Novaire, connestable de Portingal : « Puisque nous sommes d'acord d'envoier en Engleterre devers le duc de Lancastre, dont nous pensons à estre aidiez et confortez, et que ce nous est la voie la plus prouffitable pour donner 5 doubte et cremeur à noz ennemis, si regardons et avisons en nostre royaume hommes saiges et notables qui puissent faire ce messaige, et tellement infourmer le duc de Lancastre et son conseil, que il viengne en ce pays de grant voulenté et fort assez pour résister à 10 nos ennemis avec l'aide que il aura de nous, car nous devons bien croire et supposer que le roy de Gastille se fortefiera grandement du roy de France et des François, car ilz ne scevent où emploier; ilz ont trieuves aux Englois jusques à la Saint Jehan Baptiste, et les 15 Englois à eulx, et encores ont les François bonne paix et ferme aux Flamens, qui moult les ont ensongniez par pluseurs années. »

§ 75. Là fu la parole du conte de Novaire acceptée, et 20 fu dit que il parloit bien et à point et f|ue on feroit ainsi. Lors furent nommez par délibération de conseil et arrestez que le grant maistre de Saint Jaques du royaume de Portingal et Laurentien Fougasse, ung moult saige et discret escuier, et qui bien et bel savoit parler fran- 25 çois, yroient en ce messaige en Engleterre, car, à l'avis du conseil du roy de Portingal, on n'y povoit envoier pour le présent gens qui point mieulx saroient faire la besongne. Si furent lettres escriptes et bien dictées et distrectement en bon françois et aussi en latin, les- 30 queles se dévoient adrecier au roy d'Engleterre et au duc de Lancastre, et à ses frères le conte de Cambruge

et le conte de Bouquighen . Et quant ces lettres furent escriptes et scellées en latin et en françois, elles furent lentes devant le roy et tout le conseil. Si pleurent grandement et lors furent-elles scellées et puis délivrées 5 aux dessus diz le grant maistre de Saint Jaques et Laurentien Fougasse, qui se chargierent entre eulx deux de les porter en Engleterre au plaisir de Dieu, mais qu'ilz peussent passer sauvement les dangiers et perilz de mer, les fortunes et les rencontres des enne-

it) mis et des robeurs, car otretant bien a robeurs en mer et plus que en terre. Si eurent une nef que on appelle lin, qui va de tous vens et plus seurement que nul autre. Si prirent ung jour congié au roy et à l'arcevesque de Braghes et à l'evesque de Conninbres, le

15 grant conseil de Portingal, et puis vinrent au port et entrèrent ou vaissel nommé lin, et esquiperent en mer et singlerent a povoir vers le roiaume d'Engleterre et furent trois jours en mer, absens de toutes terres, et ne veoient que ciel et que eaue, et au quart jour ilz veirent

20 Cornuaille.

Tant esploilierent les dessus diz, par l'esploit de Dieu et du vent et par les marées, que leur maronnier savoit prendre à point, et tant costierent Cornuaille et les bendes d'Engleterre que ilz arrivèrent sauvement et

25 sans péril ou havre de Hantonne, et là ancrèrent. Si yssirent hors de leurs vaisseaux et s'en alerent rafreschir en la ville. Bien furent enquis et demandez du baillieu de Hantonne et des gardes de la mer du havre, de quel pays ilz estoient, ne de qui ilz se rendoient, ne

30 quel part ilz aloient. Hz respondirent à toutes ces demandes, et distrent que ilz estoient du royaume de Portingal et là envoiez de par le roy de Portingal et

son conseil. A ces paroles furent-ilz les biens venus. Quant les dessus nommez se furent reposez et rafreschis en Antenne ung jour et ilz eurent pourveu chevaux pour eulx et pour leurs }j;ens, et guides aussi qui les menroient devers Londres, car ilz ne congnoissoient 5 le pays ne les chemins, ilz se départirent de Hantonne et esploiterent tant que ilz vindrent à Londres; si descendirent en Grecerche, à l'ostel au Faucon sus Thounieliii de Wincestre, et renvoierent par les guides qui amenez les avoient leurs chevaux arrière. 10

§ 76. Si bien leur chey que le roy d'Engleterre et tous ses oncles estoient à Londres ou à Westmoustier, dont ilz furent moult resjoys, et vinrent à Londres ainsi que à l'eure de tierce; si y disnerent et après disner ilz s'or- 15 donnèrent et prinrent les lettres qui s'adreçoient au duc de Lancastre et à la duchesse, et s'en alerent devers eulx. Quant le duc et la duchesse sceurent qui c'estoient, si en furent grandement resjoys, car ilz desiroient à oïr nouvelles de Portingal; on leur en avoit 20 dittes aucunes, mais ilz n'y adjoustoient point de foy, pour tant que le roy ne nul du pays ne leur avoit point envoiez par lettres. Si entrèrent le grant maistre de Saint Jaques et Laurentien Fougasse en la chambre du duc, et là estoit la duchesse, et pour ce que Lauren- 25 tien savoit bien parler françois il parla tout premièrement; quant il ot fait la révérence au duc et à la duchesse, li bailla les lettres qui venoient de Portingal. Le duc les prist et donna à la duchesse celles qui appartenoient à lui; si les lisierent chascun et puis les re- .30 cloirent. Si dist le duc : « Vous nous estes les biens venus en ce pays; nous yrons demain devers le roy

et VOUS ferons toute aJresce, car c'est raison. » Adont tira la duchesse Laurentien appart et li demanda des nouvelles de Castille et de Portingal, et comment on s'i demenoit; selon ce que la dame parla, Laurentien

5 respondi bien et à point. Adont fist le duc venir vin et espices; si burent et prinrent congié, et puis retournèrent ce soir à leur hostel.

A l'endemain, à heure de prime, tous deux s'en alerent devers le duc et le trouvèrent que il avoit oy

10 sa messe. Si entrèrent en une barge et alerent par la Tamise à Wesmoustier, où le roy estoit et la greigneur partie du conseil d'Engleterre. Le duc de Lancastre les fist entrer en la chambre du conseil et dist au roy : « Monseigneur, vecy le grant maistre de Saint Jaques

15 de Portingal et ung escuier du roy de Portingal qui vous aportent lettres; si les voiez. » — « Volentiers », dist le roy. Adont s'agenoueillierent devant le roy les deux dessus nommez, et Laurentien Fougasse li bailla les lettres. Le roy les prist et fist lever ceulx qui es-

"20 toient à genoulx, et ouvry les lettres et les leut. Aussi baillierent-ilz lettres à monseigneur de Cambruge et au conte de Bouquighen; chascun leut les siennes. Le roy respondi aux messages moult doulcement et leur dist : « Vous soiez les bien venus en ce pays. Vostre

25 venue nous fait grant joye, et vous ne vous partirez pas si trestost ne sans response qui vous plaira; et toutes vos besongnes chargez-les à biaux oncles; ilz ensongneront. » Hz respondirent en eulx agenoueillant et remerciant le roy : « Très chier sire, volentiers. »

30 Dont se departirent-ilz de la chambre de parement et du conseil, et s'en alerent esbatre parmi le palais en attendant le duc de Lancastre qui demoura jusques à haulte nonne. Le parlement fait, le duc de Lancastre

enmena avecques lui ses deux frères disner à son hostel, et tous râlèrent en leurs barges par dessus la Tamise.

Le conte de Cambruge congnoissoit assez le grant maistre de Saint Jaques et Laurentien Fougasse, car 5 il les avoit veus du temps passé en Portingal ; siques à l'ostel du duc après disner, il les mist en parole de pluseurs choses, presens ses deux frères, et leur demanda du mariage de Castille et de celle qui devoit estre sa fille, madamme Bietrix, comment il en estoit. A '0 toutes ses paroles respondii'cnt les ambassadeurs saigement et vraiement, tant que les seigneurs s'en contentèrent.

§ 77. Voir est que avant que le grant maistre de Saint 15 Jaques de Portingal et Laurentien Fougasse feussent venus ne arrivez en Engleterre en ambassadeurs, si comme vous povez oïr, le duc de Lancastre et le conte de Cambruge, son frère, pour le fait du royaume de Castille, dont ilz se tenoient hiretiers par la condicion 20 et droit de leurs femmes, avoient eu entre eulz deux ensemble pluseurs consaulx et parlemens de leurs besongnes, car le conte de Cambruge, si comme il est cy dessus contenu en ceste hystoire, s'estoit petitement contenté du roy Ferrant de Portingal et des Portinga- 25 lois, car ilz avoient logié aux champs xv. jours tous entiers devant les Casteloins, et point ne les avoient le roy Ferrant ne son conseil volu combatre. Si leur avoit bien dit et monstre le conte leur defaulte et leur avoit dit : « J'ay en ma compaignie de purs Englois environ 30 y", lances et mille archiers. Sachiez, sire roy et vous barons de Portingal, que nous sommes tous conjoins ensemble de bonne volenté pour combatre nos ennemis

et d'atendre l'aventure, telle que Dieu la nous vouldra envoyer. » Mais le roy Ferrant dist que il ne ses gens n'avoient point conseil de combatre, pour quoy, quant le conte vey ce, il se parti et amena Jehan son filz 5 hors du royaume dePortingal, et quant il fu retourné en Engleterre, ce roy de Portingal s'acorda au roy Jehan de Castille et maria sa fille à lui par paix faisant, et ce traitié fist messire Jehan Ferrant Andere, ung chevalier de Portingal, car le roy Ferrant n'avoit con-

10 seil ne fiance fors en luy. Si demanda bien le roy à sa fille, lequel elle avoit plus chier pour son mary; elle avoit respondu qu'elle avoit plus chier Jehan d'Engleterre que Jehan de Castille. Le père lui avoit demandé pour quoy ; elle avoit dit pourtant que Jehan

15 estoitbel enfant et de son aage (|ue elle ne faisoit le roy de Castille ' , et bien l'avoit dit pluseurs fois à son père ; mais le roy, pour paix avoir aux Espaignolz, pour tant que ilz lui marchissent de tous lez, l'avoit là mariée, et à ce mariage faire et au desmarier son filz avoit rendu

20 grant paine le dit chevalier de Portingal qui s'appeloit messire Jehan Ferrant Andere, dont le conte se contentoit mal.

Encores avoit dit le conte au duc de Lancastre, son frère, que le roy Ferrant mort, il se doubtoit que les

25 communautez du pays de Portingal ne se revelaissent contre celle dame Bietrix, car les plus du pays, quoyque le roy eust espousé sa mère madame Alienort de Coingne, ne la tenoient pas à loielle, mais à bastarde. Et en murmuroient ja les Porlingalois, lui estant ou

30 pays; pour celle cause, s'estoit-il pris près de ramener son filz.