IV — H
162 CHRONIQUES DE J. FROISSART. [13b5]
rent dessus le pays en un très biau vignoble, et li coureur vinrent courir jusques as barrières de Thoulouse. Et là y eut forte escarmuce des uns as aultres, des gens le conte d'Ermignacli et des Englès. Et quant 5 il eurent fait leur emprise , il retournèrent à leur host et enmenèrent aucuns prisonniers; si passèrent celle nuit tout aise, car il avoient bien trouvé de quoi.
A l'endemain au matin, li princes et tous li baron
îo de l'host et leur sievant s'armèrent et montèrent as chevaus et se misent en ordenance de bataille, et chevaucièrent tout arreement, banières desploiies, et approcièrent le cité de Thoulouse. Lors cuidièrent bien cil de Thoulouse avoir l'assaut, quant il veirent ensi
15 en bataille les Englès approcier. Si se misent tout en ordenance as portes et as barrières, par connestablies et par mestiers. Et se trouvoient bien de communaulté quarante mil hommes , qui estoient en grant volenté de issir hors et de combatre les Englès ; mes li
20 contes d'Ermignach leur deffendoit et leur aloit au devant. Et disoit que, se il issoient hors, il s'iroient tout perdre, car il n'estoient mies usé d'armes ensi que li Englès et li Gascon, et ne pooient faire milleur esploit que de garder leur ville. Ensi se tinrent tout
25 quoi cil de Thoulouse, et ne veurent désobéir au commandement dou conte d'Ermignach qu'il ne leur en mesvenist, et se tinrent devant leurs barrières.
Li princes de Galles et ses batailles passèrent tout joindant Thoulouse et veirent bien une partie dou
30 couvenant de chiaus de Thoulouse que, se on les assalloit, il se deffenderoient. Si passèrent oultre tout paisievlement sans riens dire, et ne furent ne tret ne
berset, et prisent le chemin de Montgiscart, à trois liewes avant^ en alant vers Charcassonne. Si se logièrent ce secont jour li Englès et li Gascon assés priés de là, sus une petite rivière. Et l'endemain bien matin se deslogièrent et approcièrent le forterèce qui n'es- 5 toit fremée, fors de murs de terre et de portes de terre couvertes d'estrain, car on recuevre ens ou pays à grant dur de pière. Nequedent cil de Montgiscart se cuidoient trop bien tenir, et se misent tout à deffense sus les murs et sus les portes. Là s'arrestèrent 10 li Englès et li Gascon, et disent que celle ville estoit bien prendable. Si l'assallirent fièrement et vistement de tous lés. Et là eut grant assaut et dur, et pluiseurs hommes bleciés dou tret et dou jet des pières. Finablement, elle fu prise de force, et li mur rompu et 15 abatu; et entrèrent tout chil ens qui entrer y veurent. Mes li princes n'i entra point ne tout li signeur, pour le feu , fors que pillart et robeur. Si trouvèrent en le ville grant avoir; si en prisent douquel qu'il veurent, et le remanant il ardirent. Là eut grant 20 persécution d'ommes, de femmes et d'enfans , dont ce fu pités.
Quant il eurent fait leur entente de Montgiscart, il chevaucièrent devers Avignonlet, une grosse ville et marcheande, et où on fait fuison de draps. Et bien y 25 avoit à ce donc quinze cens maisons, mais elle n'estoit point fremée. Et au dehors sus un terne avoit un chastiel de terre assés fort, où li riche homme de le ville estoient retret; et cuidoient estre là bien à segur, mais non furent, car on les assaUi de grant 30 randon. Si fu li chastiaus conquis et abatus, et cil que dedens estoient prisonnier as Englès et as Gas-
cons qui venir y peurent à temps. Ensi fut Avignonlet prise et destruite, où il eurent grant pillage ; et puis chevaucièrent devers le Noef Chastiel d'Auri.
§ 358. Tant esploitièrent li Englès que il vinrent
5 à Chastiel Noef d'Auri, une moult grosse ville et bon chastiel, et raemplie de gens et de biens; mais elle n'estoit fremée ne li chastiaus ossi, fors de murs de terre, selon l'usage dou pays. Quant li Englès furent venu devant, il le commencièrent à environner et
10 assallir fortement , et cil qui dedens estoient à yaus deffendre. Cil arcier qui devant estoient arouté , traioient si fort et si ouniement que à painnes se osoit nulz apparoir as defFenses. Finablement, cilzassaus fil si bien continués, et si fort s'i esprouvèrent Englès,
15 que la ville de Noef Chastiel d'Auri fu prise et conquise. Là eut grant occision et persécution d'ommes et de bidaus. Si fu la ville toute courue, pillie et robée, et tous li bons avoirs pris et levés; ne li Englès ne faisoient compte de draps ne de pennes, fors de
20 vaisselle d'argent ou de bons florins. Et quant il tenoient un homme, un bourgois ou un paysant, il le retenoient à prisonnier et le rançonnoient, ou il li faisoient meschief dou corps, se il ne se voloit rançonner. Si furent la ditte ville et li chastiaus dou Noef
25 Chastiel d'Anri tout ars et abatu, et reversé les murs à le terre.
Et puis passèrent oultre li Englès devers Charcassonne , et cheminèrent tant que il vinrent à Villefrance en Carcassonnois, une bonne ville et grosse
30 et bien seans, et où il demoroient grant fuison de riches gens.
Saciés que cilz pays de Charcassonnois et de Nerbonnois et de Thoulousain , où li Englès furent en celle saison, estoit en devant uns des eras pays dou monde, bonnes gens et simples gens qui ne savoient que e'estoit de guerre, car onques ne furent guerriiet, ne 5 n'avoient esté en devant, ançois que li princes de Galles y conversast. Si trouvoient li Englès et li Gascon le pays plain et drut, les cambres parées de kieutes et de draps, les escrins et les coffres plains de bons jeuiaus; mes riens ne demoroit de bon de- 10 vant ces pillars : il en portoient tout, et par especial Gascon qui sont moult convoiteus.
Cilz bours de Villefrance fu tantos pris, et grans avoirs dedens conquis. Se s'i logièrent et reposèrent demi jour et une nuit li princes et toutes ses gens ; à 15 l'endemain, il s'en partirent et cheminèrent devers le cité de Carcassonne.
§ 359. La ville de Carcassonne siet sus une rivière que on appelle Aude, et tout au plain; un petit en sus, à le droite main en venant de Thoulouse, sus un 20 hault rocier, siet la cités, qui est belle et forte et bien fremée de bons murs de pière, de portes, de tours, et ne fait mies à prendre. En le cité que je di, avoient cil de Carcassonne mis le plus grant partie de leur avoir, et retrait femmes et enfans. Mais li bourgois 25 de le ville se tenoient en le ville, qui pour celi temps n'estoit fremée que de chainnes, mais il n'i avoit rue où il n'en y eust dix ou douze; et les avoit on levées, par quoi on ne pooit aler ne chevaucier parmi. Entre ces kainnes, et bien à segur, par ])atailles, se tenoient 30 li homme de le ville, que on appelle ens ou pays bi-
daus à lances et à pavais, et tout ordonné et arresté pour attendre les Englès.
Quant li doi mareschal de l'host veirent celle grosse ville, où bien par samblant avoit sept mil mai- 5 sons, et le contenance de ces bidaus qui se voloient defFendre, si s'arrestèrent en une place devant le ville, et consillièrent comment à leur plus grant pourfit il poroient assallir ces gens : si ques, tout consideret, consilliet et avisé, il se misent tout à piet,
10 gendarmes et aultres, et prisent leurs glaves; et s'en vinrent, cescuns sires desous sa banière ou son pennom, combatre parmi ces chainnes à ces bidaus qui les recueillièrent ossi faiticement as lances et as pavais. Là eut fait pluiseurs grans apertises d'armes,
15 car li jonc chevalier englès et gascon, qui se desiroient à avancier, s'abandonnoient et se mettoient en painne de sallir oultre ces kainnes et de conquerre leurs ennemis.
Et me samble que messires Ustasses d'Aubreci-
20 court, qui pour ce temps estoit uns chevaliers moult ables et moult vighereus et en grant désir d'acquerre, fu uns des premiers, selonch ce que je fui adonc enfourmés, qui le glave au poing salli oultre une chainne, et s'en vint combatre, ensonniier et recu-
25 1er ses ennemis. Quant il fu oultre, li aultre le sievirent et se misent entre ces kainnes, et en conquisent une, puis deus, puis trois, puis quatre; car avoech ce que gens d'armes s'avançoient pour passer, arcier traioient si fort et si ouniement que cil bidau ne sa-
30 voient auquel entendre. Et en y eut de telz qui avoient leurs pavais si cargiés de saiettes que merveilles seroit à recorder, Finablement, ces gens de
Carcassonne ne peurent durer, mes furent reculet, et leurs kainnes gaegnies sur yaus, et bouté tout hors de leur ville et deseonfi. Si en y eut pluiseur qui se sauvèrent par derrière, quant il veirent le desconfiture, et passèrent le rivière d'Aude et s'en aie- 5 rent à garant en le cité.
Ensi fu li bours de Carcassonne pris et grant avoir dedens, car les gens n'avoient mies tout widiet; et par especial de leurs pourveances n'avoient il riens widiet. Si trouvoient Englès et Gascon ces celiers lO plains de vins; si prisent desquelz qu'il veurent, des plus fors et des milleurs : des petis ne faisoient il compte. Et ce jour que li bataille y fu, il prisent pluiseurs riches bourgois que il rançonnèrent bien et chier. 15
Si demorèrent li princes et ses gens en le ville de Clarcassonne, pour les grosses pourveances qu'il y trouvèrent, deus nuis et un jour, et ossi pour yaus et leurs chevaus rafrescliir, et pour aviser comment ne par quel voie il poroient faire assaut à le cité qui 20 leur fust pourfi tables; mais elle siet si hault et s'est si très bien fremée de grosses tours et de bons murs de pière que, tout consideret, il ne pooient trouver voie que à l'assallir il ne deuissent plus perdre que gaegnier. 25
§ 360. Geste cités de Carcassonne dont je vous parolle fu anciennement appellée Garsaude, car la rivière d'Aude s'i keurt au piet desous ; et le fisent fremer et edefiier Sarrasin. Onques depuis on ne vei les murs ne le maçonnement desmentir; et est ceste 30 où H grans rois de France et d'Alemagne, Char-
lemainne, sist sept ans, ançois que il le peuist avoir.
Quant ce vint au matin, à heure de tierce, que li princes et li signeur eurent oy messe et beu un cop, 5 il montèrent à cbevaus et se misent en ordenance pour passer le pont et le rivière d'Aude, car il voloit encores aler avant. Si passèrent tout à piet et à cheval et assés priés, à le trettie d'un arch de le cité de Carcassonne. Au passer, on leur envoia des
10 bastions de le forterèce en kanons et en espringalles, quariaus gros et Ions, qui en blecièrent aucuns en passant, car d'artillerie la cités estoit bien pourveue.
Quant li princes et tout sen host furent oultre, il
15 prisent le chemin de Cabestain; mais il trouvèrent ançois deus villes fremées, Ourmes et Tèbres, seans sus une meisme rivière qu'il pooient passer et rapasser à leur aise. Ces deux villes estoient bien fremées de bons murs et de bonnes portes, et tout à plainne
20 terre. Si furent les gens qui dedens estoient si effreé des Englès, qui avoient pris Carcassonne et pluiseurs villes en devant, que il s'avisèrent que il se racateroient à non ardoir et à assallir : si ques, quant li coureur furent venu à Ourmes, il trouvèrent aucuns
25 bourgois de le ville qui demandèrent se li princes ou si mareschal estoient en leur route. Cil respondirent que nennil. « Et pour quoi le demandés vous?» — Pour ce que nous volons entrer en trettiés d'acort, se il y voloient entendre. »
30 Ces parolles vinrent jusques au prince. Si envoia li dis princes le signeur de Labreth, qui vint jusques à là, et en fist la composition, parmi douze mil escus
qu'il délirent paiier au prince, dont il livrèrent bons hostages. Et puis chevaucièrent vers Tèbres, qui se rançonnèrent ossi. Et tous li plas pays d'environ estoit ars et bruis sans nul déport.
Et sachiés que cil de Nerbonne, de Besiers et de 5 Montpellier n'estoient mies bien à segur, quant il sentoient les Englès ensi approcier. Et par especial cil de Montpellier, qui est ville poissans, rice et marcbeande, estoient à grant angousse de coer, car il n'estoient point fremet. Si envoiièrent li riche homme 10 la grigneur partie de leurs jeuiaus à sauveté en Avignon ou ou fort chastiel de Biaukaire.
Tant esploitièrent li Englès que il vinrent à Cabestain, une bonne ville et forte, seans à deus liewes de Besiers et à deus de Nerbonne. Et vous di que ceste 15 ville de Cabestain est durement riche^ seans sus le mer, et ont les salines dont il font le sel par le vertu dou soleil. Si doubtèrent ces gens de Cabestain à tout ' perdre, corps et biens, car il estoient faiblement fremet et muret. Si envoiièrent au devant dou prince et de 20 son host pour trettier que il les laissast en pais, et il se racateroient selonch leur poissance. Li sires de Labreth, qui cognissoit auques le pays, faisoit ces trettiés quant li princes y voloit entendre. Si se rençonnèrent cil de Cabestain à paiier quarante mil escus , 25 mes que il euissent cinq jours de pouveance, et de ce livrèrent il ostages. Depuis me fu dit qu'il laissièrent perdre leurs hostages et ne paiièrent point d'argent, et se fortefiièrent telement de fossés et de palis que pour attendre le prince et toute son host. Je ne 30 sçai de vérité comment il en ala, se il paiièrent ou non; mais toutesfois il ne furent point ars ne assalli.
Et s'en vinrent li Englès à Nerbonne, et se logièrent au bourch.
§ 361 . A Nerbonne a cité et bourch. Le bourch pour le temps estoit une grosse ville non fremée, 5 seans sus le rivière d'Aude, qui descent d'amont devers Carcassonne ; et desous Nerbonne, à trois liewes, elle chiet en le mer qui va en Cippre et par tout le monde.
La cité de Nerbonne, qui joint au bourc, estoit
10 assés bien fremée de murs, de portes et de tours. Et là dedens est li hostelz le conte Aymeri de Nerbonne, qui, pour ce temps que li princes de Galles et li Englès se vinrent logier ou bourch, y estoit, et grant fuison de chevaliers et d'escuiers dou pays nerbonnois
15 et d'Auvergne, que li dis contes y avoit fait venir pour aidier à garder sa cité. En le cité a canonneries moult grandes et moult nobles, et sont en une église que on dist de Saint Just, et valent par an bien cinq cens florins.
20 Geste marce de Nerbonne est uns des bons et des cras pays dou monde. Et quant li Englès et li Gascon y vinrent, il le trouvèrent durement riche et plain. Voirs est que cil dou bourg de Nerbonne avoient retrait en le cité leurs femmes et leurs enfans et partie
25 de leur avoir. Et encores en trouvèrent li Englès et li Gascon assés.
Quant li Englès eurent conquis le bourch de Nerbonne sus les Nerbonnois, desquelz il y eut mors et pris assés, il se logèrent à leur aise dans ces biaus
30 hostelz , dont il y avoit à ce jour plus de trois mil. Et trouvèrent ens tant de biens, de belles pour-
[135b] LIVRE PREMIER, § 361. 171
veances et de bons vins, qu'il n'en savoient que faire. Et estoit li intention dou prince que de faire assallir le cité, ensi qu'il fîst, et dou prendre , car dit li fu que, s'il le prendoient, il trouveroient tant d'or et d'argent dedens, de bons jeuiaus et de riches prison- 5 niers que li plus povres des leurs en seroit riches à tous jours. Et ossi li princes attendoit le rédemption de chiaus de Cabestain et d'aucunes villes et chastiaus en Nerbonnois qui s'estoient rançonné à non ardoir. Et si se tenoient tout aise sus celle belle rivière d'Aude, lo yaus et leurs chevaus; et buvoient de ces bons vins et de ces bons muscades, et toutdis en espoir de plus gaegnier.
Si devés savoir que ces cinq jours que li princes fu ou dit bourch de Nerbonne, il n'y eut onques jour i5 que li Englès et Gascon ne fesissent et livrassent cinq ou six assaus à chiaus de le cité si grans, si fors et si mervilleus que grant merveilles seroit à penser comment de çascun assaut il n'estoient pris et conquis. Et l'euissent esté, il n'est mies doubte, se ne fuissent 20 li gentil homme qui en le cité estoient; mais cil en pensèrent si bien et s'i portèrent si vassaument que li Englès ne li Gascon n'i peurent riens conquerre. Si s'en partirent li princes et toutes ses gens; mes à leur département li Englès varlet et pillart paiièrent leur 25 hoste, car il boutèrent en plus de cinq cens lieus le feu ou bourch, par quoi il fu tous ars.
Si chevaucièrent li princes et ses gens en retournant vers Carcassonne, car il avoient tant conquis d'avoir et si en estoient cargié, que pour celle saison il n'en voloientplus. De quoi cil de Bediers, de Montpellier, de Luniel et de Nimes, qui bien cuidoient
avoir l'assaut, en furent moult joiant quant il sceurent que li Englès leur tournoient le dos.
Et vinrent li Englès en une bonne et grosse ville, par delà la rivière d'Aude, car il l'a voient passe t au 5 pont à Nerbonne en Carcassonnois, que on appelle Limous; et y fait pines plus et milleurs que d'autre part. Geste ville de Limous, pour le temps d'adone, estoit faiblement fremée; si fu tantost prise et conquise et grant avoir dedens. Et y eut ars et abatu à
10 leur département plus de quatre mil maisons et biaus lîosteuz, dont ce fu grans damages.
Ensi fu en ce temps cilz bons pays et cras de Nerbonnois, de Charcassonnois et deThoulousain pilliés, desrobés, ars et perdus par les Englès et par les Gas-
15 cons. Voirs est que li contes d'Ermignach estoit à Thoulouse et faisoit son amas de gens d'armes à chevaus et à piet pour aler contre yaus, mes ce fu trop tart; et se mist as camps, à bien trente mil hommes, uns c'autres, quant li Englès eurent tout essilliet le
20 pays. Mais li dis contes d'Ermignach attendoit monsigneur Jakemon de Bourbon, qui faisoit son amas de gens d'armes à Limoges et avoit intention d'enclore les Englès et Gascons, mais il s'esmut ossi trop tart, car li princes et ses consaus, qui oïrent parler de ces
55 deus grandes chevaucies que li contes d'Ermignach et messires Jakemes de Bourbon faisoient, s'avisèrent selonch ce, et prisent à leur département de Limous le chemin de Charcassoniie, pour rapasser le rivière d'Aude. Et tant fisent qu'il y parvinrent; si le trou-
30 vèrent en l'estat où il le laissièrent, ne nulz ne s'i estoit encores retrais. Si fu telement pararse et destruite des Englès que onques n'i demora de ville
pour herbergier un cheval; ne à painnes savoient li hiretier ne H manant de le ville rassener ne dire de voir : « Chi sist mes hiretages » ; ensi fu elle menée.
§ 362. Quant li princes et ses gens eurent rapasset 5 le rivière d'Aude, il prisent leur chemin vers Montrerai, qui estoit une bonne ville et fremée de murs et de portes, et siet en Carcassonnois. Si l'assallirent fortement quant il furent là venu, et le conquisent de force, et grant pillage dedens que cil dou pays y lo avoient attrait sus le fiance dou fort liu. Et là eut mors grans fuison de bidaus hommes de le ville , pour tant qu'il s'estoient mis à deffense et qu'il ne s'estoient volut rançonner. Et fu au département des Englès la ville toute arse. Et puis prisent le chemin 15 des montagnes, ensi que pour avaler vers Fougans et vers Rodais, toutdis ardant et essillant pays et rançonnans aucune[s] villes fremées et pelis fors qui n'estoient mies tailliet d'yaus tenir. Et devés savoir que en ce voiage li princes et ses gens eurent très grant 20 pourfit.
Et rapassèrent li Englès et li Gascon tout paisievlement desous le bonne cité de Thoulouse au Port Sainte Marie la rivière de Garone, si chargiet d'avoir que à painnes pooient leur cheval aler avant. De quoi 26 cil de Tholouse furent durement esmeu et couroucié sus les gentilz hommes, quant il sceurent que li Englès et Gascon, sans yaus combatre, avoient rapasset la rivière de Garone et s'estoient mis à sauveté, et en parlèrent moult villainnement sus leur partie. Mais 30 tout ce se passa : les povres gens le comparèrent qui
174 CHRONIQUES DE J. FROISSART. [135b]
en eurent adonc, ensi qu'il ont encores maintenant, toutdis dou pieur.
Ces chevaucies se desrompirent, car li princes s'en retourna à Bourdiaus et donna une partie de ses gens
5 d'armes congiet, et especialment les Gascons, pour aler viseter les villes et leurs maisons. Mais tèle estoit li intention dou prince, et se leur disoît bien au partir que, à l'esté qui revenoit, il les menroit un aultre chemin en France, où il feroient plus grandement
10 leur pourfit qu'il n'avoient fait, ou il y remetteroient tout ce qu'il avoient conquis et encores dou leur assçs. Li Gascon estoient tout conforté de faire le commandement dou prince et d'aler tout partout là oii il les vorroit mener.
15 § 363. Nous nos soufFerons un petit à parler dou prince, et parlerons d'aucunes incidenses qui avinrent en celle saison, qui trop grevèrent le royaume. Vous avés bien oy compter ci dessus comment messires Charles d'Espagne fu mors par le fait dou roy de INa-
20 vare : dont li rois de France fu si courouciés sus le dit roy, quoiqu'il euist sa fille espousé, que onques depuis ne le peut amer, comment que par moiiens et par bonnes gens qui s'en ensonniièrent, li rois de France, pour eskiewer plus de damage, en celle anée
25 li pardonnast.
Or avint que li consaus dou roy Jehan l'enortèrent à ce que, pour avoir ayde sus ses guerres, il mesist aucune gabelle sus le sel où il trouveroit grant reprise pour paiier ses soudoiiers ; se l'i mist li rois,
30 et fu acordé en trop de liens en France, et le levèrent li impositeur. Dont pour celle imposition et gabelle
[13SS] LIVRE PREMIER, § 363. i7S
il avint uns grans meschiés en le cité d'Arras en Pikardie; car li communauté de le ville se révélèrent sus les riches hommes et en tuèrent sus un samedi, à heure de tierce, jusques à miedi, quatorze des plus souffîssans , Dont ce fu pités et damages, et est quant 5 meschans gens sont au dessus des vaillans hommes. Toutes fois il le comparèrent depuis, car li rois y envola son cousin monsigneur Jakemon de Bourbon, qui fist prendre tous chiaus par lesquels li motion avoit estet faite, et leur fist sur le place coper les tiestes. 10
J'ay de ceste gabelle touchiet un petit, pour tant que, quant les nouvelles en vinrent en Normendie, li pays en fu moult esmervilliés , car il n'avoient point apris de paiier tel cose. En ce temps y avoit un conte en Harcourt, qui siet en Normendie, qui 15 estoit si bien de chiaus de Roem qu'il voloit : si ques il dist ou deubt avoir dit à chiaus de Roem qu'il seroient bien serf et bien meschant, se il s'acordoient à celle gabelle, et que, se Diex le pooit aidier, elle ne courroit jà en son pays; ne il ne trouveroit si 20 hardi homme de par le roy de France qui l'i deuist faire courir, ne sergant qui en levast, pour le innobediense, amende, qui ne le deuist comparer dou corps.
Lirois de Navare, qui pour ce temps se tenoit en 26 le conté d'Evrues, en dist otretant, et dist bien que jà ceste imposition ne courroit en sa terre. Aucun baron et chevalier dou pays tinrent leur oppinion, et se alliièrent tout, par foy jurée, au roy de Navare, et li rois avoech yaus. Et furent rebelle as comman- 30 démens et ordenances dou roy, tant que pluiseur aultre pays y prisent piet.
Ces nouvelles vinrent jusques au roy Jehan, qui estoit ehaus et soudains, comment li rois de Navare, li contes de Harcourt, messires Jehans de Graville et pluiseur aultre chevalier de Normendie estoient con- 5 traire à ces impositions et les avoient deffendues en leurs terres. Li rois retint ceste cose en grant orgueil et grant presumption , et dist qu'il ne voloit nul mestre en France fors lui. Ceste cose se couva un petit avoecques aultres haynes que on y atisa, tant
10 que li rois Jehans fu trop malement dur enfourmés sus le roy de Navare et le conte de Harcourt et ossi monsigneur Godefroy de Harcourt, qui devoit estre de leur alliance et uns des principaus.
Et fu dit au roy de France que li rois de Navare
15 et cil de Harcourt dévoient mettre les Englès en leur pays, et avoient de nouviel fait alliance au roy d'Engleterre. Je ne sçai se c'estoit voirs ou non, ou se on le disoit par envie; mais je ne croi mies que si vaillant gent et si noble et de si haute estration vosissent
20 faire ne penser trahison contre leur naturel signeur. Il fu bien vérités que le gabelle dou sel il ne veurent onques consentir que elle courust en leurs terres. Li rois Jehans , qui estoit legiers à enfourmer et durs à oster d'une oppinion, puis qu'il y estoit arrestés, prist
25 les dessus dis en si grant hayne que il dist et jura que jamais n'aroit parfaite joie tant que il fuissent en vie.
En ce temps estoit ses ainsnés filz, messires Charles, en Normendie dont il estoit dus, et tenoit son hostel
30 ens ou chastiel de Roem et ne savoit riens des rancunes mortèles que li rois ses pères a voit sus le roy de Navare et le conte de Harcourt et monsigneur
Godefroy son oncle, mes leur faisoit toute le bonne compagnie qu'il pooit, l'amour et le [vicinage*]. Et avint que il les fîst priier par ses chevaliers de venir disner avoecques lui ou chastiel de Roem. Li rois de Navare et li contes de Harcourt ne li vorrent mies 5 escondire, mes li acordèrent liement. Toutes fois, se il euissent creu monsigneur Phelippe de Navare et monsigneur Godefroy de Harcourt, il n'i fuissent jà entré. Il ne les crurent pas, dont ce fu folie; mes vinrent à Roem, et entrèrent par les camps ou chas- 10 tiel, où il furent receu à grant joie.
Li rois Jehans, qui tous enfourmés estoit de ce fait et qui bien savoit l'eure que li rois de Navare et li contes de Harcourt dévoient estre à Roem et disner avoec son fil, et devoit estre le samedi, se départi le 15 venredi à privée mesnie; et chevaucièrent tout ce jour, et fu en temps de quaresme, le nuit de Pasques flories. Si entra ens ou chastiel de Roem, ensi que cil signeur seoient à table, et monta les degrés de la sale, et messires Ernoulz d'Audrehen devant lui, 20 qui traist une espée et dist : « Nulz ne se mueve pour cose qu'il voie, se il ne voelt estre mors de celle espée ! »
Vous devés savoir que li dus de Normendie, li rois de Navare , li contes de Harcourt et cil qui 25 seoient à table , furent bien esmervilliet et esbahi , quant il veirent le roy de France entrer en le salle et faire tel contenance, et vosissent bien estre aultre part. Li rois Jehans vint jusques à la table où il
1. Mss. B k, 3, f° 165. — Ms. B 1, t. Il, f» 63 : « vinage. » Mam-aiie leçon .
seoient. Adonc se levèrent il tout contre lui, et li cuidièrent faire le reverensce, mais il n'en avoit dou recevoir nul talent. Ançois s'avança parmi la table et lança son brach dessus le roy de Navare et le prist 5 par le kevèce, et le tira moult roit contre lui, en disant : « Or sus, traittres^ tu n'i es pas dignes de seoir à la table mon fil. Par l'ame à mon père, je ne pense jamais à boire ne à mengier^ tant com tu vives. » Là avoit un escuier, qui s'appelloit Colinet de
10 Bleville, et trençoit devant le roy de Navare : si fu moult courouciés, quant il vei son mestre ensi démener; et trest son baselaire, et l'aporta en la poitrine dou roy de France, et dist qu'il l'occiroit. Li rois laissa à ces cops le roy de Navare aler et dist à
15 ses sergans : « Prendés moy ce garçon et son mestre ossi. » Macier et sergant d'armes sallirent tantost avant, et misent les mains sus le roy de Navare et l'escuier ossi, et disent : « Il vous fault partir de ci, quand li rois le voelt. m
20 Là s'umelioit li rois de Navare grandement, et disoit au roy de France : « A ! monsigneur, pour Dieu merci 1 Qui vous a si dur enfourmé sur moy? Se Diex m'ayt, onques je ne fis, salve soit vostre grasce, ne pensay trahison contre vous ne monsi-
25 gneur vostre fil, et pour Dieu merci, voeilliës entendre à raison. Se il est homs ou monde qui m'en voelle amettre, je m'en purgerai par l'ordenance de vos pers , soit dou corps ou aultrement, Voirs est que je fis occire Charle d'Espagne, qui estoit mon
30 adversaire; mais pais en est, et s'en ay fait la penitance. » — « Aies, trahitres, aies, respondi li rois de France. Par monsigneur saint Denis, vous sarés bien
[1356] LIVRE PREMIER, g 363. 179
preecier ou jewer d'enfaumenterie, se vous m'escapés. »
, Ensi en fu li rois de Navare menés en une cambre et tirés moult villainnement et messires Friches de Friclians, uns siens chevaliers, avoecques lui, et Co- 5 linés de Bleville; ne pour cose que li dus de Normendie desist, qui estoit en jenoulz et à mains jointes devant le roy son père^ il ne s'en voloit passer ne souffrir. Et se disoit li dus, qui lors estoit uns jones enfes : •< Ha ! monsigneur, pour Dieu merci , vous lo me deshonnourés. Que pora on dire ne recorder de moy, quant j 'a voie le roy et ces barons priiés de disner dalés moy, et vous les trettiés ensi? On dira que je les arai trahis. Et si ne vi onques en eulz que tout bien et toute courtoisie. » — « Souffres vous , 15 Charle, respondi li rois : il sont mauvais trahiteur, et leur fait les descouveront temprement. Vous ne savés pas tout ce que je sçai. »
A ces mos passa li rois avant , et prist une mace de sergant et s'en vint sus le conte de Harcourt, et 20 li donna un grant horion entre les espaules et dist : « Avant, trahittres orguilleus, passés en prison à mal estrine. Par l'ame mon père, vous sarés bien chanter, quant vous m'escaperés. Vous estes dou linage le conte de Ghines : vo fourfait et vos trahisons se 25 descouveront temprement. » Là ne pooit escusance avoir son lieu ne estre oye, car li dis rois esloit enflâmes de si grant air qu'il ne voloit à riens entendre, fors à yaus porter contraire et damage.
Si furent pris à son commandement et ordenance 30 li dessus nommet, et encores avoech yaus messires Jehans de Graville, et uns aultres chevaliers qui s'ap-
pelloit messire Maiibue, et bouté en prison moult villainnement. De quoi li dus de Normendie et tous li hostelz fu durement tourblés , et ossi furent les bonnes gens de Roem, car il amoient grandement le 5 conte de Harcourt, pour tant qu'il leur estoit propisces et grans consillières à leurs besoings. Mais nulz n'osoit aler au devant ne dire au roy : « Sire, vous faites mal d'ensi trettier ces vaillans hommes. » Et pour ce que li rois desiroit le fin des dessus
10 nommés, et qu'il se doubtoit que li communautés de Roem ne l'en fesissent force , car bien sçavoit qu'il avoient grandement à grasce le conte de Harcourt , il fist venir avant le roy des ribaus et dist : « Délivrés nous de telz. » Chilz fu tous appareilliés
15 au commandement dou roy. Et furent trait hors dou chastiel de Roem et mené as camps li contes de Harcourt, messires Jehans de Graville, messires Maubue et Colinés de Bleville. Et furent decolé sans ce que li rois volsist souffrir que oncques fuissent con-
20 fessé , excepté l'escuier, mes cesti fist il grasce. Et li
fu dit qu'il mor[r]oit, pour tant que il avoit tret son
baselaire sus le roy. Et disoit li dis rois de France
que trahiteur ne de^ oient avoir point de confession.
Ensi fu ceste haute justice faite dehors le chastiel
25 de Roem, au commandement dou dit roy : dont depuis avinrent pluiseurs grans meschiés ou royaume de France, ensi que vous orés recorder avant en l'ystore.
§ 364. Ces nouvelles vinrent jusques à monsigneur
30 Phelippe de Navare et à monsigneur Godefroi de Har-
court, qui n'estoient mies lonch de là. Si furent, ce
poés VOUS bien croire, grandement esbahi et courouciet. Tantost messires Phelippes de Navare fist escrire unes lettres de deffiances et les bailla à un hiraut, et li commanda de l'aporter au roi Jehan, qui se tenoit encores ens ou chastiel de Roem. Li hiraus aporta 5 les lettres de par monsigneur Phelippe de Navare au roy de France , laquèle lettre singulerement disoit ensi : « A Jehan de Yalois , qui s'escript rois de France, Phelippes de Navare. A vous, Jehan de Valois, segnefions que, pour le grant tort et injure que vous 10 faites à nostre très chier signeur de frère monsigneur Charle, roy de Navare, que de son corps amettre de villain fait et de trahison, où onques ne pensa aucunement , et de vostre poissance , sans loy, droit ne raison , l'avës démené et mené villainnement : de 15 quoi moult couroiiciés sons. Et le fourfet venu et né de par vous sur nostre très chier frère, sans aucun title juste, amenderons, quant nous porons. Et sachiés que vous n'avés que faire de penser à son hyretage ne au nostre pour lui faire morir par vostre 20 cruèle opinion, ensi que jà fesistes pour le convoitise de sa terre le conte Raoul d'Eu et de Ghines, car jà vous n'en tenrés piet. Et de ce jour en avant vous défiions et toute vostre poissance , et vous ferons guerre mortèle si très grande comme nous porons. 25 En tesmoing de laquèle cose averu% nous avons à ces présentes fait mettre nostre seel. Données à Conces sus Yton, le dix septime jour dou mois d'avril, l'an de grasce Nostre Signeur mil trois cens cinquante cinq, i) 30
§ 365. Quant li rois Jehans vei ces lettres, et il
les eut oy lire, il fu plus pensieus que devant; mais par samblant il n'en fist nul compte. Toutefois li rois de Navare demora en prison. Et ne fist mies li dis rois tout ce qu'il avoit empris; car on li ala-au 5 devant, aucun de son conseil, qui un petit li brisièrent son aïr. Mais c'estoit bien se intention qu'il le tenroit en prison tant comme il viveroit, et li retorroit toute la terre de Normendie.
Encores estoit li dis rois Jehans ou chastiel de
10 Roem, quant aultres lettres de deffîances li vinrent de monsigneur Loeis de Navare , de monsigneur Godefroi de Harcourt, dou jone fil ainné le conte de Harcourt, qui s'appelloit Guillaumes, de l'oir de Graville, de monsigneur Pière de Sakenville et bien
15 de vingt chevaliers. Or eut li rois plus à faire et à penser que devant^ mais par samblant il passa tout legierement et n'en fist compte, car il se sentoit grans et fors assés pour résister contre tous et yaus destruire. Si se départi li dis rois de Roem, et li dus
20 de Normendie avoecques lui, et s'en retournèrent à Paris.
Si fu li rois de Navare en celle sepmainne amenés à Paris à tout grant fuison de gens d'armes et de sergans et mis ou chastiel dou Louvre, où on li
25 fist moult de malaises et de paours, car tous les jours et toutes les nuis, cinq ou six fois, on li donnoit à entendre que on le feroit morir, une heure que on li trenceroit la teste, l'autre que on le jetteroit en un sac en Sainne. Il li couvenoit tout oïr et
30 prendre en gré, car il ne pooit mies là faire le mestre. Et paloit si bellement et si doucement à ses gardes, toutdis en li escusant si raisonnablement.
que cil qui ensi le demenoient et trettioient, par le commandement dou roy de France, en avoient grant pité. Si fu en celle saison translatés et menés en Cambresis et mis ens ou fort chastiel de Crievecoer, et sur lui bonnes et especiaulz gardes, ne point ne 5 vuidoit d'une tour où il estoit mis, mais il avoit toutes coses apertenans à lui, et estoit servis bien et notablement. Si le commença li rois de France à entroublier; mais si frère ne l'oubliièrent point, ensi que je vous dirai ensievant. 10
§ 366. Tantost apriès les deffîances envoiies des enfans de Navare et des Normans dessus nommés au roy de France, il pourveirent leurs villes, leurs chastiaus et leurs garnisons bien et grossement de tout ce qu'il apertient, sus entente de faire guerre au 15 royaume de France.
En ce temps se tenoit messires Loeis de Harcourt, frères au conte de Harcourt que li rois de France avoit fait morir, dalés le duch de INormendie; et n'estoit de riens encoupés ne retés en France ne en 20 l'ostel dou roy ne dou duch , de nulle maie façon. Dont il avint que messires Godefrois de Harcourt li segnefia sen entente, et li manda qu'il retournast devers lui et devers son linage, pour aidier à contrevengier le mort dou conte son frère, que on avait fait 25 morir à tort et sans cause, dont ce leur estoit uns grans blasmes.
Messires Loeis de Harcourt ne fu mies adonc consilliés de lui traire celle part, mes s'en escusa; et dist qu'il estoit homs de fief au roy de France et au duch 30 de Normendie, et que, se il plaisoit à Dieu, il ne guer-
i84 CHRONIQUES DE J. FROISSART. [1356]
rieroil son naturel signeur ne iroit contre ce qu'il a voit jure t.
Quant messires Godefrois ses oncles vei ce, si fu durement courouciës sus son neveu , et Ji manda 5 que c'estoit uns homs fallis et que jamais il n'avoit que faire de tendre ne de penser à liiretage qu'il tenist, car il l'en feroit si exent que il n'en tenroit denrée; et tout ce que il li prommist, il le tint bien, si . com je vous recorderai.
10 Si tretost que li dessus dis messires Phelippes de Navare et messires Godefrois de Harcourt eurent garni et pourveu leurs villes et leurs chastiaus, il s'avisèrent qu'il s'en iroient en Engleterre parler au roy Edouwart, et feroient grans alliances à lui, car aul-
15 trement ne se pooient il contrevengier. Si ordonnèrent monsigneur Loeis de Navare à demorer en Normendie, et avoech lui le Bascle de Maruel et aucuns chevaliers navarois, pour garder les frontières jusques à leur retour. Et vinrent à Chierebourch, et
20 là montèrent il en mer, et esploitièrent tant par leurs journées qu'il vinrent à Hantonne : là prisent il terre en Engleterre. Et puis issirent de leurs vaissiaus, et se rafreschirent en le ville un jour. A l'endemain , il montèrent sus leurs chevaus et chevau-
25 cièrent tant que il vinrent à Cènes , où li rois d'Engleterre se tenoit, assés priés de Londres, car tous ses consaulz estoit adonc à Londres.
Vous devés savoir que li rois reçut à grant joie son cousin monsigneur Phelippe de Navare et mon-
30 higneur Godefroi de Harcourt, car il estoit jà tous enfourmés de leur matère : si en pensoit bien mieulz à valoir, en fortefiant sa guerre. Li dessus dit
[1356] LIVRE PREMIER, § 366. ISS
fisent leur plainte au roy, li uns de le mort de son neveu, et li aultres de le prise et dou grant blasme, et sans cause, ce disoit, que on faisoit à son frère. Si s'en traioient par devers le roy d'Engleterre comme au plus droiturier signeur de toute cres- 6 tienté, pour avoir vengance et amendement de ce fait qui regardoit à trop grant cose. Et ou cas que ilz les en vodroit adrecier, conforter et consillier, il li raportoient et mettoient en ses mains cités, villes et chastiaus que il tenoient en Normendie, et que li lO rois de Navare et li contes de Harcourt y tenoient au jour de leur prise,
Li rois d'Engleterre n'euist jamais refusel ce présent, mais leur dist que volentiers les aideroit et feroit aidier par ses gens. « Et pour ce que vostre 15 fait demande liastieve expédition, et que veci la saison qu'il fait bon guerroiier, mon biau cousin de Lancaslre est sus les frontières de Bretagne. Je li escrirai et manderai especialment que , à tout ce que il a de gens, il se traie devers vous. Et encores y 20 envolerai je temprement, tant que pour faire bonne guerre à vos ennemis. Si commencerés à guerrier celle saison; et toutdis vous croistera et venra devant le main force, ayde et poissance. » — « Chiers sires, respondirent li dessus nommet, vous nous offres tant 25 que par raison il nous doit et poet bien souffire; et Diex le vous puist merir ! »
Apriès ces alliances et ces confirmations d'amour, li dessus dit, qui tiroient de retourner en Normendie, ne séjournèrent point plenté; mais ançois leur 30 département, il alèrent veoir madame la royne d'Engleterre qui se tenoit à Windesorc, laquèle leur fist
grant feste, et ossi lisent toutes les aultres dames et damoiselles.
Apriès ces honneurs et ces conjoissemens fais, li dessus dit se misent au retour, grandement bien con-
6 tenté dou roy et de son conseil. Et leur furent bailliet cent hommes d'armes et deus cens arciers, desquelz li sires de Ros et li sires de INuefville estoient chapitainne. Si fisent tant qu'il arrivèrent sans péril et sans damage ou havene de Chierebourch, qui est,
10 ensi que Calais, une des fortes places dou monde.
§ 367. Depuis ne demora gaules de temps que li dus de Lancastre, qui se tenoit viers Pontourson^ fu segnefiiés dou roy d'Engleterre, son signeur et son cousin, que tout le confort et ayde que il pooit faire
15 as enfans de Navare et à chiaus de Harcourt et leurs alliiés, il le fesist, en contrevengant les despis que son adversaire de Valois leur avoit fais. Li dus de Lancastre se tint tantost pour tous enfourmés de ceste besongne et volt obéir au commandement son si-
20 gneur le roy, ce fu raisons; et recueilla toutes ses gens, où il avoit bien cinq cens lances et mil arciers. Si se mist au chemin par devers Norme ndie et devers Chierebourch.
En se route estoit messires Robers CanoUe, qui se
25 commençoit jà grandement à faire et à avancier; et estoit moult renommés ens [es] guerres de Bretagne pour le plus able et soubtil homme d'armes qui fust en toutes les routes, et le mieulz amés de tous povres compagnons, et qui plus de biens leur faisoit.
30 Li dus de Lancastre, messires Phelippes de Navare, messires Godefrois de Harcourt et leurs gens se
misent tout ensamble, et li sires de Ros et li sires de Nuefville, qui avoient passet le mer avoech yaus; et firent tant qu'il se trouvèrent douze cens lances, seize cens archiers et deus mil brigans à lances et à pavais, et fisent leur assamblëe en le cité d'Evrues. 5
Là estoient messires Loeis de Navare, li joncs contes de Harcourt, messires Robers Canolles, messires li Bascles de Maruel, messires Pières de Sakenville, messires Guillaumes de Gauville, messires Jelians Carbeniaus , messires Sanses Lopins , messires Jehans 10 Jeuiel , messires Guillaumes Bonnemare , messires Foudrigais, Jehans de Segure, Fallemont, Hanekin François et pluiseurs bons chevaliers et escuiers, appert homme d'armes , qui ne desiroient fors que le guerre. Si se départirent ces gens d'armes d'E- 15 vrues en grant ordenance, et bon arroi, banières et pennons desploiiës; et chevaucièrent devers Vernon. Si passèrent à Aquegni et puis à Pasci, et commencièrent à pillier, à rober et à ardoir tout le pays par devant yaus, et à faire le plus grant essil et le plus 20 forte guerre dou monde.
Li rois de France, qui n'en attendoit aultre cose, et qui avoit jette son avis et imagination à entrer efforciement en le conté d'Evrues pour saisir villes et chastiaus, avoit fait son mandement par tout son 25 royaume, ossi grant et ossi fort que pour aler contre le roy d'Engleterre et se poissance. Si entendi li dis rois que li dus de Lancastre, Englès et Navarois, chevauçoient vers Roem et mettoient le pays en grant tribulation, et que li Englès dou temps passé n'i 30 avoient point fait tant de despis que chil qui à présent y estoient y faisoienl, par l'enort et confort des
Navarois. Adonc li rois de France, esmeus de contrevengier ces despis, se parti de Paris et s'en vint à Saint Denis ^ où là l'attendoit grant fuison de gens d'armes, et encores l'en venoient tous les jours.
5 Li dus de Lancastre et li Navarois, qui chevauçoient en grant route et qui ardoient tout le plat pays, s'en vinrent à Vrenon, qui estoit bonne ville et grosse ; si fu toute arse et toute robée : n'i demora que li cliastiaus. Et puis chevaucièrent vers Vrenuel,
10 et fisent tant qu'il y parvinrent. Si fu la ditte ville toute arse, et ossi furent les fourbours de Roem.
Adonc s'esmut li rois de France et s'en vint à Pontoise, où si doi mareschal estoient, messires Jehans de Qermont et messires Ernoulz d'Audrehen. Et toutes
15 ses gens d'armes s'en vinrent celle part et le sievoient à effort. Li rois s'en vint à Mantes pour aprendre dou convenant des Englès et des Navarois; si entendi qu'il se tenoient entours Roem, et ardoient et destruisoient le plat pays. Adonc li rois, esmeus et cou-
20 rouciés, se desparti de Mantes, et chevauça tant qu'il vint à Roem; si y séjourna trois jours.
En ce terme furent toutes ses gens venues, où plus avoit de dix mil hommes d'armes, sans les aultres de mendre estât ; et estoient bien trente mil comba-
25 tans, uns c'autres. Si entra li rois ou droit esclos des Englès et des Navarois, et dist que jamais ne retourneroit à Paris, si les aroit combatus, se il l'osoient attendre.
Li dus de Lancastre, messires Phelippes de Navare,
30 messires Godefrois de Harcourt et messires Robers CanoUes, qui gouvrenoient leurs gens, entendirent et sceurent de vérité que li rois de France et li Fran-
cois venoient sus yaus, si efforciemenl que à quarante mil chevaus. Si eurent conseil que petit à petit il se retrairoient, et point en forterèce qui fust en Normendie ne en Constentin ne s'encloroient. Si se retraisent tout bellement et prisent le chemin de 5 l'Aigle, pour aler devers Pontourson et viers Chierebourch.
Li rois de France, qui grant désir avoit d'yaus trouver et combatre, les sievoit moult aigrement, et avoit grant compassion, ensi qu'il chevauçoit, de son lo bon pays qu'il trouvoit ars, perdu et destruit trop malement. Si prommetoit bien as dis Navarois que clîierement leur feroit comparer ce fourfait, se il les pooit attaindre. Tant s'esploita li rois et si fort les poursievi que si coureur trouvèrent les leurs assés 15 priés de l'Aigle en Normendie, où li dit Englès et Navarois estoient logiet et arresté; et moustroient par samblant contenance et visage qu'il se vorroient combatre.
Et tout ensi fu raporte au roy de France, qui en 20 eut grant joie, quant il oy ces nouvelles; et chevauça avant et commanda toutes gens à logier et à prendre place, car il voloit combatre ses ennemis. Si se logièrent li François ens uns biaus j)lains, et estoient quarante mil hommes. Là estoit toute la fleur de la chevalerie de France , et tant de grans et de haus signeurs que merveilles seroit au recorder.
Que vous feroi je lonch compte de ceste besongne? Li rois de France et li François cuidièrent bien ce jour combatre leurs ennemis, car li Englès et li Navarois avoient ordonné leurs batailles. Et pour ce ossi, d'autre part, li François ordonnèrent les leurs.
Et furent tout ce jour en cel estât l'un devant l'autre que point n'assamblèrent. Et faisoient trop bien moustre, li Englès et li Navarois^ et ordenance de bataille; et puis se faindoient et point ne traioient 5 avant, car il ne se veoient à juste pareçon contre les François.
Si se retraisent li dit François pour ce soir en leurs logeis et fisent grant ghet^ car il cuidoient bien estre escarmuciet^ pour tant que li Navarois ne s'es-
10 toient ce jour point tret avant. Moult fu ceste ordenance des Englès et des Navarois sagement et bellement démenée^ car au soir il ordonnèrent deus cens des leurs , tous des mieulz montés , à faire à l'endemain monstre et visage contre les François jusques à
15 heure de nonne, et puis les sievroient; si leur disent où il les trouveroient.
Ensi qu'il fu ordonné, fu il fait. Quant ce vint environ mienuit, li dus de Lancastre, messires Phelippes de Navare et tout li demorant de l'ost montè-
20 rent et se partirent et prisent le chemin de Chierebourch, excepté aucuns chapitains navarois qui se retraisent vers leurs garnisons, dont en devant il s'estoient parti. Si s'en retournèrent à Evrues messires Jelians Carbeniaus , messires Guillaumes Bonnemare
25 et Jehans de Segure , à Conces messires Foudrigais , messires Martins de Spargne , Fallemont , Richars Frankelins et Robins Lescot, à Bretuel messires Sanses Lopins, Radigos et Hennekins François, et ensi tout li compagnon : cescuns se retrest en sa garnison.
30 Et li dus de Lancastre et li aultre se retraisent en celle forte marce de Chierebourch.
Or vous compterons dou roy de France qui à l'en-
demain cuidoit avoir la bataille; si fist au matin sonner ses trompètes. Si s'armèrent toutes gens et montèrent à chevaus , banières et pennons devant yaus, et se traisent tout sus les camps, et se misent en ordenance de bataille. Et veoient devant yaus au 5 dehors d'une haie ces deus cens Navarois tous rengiés. Si cuidoient li dit François que ce fust des leurs une bataille à cheval qui s'arrestassent là contre yaus. Si les tinrent cil Navarois ensi jusques à nonne, et puis ferirent chevaus des esporons et se par- lo tirent.
Li rois de France envoia ses coureurs jusques à là, à savoir que ce voloit estre. Si chevaucièrent cil qui envoiiet y furent jusques à la haie, et raportèrent que il n'avoient nulliii trouvet. Assés tost vinrent 15 nouvelles en l'ost , des gens dou pays, que li Englès et li Navarois pooient bien estre eslongië quinze liewes, car il estoient parti très le mienuit. Adonc fu dit au roy que de yaus plus poursievir il perderoit se painne, mes presist un aultre conseil. Lors se con- 20 seilla li rois à chiaus qui dalés lui estoient où il avoit le plus grant fiance , à ses cousins de Bourbon et à ses cousins d'Artois et à ses deus mareschaus.
§ 368. Li rois de France fu adonc consilliés, ou cas que il avoit là si grans gens d'armes et toutes 25 ses ordenances prestes pour guerriier, que il se traisist devant la cité d'Evrues et y mesist le siège; car mieulz ne pooit il cmploiier ses gens que d'aler devant celle cité, et fesist tant que il l'euist, et puis tous les fors et les chastiaus dou roy de Navare. Ce 30 conseil tint li rois de France à bon , et s'en retourna
vers Roem, et fîst tant que il y parvint. Et comment que il euist laissiet le poursieute des Englès et des Navarois, si ne donna il nullui congiet.
Quant li rois fu venus à Roem, il n'i séjourna point 5 lonch temps, mes se trest o toutes ses hoos par avant le cité d'Evrues, et là mist le siège fortement et durement. Et fist achariier et amener avoecques lui de le cité de Roem tous les engiens pour drecier devant le ville et le cité d'Evrues, et encores en fist
10 il faire assés.
A Evrues, a bourcli, cité et chastiel, et tout fermé à par lui. Si se loga li rois de France devant le bourch et y fist faire pluiseurs assaus. Finablement, cil de le ville doubtèrent à perdre corps et biens , car il es-
15 toient moult apressé d'assaus que li François leur faisoient. Si entrèrent en grans trettiés que d'yaus rendre, salve leurs corps et leurs biens. Li rois Jehans fu si consilliés qu'il le prist. Si ouvrirent li bourgois d'Evrues les portes de leur ville et misent
20 les François dedens; mes pour ce ne furent il mies en le cité, car elle estoit et est ossi bien fremée de murs , de portes et de fossés comme li bours est. Toutes fois li rois de France fîst logier son connestable et ses mareschaus et le plus grant partie de son
25 host en le ditte ville, et il tint encores son logeis as camps, ensi comme il avoit fait en devant.
Les gens le roy de France, quant il se furent logiet ou bourch d'Evrues , commencièrent à soutillier comment il poroient conquerre la cité. Si fisent em-
30 plir les fossés au plus estroit et mains parfont , tant que on pooit bien aler jusqu'à murs pour combatre main à main. Quant cil qui en le cité demoroient se
veirent ensi apressé, si se commencièrent à esbahir, et eurent conseil que d'yaus rendre , salve leurs vies et leurs biens. On remoustra ces trettiës au roy de France, se il le voloit faire; il fu adonc si consilliés que il les prist à merci.
Ensi eurent li François le bourch et le cité; mes pour ce n'eurent il mies le cliastiel qui estoit en le garde de monsigneur Jehan Carbiniel et de monsigneur Guillaume de Gauville. Ançois y sist li rois de France plus de sept sepmainnes devant qu'il le peuist avoir. Et quant il l'eut, ce fu par composition tèle que tout li chevalier et escuier qui dedens estoient s'en partirent, salve le leur et leurs corps; et se pooient sauvement traire là où il leur plaisoit. Si se traisent, si com je fui enfourmés, ens ou cliastiel de Bretuel, qui est uns des biaus et des fors, seans à plainne terre, qui soit en toute Normendie.
Si fist K rois Jehans de France prendre le saisine et possession par ses mareschaus dou cliastiel d'Evrues, et en ot grant joie quant il en fu sires; et dist bien que jamais de son temps ne le renderoit as Navarois. Ensi eut li rois de France le bourch, le cité et le cliastiel d'Evrues; mais moult li cousta d'or et d'argent en saudoiiers, et le fist depuis bien garder à son pooir. Mais encores le reut li rois de Navare , par le fait de monsigneur Guillaume de Gauville, ensi que vous orés recorder avant en l'istore.
§ 369. Apriès le conques d'Evrues, si com ci dessus est dit , li rois de France et toute son host s'en
19l4 CHRONIQUES DE J. FROISSART. [1336]
parti^ et se traist par devant le chastiel de Bretuel, et là mist le siège. Si avoit bien en son liost soissante mil clievaus ; et eut devant Bretuel le plus biau siège et le plus plentiveus, et le plus grant 5 fuison de chevaliers et d'escuiers et de liaus signeurs que on avoit veu en France ensamble devant forterèce séant à siège, depuis le siège d'Aguillon.
Là vinrent veoir le roy de France pluiseur signeur estragnier, telz que li contes de Douglas d'Escoce, à
10 qui li rois de France fist grant cière, et li donna cinq cens livrées de revenue par an en liiretage séant en France. Et de ce devint li dis contes homs au roy de France , et demora toute la saison avoecques lui. Ossi vint en l'ost dou dit roy de France dan Henri
15 de Chastille, qui s'appelloit bastars d'Espagne et
contes de Tristemare, et amena avoecques lui une
grant route d'Espagnolz, qui furent tout receu à saus
et à gages par le commandement dou roy de France.
Et saciës que li François, qui estoient devant Bre-
20 tuel , ne sejournoient mies de imaginer et soutillier pluiseurs assaus, pour plus grever chiaus de le garnison. Ossi li chevalier et escuier , qui dedens estoient, soutilloient nuit et jour, pour yaus porter contraire et damage. Et avoient cil de l'host fait
25 lever et drecier grans engiens qui . jettoient nuit et jour sus les combles des tours, et ce moult les travilloit. Et fist li rois de France faire par grant fuison de carpentiers un grant berfroit à trois estages, que on menoit à roes, quel part que on voloit : en çascun
30 estage pooient bien entrer deus cens hommes et tous yaus aidier; et estoit breteskiës et cuiriés, pour le tret, trop malement fort. Et l'appelloient li pluiseur
[1356] LIVRE PREMIER, g 369. 195
un cat^ et li aultre un atournement d'assaut. Si ne fu mies si tost fais, carpentës ne ouvrés. Entrues que on le carpenta et appareilla, on fîst par les villains dou pays amener, aporter et achariier grant fuison de bois, et tout reverser ens es fossés, et es- 5 train et terre sus pour amener le dit engien sus les quatre roes jusques as murs, pour combatre à chiaus de d'ens. Si mist on bien un mois à emplir les fossés, à l'endroit où on voloit assallir, et à faire le chat. Quant tout fu prest, en ce bierefroi entrèrent lo grant fuison de bons chevaliers et escuiers qui se desiroient à avancier. Si fu ois berfrois sus ces quatre roes aboutés et amenés jusques as murs.
Cil de le garnison avoient bien veu faire le dit berfroi, et savoient l'ordenance en partie comment 15 on les devoit assallir. Si s'estoient pourveu, selonch ce, de kanons jettans feu et grans gros quariaus, pour tout desrompre. Si se misent tantost en ordenance, pour assallir cel berfroi, et yaus defï'endrc de grant volenté. Et de commencement, ançois que il fesis- 20 sent traire leurs canons, il s'en vinrent combatre à chiaus dou berfroi francement, main à main; là eut fait pluiseurs grans apertises d'armes. Quant il se furent plenté esbatu, il commencièrent à traire de leur kanons et à jetter feu sus ce berfroi et dedens, 25 et avoecques ce feu [traire espessement grans quariaus et gros qui en blecièrent et occirent grant fuison; et telcment les ensonniièrent que il ne savoient auquel entendre. Li feus, qui estoit grigois, se prist ou toit de ce berfroi, et convint chiaus qui 30 dedens estoient issir de force; aultrement il euissent esté tout ars et perdu.
Quant li compagnon de Bretuel veirent ce, si eut entre yaus grant juperie , et s'escriièrent hault : « Saint Jorge ! loyauté ! » et « Navare ! loyauté ! » Et puis disent : « Signeur françois, par Dieu, vous 5 ne nous avés point, ensi que vous cuidiés. » Si demora la grigneur partie de ce berrefroi en ces fossés, ne onques depuis nulz n'i entra; mes entendi on à emplir les dis fossés à tous lés, et y avoit bien tous les jours quinze cens hommes qui ne faisoient aultre 10 cose.
§ 370. En ce temps que li rois de France tenoit le siège devant Bretuel, se départi li princes de Galles de Bourdiaus sus Garone, où tenus s'estoit tout le temps, et avoit fait faire ses pourveances si
15 belles et si grosses [qu'il avoit peu^], car il voloit chevaucier en France bien avant, espoir venir jusques en Normendie et sus les frontières de Bretagne pour conforter les Navarois; car bien estoit enfourmés et segnefiiés que li rois ses pères et li enfant de Navare
20 et cil de Harcourt avoient grans alliances ensamble. Si estoit li dis princes de Galles partis en celle istance de Bourdiaus, à tout deus mil hommes d'armes et six mil arciers parmi les brigans. Et tout chil baron et chevalier y estoient , especiaument qui furent
25 avoecques lui en le chevaucie de Cai^cassonne et de le langue d'ok; se n'ont que faire d'estre maintenant nomme t.
Si chevauçoient li dis princes et cil signeur et leurs
1. Ms. B 3, fo 182 vo. — Ms. B 1 , t. II, f» 69 : a qu'à parer. » — Ms. B kl f° 162 : <r préparer. »
[1356] LIVRE PREMIER, g 370. 197
gens ordonneement , et passèrent la rivière de Garone à Bregerach, et puis oultre, en venant en Roerge, le rivière de Bourdonne. Si entrèrent en ce pays de Roerge, et commencièrent à guerriier fortement, à rançonner villes et chastiaus ou ardoir, à prendre 5 gens, à trouver pourveances grandes et grosses, car li pays estoit lors pourveus, et demoroit tout brisiet et essilliet derrière yaus. Si entrèrent en Auvergne, et passèrent et rapassèrent pluiseurs fois le rivière d'AUier, ne nulz ne lor aloit au devant. Et prisent 10 leur adrèce en Limozin , pour venir en ce bon et gras pays de Berri, et trouver celle rivière de Loire. Des vivres qu'il trouvoient , faisoient il grans superfluités, car ce qui leur demoroit il ardoient et exilloient. 15
Les nouvelles en vinrent au roy de France, qui se tenoit à siège devant Bretuel, comment li princes efForciement chevauçoit en son royaume, si en fu durement esmeus et courouciés. Et volentiers euist veu que cil de Bretuel se fuissent rendu par compo- 20 sition ou aultrement, pour clievaucier contre les Englès et defFendre son pays que on li ardoit, et toutdis entendoit on à emplir les fossés de tous lés. Et jettoient engien nuit et jour à le forterèce pières et mangoniaus : ce les esbahissoit plus c'autre cose. 25
Or avint à un chevalier de Pikardie, qui s'appelloit messires Robers de Montegni en Ostrevant, à ce siège, une dure aventure, car ilz et uns siens escuiers, qui se nommoit Jakemars de Wingles , tout doi appert homme d'armes, malement s'en alèrent un jour 30 au matin sus les fossés que on a voit raemplis, pour regarder le forterèce. Si furent perceu de chiaus de-
dens; si issirent hors jusques à sept compagnons par une posterne, et s'en vinrent sus le chevalier et l'escuier, et furent assalli fièrement. Il se deffendirent, car il a voient leurs espées. Et se il euissent esté 5 conforté de chiaus de l'ost d'otant de gens que cil estoient, il se fuissent bien osté de ce péril; mais nennil, car onques nuls n'en sceut riens. Si fu li dis chevaliers pris et menés ou chastiel, et navrés parmi le jenoul, dont il demora afolés, et li escuiers mors
10 sus le place, dont ce fu damages. Et en fu li rois de France bien courouciés, quant il le sceut.
Au septime jour apriès, entrèrent li compagnon de Bretuel en trettiés devers le roy de France pour yaus rendre; car li engien, qui nuit et jour jettoient,
15 les travilloient malement, et si ne leur apparoit confors de nul costé. Et bien savoient que, se de force il estoient pris, il seroient tout mort sans merci. Li rois de France, d'autre part, avoit grant désir de chevaucier contre les Englès qui ardoient son pays ;
20 et estoit ossi tous tanés de seoir devant le forterèce, où bien avoit, et à grant fret, esté et tenu soixante mil hommes. Si les prist à merci; et se partirent, salves leurs vies et ce qu'il en pooient porter devant yaus tant seulement. Si se retraisent li chevalier et
25 li escuier de Bretuel à Chierebourch ; jusques à là eurent il conduit dou roy. Si fist li dis rois prendre le saisine dou biau cliastiel de Bretuel et remparer bien et à point. Et se desloga et retourna vers Paris, mais il ne donna nuls de ses gens d'armes congiet,
30 car il les pensoit bien à emploiier aultre part.
