CHAPITRE LI

Comment les lAéfgeou feurent desconfita par les gens da dac de Bourgogne , à Montenacq , et jusqnes an nombre de deux mille od plus de morts.

L'an de grâce mil quatre cent soixante-cinq , le dix-neuviesme jour d'octobre, le comte de Nasso, le séneschal deHaynaut, le seigneur de Grutuse, le seigneur de Reubempré , grand bailly de Haynaut, et autres chevalliers et espuyers et gens de guerre, jusques au nombre de /dix-huit cents combattants ou environ , se partirent ensemble et entrèrent au pays de Liège , bouttants les feus en plusieurs lieux , et ardants plusieurs gro» villaiges et maisons; et en passant assés près d'ung gros villaige, nommé Montenacq , qui est à dire en franchois Montigny , en Ire

(1465) DE J. DU CLEBCQ. 63

Sainct-Tron et Hazevain et Verlo , à environ cinq lieues de la cité de Liège , ung grand nombre de Liégeois , lesquels se tenoient à Montenacq , et gardoient le villaige, où il y avoit bien trois cents feus , lequel ils avoient clos et fort fortifié de barrières^ tellement que on n\ oit sceu entrer , et y estoient environ quatre mille combattants, quant ils feurent advertis que les gens du duc passoient par emprès eux, lesquels ne contendoient que de passer sans les assaillir, car ils estoient trop fort fortifiés, en grand nombre vuidèrent du villaige , et se meirent en ung lieu où les gens du duc debvoient passer , pour les combattre et ruer jus ; et illecq s'encloyrent et feirent ung fort de leurs engins et charrois, attendants les gens du duc. Lesquels , assés tost vindrent illecq , et trouvèrent iceux Liégeois enclos et fortifiés cùmme dit est. Si prindrent conseil entre eux de les combattre, mais qu'ils les puissent faire issir de leur fort ; pour lesquels faire issir feirent signe de retourner et fuire de poeur d'eux, adfin qu'ils vuidassent, comme ils feirent : car prestement qu'ils les veirent tourner les dôs , cuidants qu'ils fuyssent, vuidèrent de leur fort -pour aller après eux. Ce voyant par les gens du 'duc , si retournèrent sur eux; et illecq y oit grande bataille; mais les Liégeois tindrent comme rien , ains se meirent en desroy et en fuite , et feurent rués jus, et y en demoura sur la place , deux mille deux cents ou environ de morts ; et des gens du duc on ne poeut sçavoir qu'il en mourust que ung archier.

MÉMOIRES (i46S}