CHAPITRE XL

Cy dit comment nouvelles veindrent au mareschal que le roy de Cypre avoit mis le siège devant Famagouste j, laquelle cité est aux Genevois j et comment il se partit de Gennes à grand armée pour y aller.

Ja avoit gouverné environ un an la cité de Gennes le bon mareschal , auquel espace de temps l'avoit adonc remise au chemin de prospérité comme dict est , quand nouvelles luy veindrent que le roy de Cypre avoit mis le siège devant Famagouste, laquelle est une riche cité qui sied mesmes en la terre de Cypre, et est aux Genevois comme dessus est dict, et l'ont possédée tousjours, et encores font depuis qu'ils l'eurent conquise contre le roy de Cypre y successeur du bon roy Pierre , auquel eurent guerre. Pour laquelle dicte cité cuider recouvrer s'il eust peu, avoit le dict roy de Cypre qui à présent règne assiégé icelle,

Adonc le cbevaleureux gouverneur qui ces nouvelles oùit , et à qui moult eust pesé si en son temps les Genevois feussent descheus en rien de leurs jurisdictions et seigneuries, lesquelles à son pouvoir desiroit et vouloit soustenir et accroistre, pour cause que au

roy de France en appartient la souveraineté' , au nom duquel il a le gouvernement, dit que ainsi ne demeureroit mie, et que bien et tost remédié y seroit. Si feit hastivement son erre apprester, pour en propre personne y aller. Toutesfois luy qui en nul faict ne veult user de volonté sans grande délibération et sans raison, s'advisa pour le mieux se mettre en tout debvoir , et envoya devers le roy de Cypre avant que il allast sur luy, l'enhorter et prier que il ostast le siège , et qu'il se deportast de faire ennuy ne grief à la cité du roy de France. Et que ce voulust-il faire par bien et par amour, et que chèrement l'en prioit , ou sinon qu'il se teint seur qu'à luy auroit guerre, et que tel ost luy ameneroit que dommaige luy porter oit.

Quand d'ainsi le faire eut délibéré avec son conseil , feust commis à ce messaige parfournir le saige et bon clievalier qui tout son temps a esté vaillant en armes , preud'homme en conscience , et discret en conseil, l'ermite de la Faye. Si feit le maresclial tost apprester une galée , où monta sus le dict ambassadeur. Apres ce, nonobstant que le mareschal ne voulus t point aller courir sus au roy de Cypre jusques à tant que sa responce eust ouye, son noble couraige plain de chevalerie désira employer son corps es faicts sans lesquels chevalier n'est honnoré. C'est à sçavoir en exercice d'armes, comme le temps passé avoit accoustumé. Mais mieux ne luy sembla pouvoir employer son temps que sur les ennemis de la foy. Et pource délibéra son voyage à double intention. C'est à sçavoir sur le roy de Cypre, au cas que à raison ne se mettroit, et puis contre les mescreans. Si feit tantost apprester son pa-

vire, et bien garnir de toutes choses à guerre convenables. Et quand il eut très-bien faictes ses ordonnnances de garder et gouverner la ville tant qu'il seroit hors (pour la quelle chose faire laissa son lieutenant le seigneur delà Vieuville tres-bon chevalier et saige, bien accompaignéde gens d'armes, et de tout ce qu'il convenoit,) se partit le troisiesme jour d'avril , l'an mille quatre cent trois, accompaigné de huict galées charge'es de bons gens d'armes, d'arbalestriers, et de toute telle estofFe et garnison qui en guerre appartient. Si singla en peu d'heures en mer, car bon vent le conduisoit, tenant son chemin droict à Rhodes,