CHAPITRE XII
Cj dit de l'ancien contens (0 qui est comme naturel entre les Genevois et les Vénitiens.
Avant que plus outre je die du dict voyage que feit le mareschal en Gypre, et es parties de delà, pour mieulx revenir au propos où je veux tendre , c'est à sçavoir que je compte sans rien oublier toutes les principales advantures et faicts qui au preux et vaillant mareschal adveindrent en iceluy voyage, me convient un petit délaisser ceste matière, et entier en une autre, laquelle comme je ne puisse bien tout dire ensemble, me ramènera à mon propos comme j'espère.
Vray est, et chose assez notoire et sceùe, comme ja de trop long temps, ainsi comme communément ad-
il) Contens : débat, contestation.
DU MÀRESCHAL DE EOÙClCÀUT. 2t)
vient, que seigneuries de semblable ou esgale puissance, ou presques pareille, qui sont voisines et prochaines les unes des autres, ne s'entr'aiment mie : et ce advient par l'orgueil qui court au monde, qui tousjours engendre envie, qui donne couraige aux hommes de suppediter les uns les autres, et surmonter en chevance et honneurs.
Pour ces causes les Genevois et les Vénitiens n'ont mie esté bien amis, laquelle inimitié par longue coustume de divers contens et guerres meiïes entre eulx est tournée comme en haine naturelle, comme communément advient en tel cas. Car estre ne peult que après grands guerres, où que elles soyent, quoy que la paix soit après faicte, que le record (0 rancuneux n'en demeure aux terres blessées et dommaigées, là où les traces apparoissent des occisions, des feux boutez, et des ruines et dommaiges qui leur en demeurent. Lesquelles choses représentent aux enfans qui après viennent les maulx et les griefs que les ennemis de la contrée feirent à leurs prédécesseurs, dont ils se sentent. Et ces choses souvent renouvellées ne sont mie cause de nourrir amour entre les parties , qui par guerre s'entregrevent, ou sont grevez. Or est-il ainsi que moult de fois, pour plusieurs débats et chalenges de terres, de chasteaux et de seigneuries , comme ils ont leurs jurisdictions en Grèce et autre part, et grandes terres les uns et les autres assez marchissans ensemble , que maintes guerres ont esté entre les Genevois et les Vénitiens, par lesquelles maintes fois à tant se sont entremenez, que à peu a esté qu'ils ne se soyent destruits. Et puis quand ainsi bien batus s'estoient, après par
i1) Record : souvenir.
3o LIVRE DES FAICTS
quelque bon moyen cessoit leur guerre par forme de paix, et non mie toutesfois ostée de leurs couraiges la haine ou rancune ; laquelle, comme j'ay dict, est et demeure comme naturelle entre eulx.
Si est vray que quand le haineux veoid son ennemy bien au bas, soit par luy, soit par autre, son ire est aussi comme amortie, et plus n'y daigne penser. Mais s'il advient que par quelque bonne fortune il se recouvre et retourne en force et prospérité , adonc revient la haine et redouble l'envie. Tout ainsi estoit-il des Vénitiens envers les Genevois. Car jaçoit que ja pieça après moult grande et mortelle guerre, ils eussent faict paix, ne feut mie pourtant, comme dict est, estainte en eulx couverte rancune. Mais icelle rancune n'a par long temps entre eulx porte' nul mauvais efFect. Car comme les Genevois longue pièce eussent tant esté oppressez de diverses douleurs par leur mesme pourchas, et par leurs divisions, comme dict est, que nul n'avoit cause d'avoir sur eulx envie, (car chose où n'y a fors malheureté n'est point enviée ) dormoit lors et estoit coye du costé des Vénitiens la dicte rancune.
Mais quand Dieu et fortune leur est apparu propice par le bon moyen du roy de France, par lequel ont eu le secours du bon et saige gouverneur ; adonc fut ravivée l'ancienne envie et inimitié qui tant au cœur les poignit que volontiers se feussent peinez de desadvancer la grande prospérité où ils veirent les Genevois entrez. Laquelle dicte prospérité et bonne fortune ils reputerent estre à leur préjudice, en tant que si ainsi montoient et alloient croissant, pourroienl estre en puissance, seigneurie et honneur plus grands qu'eulx : et par ainsi pourroient par advanture encores
DU MARESCHAL DE BOUCICAUT. 3l
estre par les Genevois renouveliez les anciens contens au grand grief des Vénitiens.
Ces choses considérées, moult se voulurent peiner s'ils pourroient desadvancer celuy qui estoit le chef et le gonfanon de leur prospérité', c'est à sçavoir leur saige gouverneur : car bien leur sembla que s'ils pouvoient à ce attaindre , le surplus petit priseroient. Mais ceste chose convenoit faire par grande dissimulation et advis, tellement que leur dessein ne feust apperceu tant que aulcune achoison trouvassent de ce faire. Ceste pensée gardèrent entre eulx jusques au point que ils cerchoient. Dont il adveint que quand ils sceurent que le mareschal estoit party pour aller oultre mer, comme fay dict cy devant, adonc leur sembla temps de trouver moyen de mectre leur dessein à eflfect. Si armèrent hastivement et sans révéler leur intention treize gale'es, et bien et bel les garnirent de bons gens d'armes, d'aibalestriers, et de tout ce qui appartient par mer en faict de guerre. Quand très-bien se feurent garnis, vistement se meirent en mer, et tirèrent après le mareschal.
À revenir à mon premier propos, n'avoit pas le dict mareschal passé le royaume de Naples , quand luy veindrent les nouvelles de l'armée des Vénitiens, mais pourquoy c'estoit faire on ne sçavoit. Adonc luy comme prudent chevetaine qui sur toutes choses doibt avoir regard , pensa sur ceste chose sçavoir mon si ce pourroit estre pour luy faire aulcune grevance. Mais à la parfin, comme c'est la coustume d'un chascun preud'homme cuider que les autres veuillent loyauté comme luy, osta de soy tout soupçon, considérant qu'il avoit bonne paix et de pieça, sans avoir rompu en rien les conve-
nances entre les Genevois et les Vénitiens. Si creut que ce ne pouvoit estre pour sa nuisance ; si n'en feit nul compte et tousjours teint outre son chemin.
Quand tant eut erre' par mer qu'il feut venu comme à vingt milles pies de Modon , qui est aux Vénitiens, luy veindrent nouvelles que les dictes treize galées estoient au port de Modon. Si feut derechef aulcunement pensif pour quelle emprise les Vénitiens telle armée pouvoient avoir faicte. Si s'arresta en une isle près d'illec, et pour sçavoir la vérité de ceste chose envoya une galée à Portogon, et Montjoye le herault qui saige et preud'homme est , et subtil en son office, dedans la dicte galée, pour enquérir s'il pouvoit de leur dessein. Lequel après que il en eut faict toute diligence rapporta ce qu'il avoit trouvé , c'est à sçavoir que voirement y estoient les dictes galées, mais pour quelle emprise , ne sçavoit»
Adonc entra le mareschal en grande pensée et soupçon de ceste chose : car il ne pouvoit imaginer ne appercevoir que les Vénitiens eussent cause par chose qui luy apparust d'avoir faict telle armée : toutes-fois son tres-hardy couraige de rien ne s'en espouventa , nonobstant que il eust beaucoup moins de gens et de navire. Et délibéra que supposé que celle assemblée feust pour luy courir sus, que rien ne les doubteroit(0, et que à bataille ne leur fauldroit mie. Et de ceste chose délibéra avec son conseil : mais toutesfois pource que la vérité de leur faict ne pouvoit sçavoir, et n'estoit mie certain que contre luy feust, deffendit à tous les siens que ils se gardassent que le premier mouvevement ne veint d'eulx ; car il ne vouloit estre cause
(0 Doubteroit : craindroit.
d'esmouvoir contens, ne que Vénitiens peussent dire que par luy feust. Mais bien leur dict et enhorta que si par les autres la meslée venoit, que ils se portassent comme vaillans.
Le lendemain matin le mareschal feit mettre ses galées et ses gens en très-belle ordonnance, et tous apprester de combatre si besoing estoit, et mettre devant les arbalestriers tous prests de tirer , et les gens d'armes demonstrer toute apparence de bon visaige de eulx défendre contre qui les assauldroit. Et ainsi que feut ordonné, se partit le mareschal à tout ses huict galées pour venir au port de Modon. Et quand il feut assez près, il envoya devant une galée pour sçavoir des nouvelles. Et quand les Vénitiens veirent venir la dicte galée , ils l'accueillirent à grand joye et feste , et se monstrerent joyeux de la venue du mareschal qui près estoit. Si se partirent du port, et joyeusement luy veindrentau devant, et grand recueil luy feit le capitaine des dictes galées qui se nommoit messire Carlo Zeni , et tous les autres, et le mareschal à eulx, et ainsi amis se trouvèrent. Si retournèrent toutes ensemble au dict port de Modon. Et fut le dict mareschal du tout hors du soupçon qu'il avoit eu.
