CHAPITRE XIII

Comment le mareschal donna secours à V empereur de Constantinople pour s'en retourner en son pays.

Quand le mareschal feut arrivé à Modon , là trouva les messaigers de l'empereur de Constantinople nom- ?• 3

me Karmanoli qui l'attendoient , par lesquels il luy mandoit que pour Dieu , et en l'honneur de chevalerie et noblesse, il ne voulust point passer outre sans que il parlast à luy. Car il estoit en la Morée vingt miïles en terre, si le voulust un petit attendre, et il viendroit à luy. Le mareschal receut les messaigers à tel honneur qu'il leur appartenoit, et leur dict bénigne^ ment que ce feroit-il tres-volontiers. Si ordonna tantost pour luy aller au devant le seigneur de Chasteaumorant à tout sa gent , et messire Jean d'Oultremarin Genevois, à tout une gale'e, et luy l'attendit à un port appelle Baselipotano.

Quand le mareschal sceut que l'Empereur approchoit , il luy alla à l'encontre , et receut à grand honneur luy, sa femme et ses enfans qu'il avoit amenez, comme raison estoit. Le dict Empereur le requist moult benignement, en l'honneur de Dieu et de chrestienté, que il luy voulust donner confort et passaige jusques à Gonstanlinople. Le mareschal responditque ceferoit tres-volontiers , et tout ce que pour luy pourroit faire. Si ordonna tantost pour le conduire quatre galées, lesquelles il bailla en gouvernement au bon seigneur de Chasteaumorant. Si se partit à tant l'Empereur, et le mareschal le convoya jusques au cap Sainct Angel.

Quand là feurent arrivez veindrent au mareschal les messaigers des Vénitiens , qui avoient sceu comme il avoit baille' quatre de ses galées pour convoyer l'Empereur. Si dirent que ils estoyent délibérez s'il leur conseilloit d'en bailler aultres quatre pour plus seulement le mener où il vouloit aller. A ce respondit le mareschal que ce seroit très-bien faict, et grand honneur à la seigneurie de Venise et au capitaine d'icelles

galées. A tant preint congé l'Empereur du mareschal et moult le remercia , et aussi les Vénitiens. Si s'en partit, et teint son chemin droict à Constantinople. Et le mareschal à tout ses quatre galées sans plus tira vers Rhodes. Et les Vénitiens qui demeurèrent à neuf galées allèrent avec luy , et telle compaignée luy tenoient, que quand il alloit ils alloient , quand il arrestoit ils s'arrestoient , et ainsi le feirent jusques à l'isle de Nicocie.

Adonc le mareschal, tousjours tendant au bien de la chrestienté, et à l'exaucement et accroissement de la foy , comme celuy qui desiroit la confusion et desadvancement des Sarrasins, se pensa d'un grand bien. C'est à sçavoir que si le dict capitaine à tout son armée vouloit estre avec luy, et que tous d'un bon vouloir allassent courir sus aux mescreans , qu'ils estoient belle compaignée de bonnes gens pour leur faire une très-grande envahie et grevance. Si manda par son messaiger bien emparlé et saige au capitaine des dictes galées toute ceste chose, et comme c'estoit son intention que au cas, au plaisir de Dieu , il auroit paix avec le roy de Cypre , son désir et volonté estoit de grever les ennemis de la foy quelque part que de leur courir sus verroit son point. Si luy sembloit ceste emprise bonne et belle, et honnorable, et que si au dict capitaine plaisoit que à ceste besongne feussent ensemble, il seroit participant au pieu et en l'honneur qui en istroit (0. Car il avoit espérance que à l'aide de Dieu ils feroient belle et honnorable besongne. Le capitaine respondit au messaiger que grand mercy rendoit moult de fois à monseigneur le gouver-

(0 Istroit : sortiroit, résulter oit.

36 LIVRE DES FÂICTS

neur du bien et de l'honneur qu'il luy annonçoit et offroit, et que quand il seroit à Rhodes, où il alloit dedans deux ou trois jours , tellement luy en respondroit que il s'en tiendroit pour content.