CHAPITRE XIV

Comment le mareschal arriva a Rhodes ,, et comment le grand maistre de Rhodes le receut , et le pria (juil allast en Cjpre pour traicter paix.

A tant s'approcha de Rhodes le mareschal , et quand le grand maistre du lieu qui est nommé messire Philebert de Nillac sceut que il estoit près , adonc luy alla au devant à belle compaignée de chevaliers et de bonne gent, et le receut tres-joyeusement et à moult grand honneur. Et ainsi le mena en son chastel qui moult est bel et hault , assis au dessus de la ville ; lequel il avoit faict bien et richement ordonner pour sa venue. Là mangèrent ensemble, et parlèrent de plusieurs choses , et de maintes advantures et nouvelles.

Et tost envoya ses messaigers au mareschal le capitaine des dictes galées des Vénitiens, par lesquels il luy faisoit responce, que de ce que il l'avoit enhorté d'aller avec luy sur les Sarrasins, il n'avoit mie commission de la seigneurie de Venise, sans laquelle il n'oseroit entreprendre de faire aulcune nouvelleté, si l'en voulust tenir pour excusé, car aultre chose pour lors n'en pouvoit faire. Si n'en teint plus plaid

DU MARESCHAL DE BOUdCAUT. 3 7

le mareschal. Si est vray que quand le seigneur de Chasteaumorant se partit de luy pour convoyer l'Empereur, comme dict est, il luy ordonna pour cause de crpistre son armée que il luy amenast toutes les galées et galiotes que de la seigneurie de. Gennes et de tous leurs alliez pourroit trouver. De laquelle chose toute diligence meit de ce accomplir, tant que plusieurs en eut assemble'es. C'est à sçavoir une gale'e et une galiote du pays de Payre , et une galée et une galiote d'A/yne, une gale'e et une galiote de Methelin, et de Scio deux galées. Et à tout le dict navire veinfc à Rhodes devers le mareschal qui là attendoit Termite de la Faye que il avoit envoyé' devers le roy de Cypre, comme devant est dict, pour sçavoir sa responce.

Ne demeura pas moult que l'ermite veint, et à brief parler rapporta que il n'avoit peu trouver le roy de Cypre en nulle raison d'accord de paix, pour quelconque cause qu'il luy sceust avoir monstrée que il le deust faire. Quand le mareschal entendit ce, dit que puisque le roy de Cypre ne se vouloit désister et oster de son tort , et venir à raison , que il ne faudroit mie à luy faire bonne guerre. Adonc feit tantost apprester son navire, et remonter ses chevaulx, et toute son arme'e mettre en ordonnance. Quand le grand maistre de Rhodes, à qui moult pesoit pour le mal qui ensuivre en pourroit, que guerre y eust entre le roy de Cypre et les Genevois , veid que c'estoit à bon , et que plus remède n'y avoit, requist moult le mareschal que un don luy voulust donner, lequel l'octroya volontiers. Ce feut qu'il ne voulust mie aller descendre en Cypre jusques à tant que luy mesme eust esté parler au dict roy de Cypre. Ceste chose accorda le mares-

38 LIVllE DES fÀICTS

chai. Si monta tantost le maistre de Rhodes sur sa galée, et l'hermite de la Faye avec luy, lequel feut monté sur la sienne , et encores la galée de Methelin avec eulx, et ainsi à trois galées allèrent devers le roy de Cypre.