CHAPITRE XV

Cy dit comment le mareschal alla en Turquie devant une grosse cité que on nomme Lescandelour.

Quand le grand maistre de Rhodes feut party pour aller en Cypre , comme dict est , le bon mareschal qui estoit demeuré ne voulut mie tandis que le traicté se feroit perdre temps, ains pour la grande volonté qu'il avoit de nuire aux mescreans désira employer sa gent de faire aux dicts Sarrasins aucune envahie. Si se conseilla aux chevaliers du pays et aux Genevois en quel lieu leur sembloit plus convenable d'aller faire guerre sur les ennemis de la foy. Si luy dirent que s'il alloit en Turquie devant un bel chastel et ville que on nomme Lescandelour , il pourroit faire celle part belle et honnorable conqueste , et aussi c estoit son chemin en approchant vers Cypre. Adonc sans plus attendre feit ses galées ordonner. Si monta sus avec sa belle et noble compaignée de très-bons gens d'armes, tous de nom et d'eslite , et tres-desireux de bien besongner et d'accroistre leur renommée. De Rhodes se partit en belle ordonnance. Et comme il alloit par mer rencontrèrent une grosse nave de Sarrasins, la-

DU MARESCHAL DE BOUCICAUT. 3ç}

quelle tantost ils combatirent tant que elle fut prise, et grossement y gaignerent. Si alla tant par plusieurs journées qu'il arriva devant Lescandelour droict à un dimanche, à l'heure de none.

Adonc preint à adviser la dicte ville, laquelle sied en partie sus la marine, et y a une grosse tour qui garde le havre, et puis va s'estendant au hault d'une montaigne où sied au chef un fort et hault chas tel qui garde la ville, laquelle est partie en deux parties, puis au bas est de l'autre costé la terre plaine venant sur la marine , où il y a moult beau pays et grands manoirs et jardinaiges. Adonc saillirent hors des nefs les bonnes gens d'armes par belle ordonnance, comme le saige mareschal leur avoit ordonné. Et quand ils eurent gaigné terre , et feurent tous assemblez sur la plaine, adonc feit le mareschal plusieurs chevaliers nouveaux, dont d'aucuns me souvient des noms et non de tous. C'est à sçavoir le Barrois , le fils du seigneur de la Choletiere qui nepveu estoit du dict mareschal, le seigneur de Chasteauneuf en Provence , messire Menaut, Ghacagnes, messire Louys de Montigian qui y mourut, et grand nombre d'autres. Et y levèrent bannières plusieurs autres vaillans chevaliers et escuyers, tous de grande volonté de bien faire. Si se trouvèrent sur ceste place huict cent chevaliers et escuyers tous duits à la guerre, et gens de grande eslite> vaillans et renommez de nom et d'armes , et pouvoient estre en tout environ trois mille combatans, tous tresardens et courageux de faire prouesses et vaillantises pour l'exaucement de la foy chrestienne , et pour accroistre leurs renommées. Et entre eulx estoit le tresvaillant mareschal comme preux chevetaine qui les

4° LIVRE DES PAICTS

mettoit en ordonnance , et par ses bons et chevaleureux enliortemens les admonestoit qu'ils se portassent comme vaillans. Car il avoit espérance en Dieu , en Nostre Dame, et en sainct George, que ils feroient bonne journée. Ha qu'il faisoit bel veoir ceste belle compaignée , en laquelle estoient assemblées tant de bannières de renommée , c'est à sçavoir la bannière de Nostre Dame, celle du mareschal, celle du seigneur Dacher, celle du seigneur de Chasteaumorant, celle du seigneur de Chasteaubrun nommé messire Guillaume de Nillac, la bannière du seigneur de Chasteauneuf , celle du seigneur de Puyos , et autres que nommer ne sçay !