CHAPITRE XVI

Cy dit comment le mareschal assaillit Lescandelour par belle ordonnance.

Le mareschal ordonna son assault en trois parties, c'est à sçavoir commeit le vaillant seigneur de Chasteaumorant à tout belle compaignée à combatre du costé de la marine , son mareschal appelle messire Louys de Culan à tout cent hommes d'armes, cent arbalestriers et cent varlets , meit pour garder un pas par où secours pouvoit venir en la ville, et luy avec le seigneur de Chasteaubrun , et l'autre partie de ses gens, assaillirent du costé de la porte. Quand toute l'ordonnance feust faicte, qui feut comme à heure de none , adonc pour commencer l'assault, prirent trom-

pettes à sonner si hault que tout, en retentissoit. Lors commencèrent à assaillir de toutes parts , et ceulx de dedans à eulx défendre par grand vigueur, et ainsi ne finirent de donner et de recevoir des coups, tant qu'il y en eut de morts et de navrez grand foison d'un costé et d'autre.

Moult trouva grand force et grand defence du costé de la marine le seigneur de Chasteaumorant. Car la tour qui gardoit le havre estoit fort garnie de trait et de gens d'armes qui moult bien la defendoient, et espoisse'ment lançoient à eulx. Mais vous veissiez nos gens comme preux, par grand vigueur, nonobstant toute defence, agrapper contremont ces murs et dresser eschelles, et là estriver l'un contre l'autre à monter sus des premiers , et à qui mieulx mieulx s'alloient là esprouver. Si feut combatu en eschelle par grande hardiesse et moult vaillamment : mais trop feurent leurs eschelles courtes, pour laquelle cause conveint ainsi demeurer celle journée.

Le bon messire Louys de Culan qui gardoit le pas , comme dict est, n'y travailla mie en vain. Car tant s'y peina à tout l'estendart du mareschal , et la bonne compaignée qu'il avoit, que nonobstant que il y eust fort combatu, et qu'il y trouvast qui bien luy defFendist, si gaigna-il le pas malgré tous les ennemis, dont il doibt grand honneur avoir. Car tant est celuy pas forte place, que le bon roy de Cypre, qui autresfois à le prendre s'estoit travaillé, oncques n'en peut venir à chef. Si fut profitable la prise , car par ce eussent affamé la ville, si encores y feussent demeurez. Et ainsi dura cest assault, où assez eurent nos gens bien exploité jusques à tant que la nuict veint qui les départit.

4?. LIVHE DES FAICTS

Le lendemain derechef prirent à assaillir , et par deux fois l'assault donnèrent par moult grand fierté, et moult aussi trouvèrent qui bien se défendit, mais toutesfois tant se peina le vaillant Chasteaumorant à toute sa gent que le havre à tout le bas de la ville feut prins, et entrèrent au port maigre' la defience de la tour. Là estoient les boutiques des marchandises, que ils appellent magasins, bien garnies de toutes marchandises. Car moult est celle ville marchande. Tout prirent ce que emporter peurent , et au navire qui y estoit, c'est à sçavoir quatre fustes , deux galées, une galiote,. et deux naves, boutèrent le feu, et tout ardirent.