CHAPITRE III

Cy dit comment la cité de Gennes se donna au roj de France.

Si adveint environ Tan de grâce 1397, cIue ^es ^enevois (*), ainsi comme ils ont d'ancienne coustume de gouverner leur cité et le pays qui leur appartient soubs l'obéissance d'un chef que ils eslisoient entre eulx avec le conseil d'un nombre des anciens de la ville, selon leurs statuts esleurent pour Duc celuy qui leur sembla homme plus propice et idoine à les bien gouverner. Celuy Duc estoit nommé messire Antoine Adorne, et encores que il feust du peuple, et non mie gentil-homme d'extraction , si estoit-il saige, et bien et prudemment les gouvernoit et tenoit en justice. Mais ainsi comme devant est dict, comme il soit comme impossible tenir en paix les communes et peuple d'icelle nation, qui ne se peut souffrir pour leur grand orgueil à nul suppediter, si par force n'est, ains veulent tous estre maistres, se rebellèrent contre iceluy leur Duc et le chassèrent. Mais après feit tant par amis que il feut rappelle à la seigneurie, en laquelle quand il eut un peu esté d'espace, luy qui sage estoit, considéra la grande variété de ses citoyens, lesquels il sentoit ja murmurer et machiner contre luy. Si veid bien que longuement ne la pourroit garder ne tenir pour la division d'eulx, qu'il con-

(0 Genevois ; Génois.

venoit tenir et gouverner soubs grande puissance.

Si s'advisa celuy Duc pour le bien de la dicte cite' d'une saige cautele. Car il feit tant par dons, grandes promesses, et belles paroles, que les principaulx des nobles, et qui debvoient avoir les plus grandes dominations en la ville, dont ceulx du peuple les avoient chassez, ne y demeurer sinon peu d'eulx n'osoient, feurent d'accord d'eulx donner au roy de Fiance. Et ceste chose agréèrent mesmement des principaulx de ceulx du peuple. Quand il eut toute ceste chose traicte'e et bastie, il le manda hastivement par ses messaiges en France.

Le Roy eut conseil que ce n'estoit mie chose à mettre à néant. Et que bon seroit pour luy d'estre saisy et revestu de si noble joyau comme de la seigneurie de Gennes, par laquelle sa puissance et par mer et par terre pourroit moult accroistre. Si envoya un chevalier de France avec belle compaignée de gens pour en recepvoir les hommaiges, et gouverner pour le Roy la dicte cité. Mais iceluy ne leur fut pas longuement agréable, ains conveint qu'il s'en partist. Et ainsi semblablement plusieurs des chevaliers de France y feurent envoyez, et mesmement le comte de Sainct Pol. Mais aucuns par advanture pour les cuider tenir en amour, leur estoient trop mois et trop familiers, et frequentoient avec eulx souvent, et dansoient avec les dames. Si n'est pas la manière de gouverner ceulx de delà. Parquoy tousjours il convenoit que iceulx gouverneurs s'en partissent.

b LIVRE DES FAICTS