CHAPITRE XXI

Cy dit comment on sceut certainement que les Vénitiens avoient faict sçavoir aux Sarrasins la venue du mareschal , et comment il print Botun et Barut.

Ne feut mie encores saoulé de grever les Sarrasins le vaillant mareschal, quoy que on luy dist que à grand honneur retourner s'en pouvoit, car bien avoit exploicte'. Mais de ce ne feut pas d'accord. Si se partit de Tripoli, comme dict est, et au partir de là il oùit nouvelles que une nave de Sarrasins estoit au chemin de Barut. Si commeit tantost pour y aller le seigneur de Chasteaumorant, et avec luy de bons gens d'armes, à tout deux galées. Si allèrent tant que ils veinrent assembler aux Sarrasins, et si dure escrime leur livrèrent que tous les occirent, et prirent la nave : puis liés (0 et joyeux s'en retournèrent. Le mareschal s'en alla à Boton , qui est une grosse ville champestre ; qui tost feut pillée, et les Sarrasins qui y feurent trouvez tous mis à mort, et par tout mis le feu, et de là teint son chemin droict à Barut.

Et à revenir à ce que devant j'ay dict, comment certainement on sceut que les Vénitiens avoient notifié et faict sçavoir aux Sarrasins la venue du mareschal , adveint que ainsi comme il approchoit la dicte ville de Barut, il veid partir du port un vaisseau appelle Gripperie, lequel s'en cuidoit fuir vistement

(x) Liés : gais.

DU MARESCHAL DE BOUCICAUT. 5iJ

avant que le mareschal arrivast, et ne pensoit que nul s'en donnast garde : et pour mieulx cuider eschapper sans que on l'apperceust, prit le large de la mer, et fuyant s'en alloit. Mais le mareschal qui l'apperceut envoya après tantost une galée qui tostle prit. Si l'amena devers le mareschal, lequel s'enquit quelles gens y avoit, et sceut que c'estoient Vénitiens. Si feit venir devant soy le principal de ce vaisseau, et moult l'interrogea tant par amour que par menaces pour quelle cause ainsi s'enfuyoit. Et à brief parler, quoy que il le celast au premier, tant feit le mareschal, sans luy faire mal ne grief, que il confessa et recongneut que sans faillir il n'avoit cessé d'aller par mer par grande diligence, pour annoncer en toutes les terres et contrées des Sarrasins de là environ, c'est à scavoir de Syrie et d'Egypte, et de ces marches, la venue du mareschal, et qu'ils s'appi estassent contre luy : car il leur venoit courir sus à grande armée, et que ce avoit-il annoncé à Barut, et par tout aultre part. Si passoit par là pour veoir comment ils avoient exploicté. Ceste chose racompta iceluy au mareschal , et ce luy tesmoignerent ses compaignons, et que à ce faire estoient commis de par la seigneurie de Venise. De ceste très-grande mauvaistié , laquelle jamais n'eust cuidé , feut moult esmerveillé le mareschal , et feut en grande délibération si ceulx qui venoient de bastir ce mauvais œuvre il feroit lancer en la mer. Toutesfois délibéra que non ; car ils luy avoient racompté debonnairement, et aussi le mefTaict n'estoit mie si grand à eulx comme à ceulx qui envoyé les y avoient. Si ouvra adonc de la très-grand franchise de son noble cœur, comme celuy qui n'en daigna

6o LIVRE DES FAICTS

faire compte, et les laissa aller. Laquelle chose peu d'autres eussent faict : mais ne vouloit nullement que par luy ne à son occasion fut meu débat entre les Vénitiens et les Genevois. Si teint son chemin droict à Barut. Mais si tost ne fut arrivé, que bien: s'apperceut de l'ouvraige que les Vénitiens avoient basty. Car devant luy voyoit tout le port couvert de Sarrasins arrangez en bataille , pour luy défendre le saillir hors. Mais de ce n'eurent-ils mie le pouvoir. Gar tantost le hardy eombatant comme lyon feit de grand randon ferir de proiie en terre , et les arbalestriei s tirer druëment à celle chiennaille qui là brayoient comme enragez , et si bien les servirent de traict que plusieurs en lardèrent. Si leur conveint se retirer malgré leurs dents, et les nostres saillirent hors encouragez de leur courir sus par grand vertu. Mais quand les Sarrasins veirent leur ordonnance, ne les osèrent attendre, ains s'enfuirent, et nos gens feurent là tous ordonnez pour donner la bataille :. mais ne trouvèrent à qui parler.

Si alla le mareschal devant Barut, et feit assaillir la ville par telle force que les Sarrasins qui dedans estoyent feurent espouvantez , si que plusieurs d'eulx s'enfuirent par autre costé ;- et ceulx qui dedans demeurèrent la défendirent de tout leur pouvoir. Toutesfois à la fin par force feut prise, et mis à l'espée les Sarrasins qu'ils y trouvèrent , et tout fourragé et pillé ce qu'il y avoit : mais gueres n'y trouvèrent, pource que advisez en avoyent esté , parquoy la ville estoit vuide de tous biens et de toute marchandise, que ils avoient retirez et mussez es bois et es monfcaignes, comme il feut rapporté au mareschal. Si feit

DU MARESCHAL DE BOUCÏCAUT. 6l

le feu bouter par tout , et au navire qui estoit au port , et ce faict se retira en ses galées.