CHAPITRE XXIL
Çy dit comment le mareschal alla devant Sajete , et la grande hardiesse et vaillance de luy contre les Sarrasins.
Apres Ce se partit de Barut le mareschal , et teint son chemin en Egypte pour aller devant Sayete , en intention de la prendre s'il eust peu. Et quand il feut approche du port ; tout ainsi que es autres lienx avoit faict le trouva bien fourny de Sarrasins , qui en belle bataille Tattendoient : mais nestoient mie en petite quantité ; car plus de douze mille en y avoit tant à pied que à cheval. Mais de ce ne feit cas le saige mareschal, qui sa fiance avoit toute en Dieu; ains feit ferir en terre , et saluer les Sarrasins de bons viretons (0 et de bombardes, si souvent et menu, que oncques ne trouvèrent si mortelle rencontre. Si en y eut là tant de morts, que tout le gravier en feut couvert Et tant estoyent iceulx de grande volonté' contre nos gens , que trop envis (a) se desplaçoient. Mais toutesfois force leur feut de fuir, ou mal eust esté pour leurs peaulx. Car si là se feussent longuement tenus , leur troupeau feust de moult appetissé. Si leur conveint reculer à toutes fins. Nos gens ne dormirent mie , ains saillirent contre eulx par grande hardiesse
W Viretons : traits d'arbalète. — (*) Envis : malgré eux.
6a LIVRE DES FAiClft
à qui mieulx mieulx , et comme sangliers se fichoient en la marine jusques au ventre pour leur courir sus. Et feut tout le premier qui y saillit le bon escuyer Jean de Ony cy dessus nomme', qui par son bien faire bon exemple donna aux autres, et les Sarrasins qui grand couraige avoient contre eulx se travailloient de les repoulser.
Mais oyez la grande fortune contre nos gens, qui leur doibt tourner à grand los et pris. Car droict à celle heure se leva un vent si grand et si contraire qu'il n'estoit mie en la puissance de eulx que toutes les galées peussent arriver, ne tout le navire, pour aller aider à ceulx qui combatoient : dont les combatans eurent grand honneur. Parquoy telle fois estoit que la grand presse et quantité des Sarrasins si fort les chargeoit , que à peu leur convenoit rentrer en la marine. Mais adonc revenoit à grand tas le traict des galées de bombardes et de viretons , qui abatoient à tas les plus huppez. Ainsi dura cest estrif par longue pièce. Mais que vous en dirois-je? A la parfin tant vaillamment s'y portèrent nos gens , et tant bien le feirent, que à très-grand peine le port prirent, mais avant moult y souffrirent.
Ha quel honneur à une poignée de gens , qui n'es^ toient pas plus de cinq cent contre telle multitude ! Le vaillant chevalier Leonidas à tout trois cent chevaliers sans plus , deffeit l'ost de Xerxes le grand roy de Perse , quand il le preit à despourveu en ses pavillons. Car jamais n'eust pensé que iceluy Leonidas à si peu de gens eust eu telle hardiesse , et les histoires en font grand compte et à bon droict. Mais pourquoy ne dirons-nous abysme de hardiesse et de prouesse estre
en celuy vaillant mareschal , et en sa noble compaignée, qui ne prit pas les Sarrasins despourveus en leurs pavillons ; mais luy feut trouvé despourveu de gent , mais non pas de force et de hardiesse, contre si grande multitude de gent , voire en tel faict comme de prendre port si mal à son advantaige : et toutesfois il vainquit, et si il ne pouvoit avoir secours des siens. Car la mer deveint si grosse que les galées ne pouvoient approcher de terre , comme dict est.
Mais ores oyez derechef la vigueur delà très-grande hardiesse de son couraige, lequel ne s'espouventa pas de se trouver avec si peu de gent contre tant d'ennemis, ains tout ainsi que si ils eussent esté dix mille, alla prendre place en plaine terre devant la bataille des Sarrasins , qui s'estoyent retirez de la marine tous arrangez comme pour combatre ; mais si près d'eulx s'alla mettre, que les Sarrasins tiroient de belle visée de leurs arcs dedans la bataille de nos gens. Et ainsi demeura en celle place de pied coy en despit d'eulx l'espace de cinq heures , en attendant que la mer feust accoisée, et qu'il eut toute sa gent afin de combatre les dicts Sarrasins , et assaillir la ville , ainsi qu'il avoit proposé ; dont moult estoit troublé de l'empeschement que le vent faisoit à arriver son navire : mais nonobstant toutes ces choses-là , se tenoit dé tel semblant que oncques Sarrasins n'osèrent venir contre luy de plain eslans. Et plusieurs fois s'essayèrent de rompre la bataille au front de devant , et aucunes fois aux bouts et aux costez ; mais pour la très-belle et saige ordonnance que le mareschai tenoit, tant en arbalestriers qui estoyent environ deux cent, et es gens d'arfnes qui gueres plus n'estoyent, qui
64 | LIVRE DES FMCTS
tous se tenoient joincts et serrez ensemble comme un mur, n'eurent oncques les Sarrasins la hardiesse de venir enfoncer, et tant comme ils en approchoient c estoit h leur grande confusion. Car maints en y eut d'occis et d'affolez du traict et du ject des lances. Et ainsi comme vous oyez le maresclial se teint là tant que ja approchoit la nuict. Et quand il veid que la mer ne s'appaisoit point, parquoy il peust avoir sa gent, dont moult grandement luy pesa d'ainsi faillir à parfournir son intention , en partit en très-belle ordonnance , et rentra en son navire» Et jugez entre vous qui ce oyez , si il doibt de ceste valeur et grande hardiesse grand honneur avoir, d'oser tenir pied contre tant d'ennemis , pour le semblant duquel et fiere contenance , et la grande resolution dont ils le voyoient, nonobstant que ils feussent en grand nombre, les espouvantoit , et ostoit cœur et hardiesse. Mais il n'est pas de doubte que si aulcun signe de recreandise ou de peur y eussent veu , luy eussent couru sus , ne jamais pied n'en feust eschappé.
