CHAPITRE XXIII

Cj dit comment le maresclial alla devant la Liche , et les embusches que les Sarrasins au oient f aides pour le surprendre.

Le mareschal se partit adonc, et tant erra par mer , nonobstant le grand vent qu'il faisoit , qu'il veint devant une grosse ville qui. sied comme à une

lieue de la mer, nommée la Liche : mais quand il veint devant le port, ne trouva pas en sa compaignée le quart de ses galées : car le grand vent qu'il avoit faict la nuict les avoit esloignées et séparées les unes des autres , et desvoyées de leur chemin : et pour les grands feux que les Sarrasins faisoient sur la marine en faisant grand guet, ne pouvoient choisir l'adresse des galées qui devant alloient. Si demeura là tout le jour le mareschal , et ne vouloit descendre sans tous ses gens. Car grande partie de ceulx qu'il avoit avec luy estoient malades et blessez-, et y feut jusques à basses vespres, en attendant son navire, dont moult luy ennuyoit. Car il ne voyoit mie sur le port plus de trois mille Sarrasins , et d'eulx cuidoit-il bien venir à chef. Et adonc arriva son navire : mais il estoit trop tard pour descendre. Ha Dieu , comment est vray le proverbe qui dict, ce que Dieu garde est bien gardé, et l'Escriture Saincte qui dict, si Dieu est pour nous, qui sera contre nous ? Car manifestement on peult veoir en ceste occasion que Dieu vouloit garder le mareschal comme son cher serviteur , et sa compaignée aussi , par ce qui a apparu ainsi , comme compter orrez.

Le mareschal, qui avoit espérance le lendemain au matin besongner, feit mettre en une galée messire Jean d'Outremarin genevois, et messire Choleton, pour bien adviser deux tours qui siéent sur le port de Liche, en espoir de les assaillir le lendemain, et se tira un peu loing, comme Dieu de sa grâce l'en advisa. Quand les Sarrasins veirent que il se retii oit, ils cuiderent que il se departist ; adonc manifestement descouvrirent leur embusche, et saillirent hors de 7- 5

deux parts. C'est à sçavoir de derrière une montaigne et d'un bois, qui estoit entre la ville et le port, bien trente mille Sarrasins, et à pied et à cheval, qui tous veinrent sur la marine crians et brayans comme diables d'enfer. Et quand le mareschal et sa compaignée les veirent en telle quantité', loiierent nostre Seigneur delà grâce que il leur avoit faicte dont l'advanture estoit advenue, par quoy le jour n'estoyent descendus, et le reputerent comme à miracle de nostre Seigneur, qui de sa grâce les avoit voulu sauver.