CHAPITRE XXIV

Comment le mareschal ^ pour ce que fa se tiroit vers Vhyvér, s'en voulut retourner a Gennes.

De la Liche se partit le mareschal, car bien veid que impossible seroit à si peu de gens qu'il avoit de forçoyer tant d'ennemis, veu que encores moult estoyent les siens foibles, et que moult en y avoit de malades et blessez. Si s'en retourna derechef en Cypre à Famagouste, pour laquelle cité avoit esté le débat d'entre le roy de Cypre et les Genevois, comme dict est, ausquels elle demeura paisiblement. Et pour ce feut nécessité qu'il la visitast. Si oiiit de leurs causes et questions , et détermina de leurs querelles au mieulx qu'il peut, selon le temps qu'il y arresta, qui ne fut pas plus de huict ou dix jours. Si establit officiers, et leur donna ordonnances de gouverner, et bien leur chargea que bonne justice feissent.

Puis veint à Rhodes, où le grand maistre du dict lieu moult l'honnora et festoya, et là séjourna environ dix ou douze jours. En celuy espace de temps que il séjourna, il ordonna que trois de ses naves feussent apprestées, et là dessus feit monter tous les malades et blessez de sa compaignée, dont il y en avoit grand foisonnant chevaliers etescuyers, comme arbalestriers, varlets, et mariniers. Tant que pour la grande quantité des dicts malades conveint que le mareschal reteint petite compaignée pour luy. Car il meit le plus de ses gens d'armes sur les dictes trois naves, pour les conduire et gouverner. Si estoit demeuré si mal armé, que avec ce que il avoit peu de gens, à peine avoit-il de douze à quatorze cent arbalestriers. Des dictes trois naves les deux se partirent aussi tost comme luy, dont il ne se peut ayder, et l'autre séjourna à Rhodes un mois, et puis à son retour périt en Sicile, dontdommaige feut et pitié, pour les bonnes gens qui dessus estoyent.

Et ainsi se partit le mareschal du dict grand maistre , et par le conseil de ses gens qui moult l'en admonestoient, délibéra de s'en retourner à Gennes, sans plus faire pour celle saison. Car ja tiroit vers le temps que la mer souvent s'engrosse, pour cause de la mutation des vents, c'est à sçavoir de l'hyver. Si se meit en mer à si petite compaignée, comme dict est. Tant alla sans mal, ne sans encombrier, que il veint jusques en la Morée. Et quand il feut là venu, cuidant paisiblement s'en venir le demeurant de son chemin, quand il feut au port, que on dict le cap Sainct Ange, adonc luy veinrent deux des naves qu'il avoit laissées à Rhodes, moult bien garnies de bonnes gens

d'armes et d'arbalestriers à grand foison , desquels il ne preit nuls, pour ce que il n'esperoit point en avoir à faire.