CHAPITRE XXV

Comment les Vénitiens, pour avoir achoison défaire ce au ils feirent après j se alloient plaignans du mareschal de la prise de Barut.

Or me convient derechef tourner au faict et à la matière des Vénitiens, pour conclurre et terminer ce que j'ay dict devant, c'est à sçavoir en quelle manière creva l'enfleure de l'envie portée en leurs couraiges ja par long temps, et le venin qui en saillit laid et abominable. Quand les Vénitiens veirent que tout ce qu'ils avoient basty vers les Sarrasins contre le mareschal ne leur avoit rien valu, déterminèrent entre eulx, que comment qu'il feust, tandis que ils avoient lieu et commodité, s'ils pouvoientviendroient à leur intention. Car s'il arrivoit à Gennes, à peine jamais y aviendroient, si d'advanturen'estoit que si à point le trouvassent, veu que il estoit moult petitement accompaigné, parce qu'il avoit envoyé grande partie des galées et du navire de son armée , et que il n avoit soupçon de nul encombrier, et de tout ce se prenoient-ils moult bien garde , comme ceulx qui autre chose ne guetoient que de sçavoir tout son dessoin, pour leur poinct mieulx adviser.

Mais par cautele, pour plus couvrir leur mussée

DU MARESCHAL DE BOUCICAUT. 6g

volonté, voulurent trouver aulcune achoison et coiw leur de cause raisonnable , et vont semer voix et paroles par manière de plaintes à plusieurs gens, que ils voyoient bien que le mareschal vouloit prendre débat à eulx, et que bien leur avoit monstre' en la prise de Barut , auquel lieu leur avoit faict trop grand dommaige en leurs marchandises à grand foison que là avoient, et sans leur faire à sçavoir l'allée : de laquelle chose trop se tenoient mal contents d'ainsi estre desrobez et pillez, et le leur avoir perdu. Tant allèrent ces paroles, que par aucuns des amis et bienveuillans du mareschal luy feurent rapportées là où il estoit en la Morée, et que bon seroit qu'il se gardast d'eulx : car il estoit à doubter que ils ne l'aimoient mie.

De ceste chose feut moult esmerveillé le mareschal, si respondit que il ne pouvoit nullement croire ne penser que ce feust vray que ils luy voulussent mal, ne que ils se plaignissent de luy. Car oncques en sa vie ne leur avoit meffaict ; ains les avoit traictez en tous lieux où trouvez les avoit, aussi amiablement ou plus comme les propres Genevois, comme ceulx que il reputoit ses amis, et aussi pour tousjours tenir et nourrir paix entre eulx et les Genevois, et que aussi les Vénitiens par tout où ils le trouvoient luy monstroient tant de signes d'amour qu'il s'en tenoit très tenu à eulx. Et quant du faict de Barut, ne pourroit croire que malcontents s'en teinssent. Car ilssçavoient bien que plus d'un an devant il avoit envoyé défier le Souldan, pour ce qu'il avoit pris des marchans Genevois qui estoyent au Kaire , à Damas, et en Alexandrie, et les avoit rançonnez contre son sauf-

70 LIVRE DES FÀICTS

conduit. Laquelle chose il avoit mandée aux dicta Vénitiens, et faict sçavoir, afin qu'ils tirassent leurs biens et marchandises hors du pays, bien dix mois avant que il partist de Gennes. Et que ce ne pouvoit estre que ils eussent de leurs marchandises en la dicte ville de Barut. Car toute la trouvèrent vuide. Et d'autre part, tant comme il y fut, ne devant, ne après, ne trouva Vénitien, ne autre de par eulx qui luy notifiast ne dist que il y eust rien du leur. Car s'il eust sceu que ils y eussent rien eu, ne mesmement autres Chrestiens , ja à leurs choses n'eust souffert toucher. Car pour grever chrestiens n'estoit mie allé : mais seulement aux ennemis de la foy. Et encores s'il estoit ainsi que ils s'en teinssent mal contents, et ils luy faisoientà sçavoir quee's choses prises il y eust eu du leur, sans faillir tout leur feroit rendre, et icelle response leur feroit si aulcune clameur ou plainte luy en venoit, de laquelle chose encores de leur part n'avoit ouy nouvelles. Et quant est que il eust volonté de prendre débat à eulx, ou que eulx se voulussent prendre à luy, s'il en eust eu quelque pensée, il n'eust pas renvoyé quatre de ses galées et autres galiotes de son armée, veu que ses gens estoyent tous foibles encores, et que moult il avoit perdu de ses arbalestriers. Si ne faisoit mie semblant de vouloir nul grever, ne que il eust doubte aussi que nul le grevast. Car s'il l'eust pensé, aultrement se feust garny. Car bien en avoit eu le temps et commodité : mais s'en alîoit son chemin simplement, comme celuy qui à nul ne vouloit nuire, et pensoit semblablement que nul nuire ne luy vouloit.

Ces choses respondit le mareschal à ceulx qui luy

DU MÀRESCIIAL DE EOUGICÀUT. 71

en parloient. Et tantost arriva au port que on dict le port des Cailles, et là veint coucher. Si adveint en celle nuict un peu avant le jour, que il arriva un petit vaisseau que on nomme Brigantin, et estoit Vénitien, et cuidoient ceulx qui dedans estoient que ce feussent les galées des Vénitiens. Car elles n'estoyent pas loing de là, comme oiiir pourrez. Celuy apportoit plusieurs lettres de par les Vénitiens au capitaine de leurs galées, et à autres de sa compaignée, et feurent ces lectres par ignorance baillées es mains du patron des gale'es du mareschal, les cuidant celuy auquel elles avoyent esté recommande'es bailler en la main du capitaine Vénitien. Mais quand il s'advisa et apperceut que il n'estoit pas là où il cuidoit, si feut tant esbahy que il ne sçavoit que dire, ne que faire. Quand le patron le veid esbahy, il luy demanda où il cuidoit estre : Il dict que aux galées des Vénitiens : mais il voyoid bien que non estoit. Et adonc le dict patron porta les lettres et mena le messaiger au mareschal, lequel un petit l'interrogea : mais quand il le veid tant espouvanté, adonc de sa très-grande libéralité, noblesse de cœur et franchise, et afin que les Vénitiens ne peussent trouver nulle cause de eulx plaindre de luy, luy dist debonnairement, « mon amy, « n'ayez doubte, vous estes entre vos amis, et raurez « vos lettres toutes telles que les avez baillé. » Adonc les luy rendit toutes telles que elles estoyent liées en un fardeau, et luy dit que s'il luy failloit rien que il le dist, çt que il le recommandast au capitaine et à sa compaignée, et ainsi s'en partit.

Quand il feut jour, le mareschal se remeit en son chemin, et celle journée ne trouva advanture qui

face à compter. Si veint gésir devant la ville de Modon, de coste une isle qui est appelle'e l'isle de Sapience. Quand il feut là, il feit jetter le fer, et ancrer celle part. Tanlost que ce feust faict, veint une espie des Vénitiens en une barque où il y avoit cinq ou six hommes , lesquels pour sçavoir la route du mareschal , et veoir s'il se doubtoit de rien , et en quel arroy il estoit, demandèrent quelles gens cestoyent. Et il leur feut respondu que c'estoit le mareschal et les Genevois, et l'on leur demanda des nouvelles, et s'ils vouloient aulcune chose que le mareschal peust, ils dirent que grand mercy, et que nulles nouvelles ne sçavoient. Si les feit-on boire, et à tant se partirent.