CHAPITRE XXVII

Comment le mares chai s'en alla à Gennes , irrité contre les Vénitiens ; et des prisonniers qui /eurent emmenez d'un costé et d'autre.

Ainsi comme vou soyez demeura le champ de la bataille au preux mareschal à tout le demeurant de sa gent ; et les Vénitiens comme vaincus se retirèrent et le laissèrent. Mais tant demeura dolent et indigné de ceste advanture , dont jamais ne se feust donné de garde, et de ce que ainsi avoitesté pris au despourveu, et aussi de la perte qu'il avoit faicte de sa gent , que nul ne pourroit dire comment son cœur feut gros et enflé contre les Vénitiens. Mais ceste trahison cuida-il bien venger. Si dict que à ce ne fauldroit-il point, si Dieu luy donnoit vie.

Si se partit à tant de la place, et environ soy rassembla ses gens et ses galées au mieulx qu'il peut. Mais bien vous promets que ils ne sembloient mie gens venans de feste ou danse : car à merveilles estoyent lassez , navrez et desrompus , et n'estoit mie de merveilles. Si les reconforta et visita par grand amour et pitié le bon mareschal : et non pourtant quatre jours après la bataille dessus dicte, comme le mareschal tenoit son chemin droict à Gennes, rencontra deux naves des Vénitiens, sur icelles voulut en partie venger son ire , si les feit tantost assaillir si durement que s;ueres ne durèrent, ains feurent tost

82 LIVRE DES FAlCTS

prises, et les emmena avec luy à Gennes. Si estoyent les dictes naves bien garnies de biens et de bons prisonniers lesquels il reteint jusques à ce que les Vénitiens luy rendirent les siens» Mais avec ce moult luy estoit le cœur dolent de ses bien-aimez gentils-hommes qui feurent emmenez prisonniers , où moult avoit de vaillans gens, dont le principal d'eulx estoit le vaillant et bon chevalier Chasteaumorant, qui le jour avoit souffert et moult faict d'armes, et avec luy trente quatre chevaliers et escuyers, tous gens d'eslite, de grand honneur et renommée , et autres plusieurs bons et notables Genevois , et autres , qui feurent pris es deux autres galées. Aussi y avoit grand foison de gentils-hommes de renommée et de grand honneur en la galée qui par nos gens feut prise comme dict est. Et que telsfeussent, y parut quand veint au faict de leurs rançons et délivrances, si comme oûir pourrez.

Et ainsi arriva le mareschal à Gennes , où il feut à si grand honneur et joye receu de tous les plus grands, et généralement de tout le peuple, que oncques seigneur ne feut receu à plus grand Teste. Mais à tant vous lairrons du mareschal, et dirons du seigneur de Chasteaumorant et des autres prisonniers que on menoit à Venise,