CHAPITRE XXVIII
De la pitié des prisonniers françois.
Quand Chasteaumorant avec la compaignée des autres prisonniers feurent arrivez à Venise , adonc oa
les ficha en bonne forte prison, et selon la coustume en tel cas je croy qu'ils n'eurent mie toutes leurs aises : car dur giste et petit repas, et du mal assez leur faisoit compaignée. Helas si n'en eussent-ils mie eu mestief : car navrez , malades et blessez plusieurs d'eulx estoyent. Et si oncques eurent eu aise, joye et repos , adonc en eurent-ils soufïreté : mais ainsi sont souvent servis ceulx qui honneur quierent et pourchassent , et bien doibvent estre hault eslevez les bons qui si chère chose vont poursuivans. Or feurent ainsi là à grand tourment et meschef de cœur, de corps et de pensée» Car bien sçavoient que le mareschal es toit tant indigné contre les Vénitiens, et à bon droict, que pour rien n'eust laissé de leur faire guerre et de s'en venger. Si nesceurent que faire, ny quel conseil prendre. Car bien feurent informez des Coustumes des dicts Vénitiens, c'est à sçavoir que au faict de leurs guerres jamais les prisonniers que ils prennent ne sont délivrez jusques à ce que la guerre soit faillie, qui peult aucunes fois durer tout l'aage d'un homme. Si pouvez penser, vous qui ce oyez, en quel soucy ces bons gentils-hommes debvoient estre.
Le bon Chasteaumorant, le saige, au cœur constant, en qui ne default vertu que bon, vaillant et preux doibve avoir, lequel pour maie fortune ne se trouble, ne pour la bonne moult ne s'esjoiïist, feut entre eulx comme leur chef. Si les reconfortoit par ses bons admonestemens , et leur mettoit Dieu en mémoire, comme celuy qui l'aime, sert et craint, et leur disoit que à luy retournassent et y eussent fiance, et que sans faillir point périr ne les lairroit : et avec ee, que ils eussent cœurs de gentils-hommes forts et
endurcis, et qui pour rien ne se doibvent douloir, ne délaisser bonne espérance, ne cheoir en desconfort. Et ainsi souvent les réconfortait, et iceulx prenoient grande consolation.
Mais ne croyez mie que le bon vaillant mareschal oubliast ses bons amis; pourtant s'il ne les voyoit, et s'ils estoyent encliartrez, comme souvent sont oubliez des princes, dont est pitié, ceulx qui sont à cause de leurs guerres pris et destruits. Nenny certes. Mais au p!us tost qu'il peut les envoya reconforter de faict et de paroles. Car argent assez et largement leur envoya, et manda que de rien n'eussent mélancolie. Car il ne leur fauldroit jour de sa vie, dont ils feurent moult reconfortez.
