CHAPITRE XXIX

Comment les prisonniers mettoient peine par leurs lettres vers les seigneurs de France, que le mareschal ne feist guerre contre les Vénitiens * afin que leur délivrance nen feust empeschée.

Tout ainsi qu'il est de coustume que toute per^ sonne qui se trouve en aulcune maladie ou désolation , cerche volontiers sa salvation et santé , et cerche diligemment voye de la trouver ; iceulx par plusieurs fois vers Chasteaumorant à conseil se meirent , pour adviser qu'ils pourroient faire pour estre tirez hors de celle caige. Si en disoit chascun son bonadvis, et sembloit aux aulcuns que bon seroit

DU MAIIESCHAL DE BOUCICAUT. 8j

d'escrire piteusement de leur estât à leur bon maistre le mareschal, que pour Dieu il eust pitié de ses bienaimez gentils-hommes, et que il voulust aulcunement fleschir à son grand et hault couraige , nonobstant la grande inj urefaicte à luy par les Vénitiens; parquoy pour compassion d'eulx qui en seroyent destruicts et morts par advanture par longue dure prison , ou aultrement, se voulust déporter d'entreprendre la guerre. Les autrès disoient, que bon seroit que ils escripvissent aux princes de France, en les suppliant humblement pour Dieu que ils voulussent mettre paix et accord entre le mareschal et les Vénitiens, ou sinon ils estoyent perdus. Ces deux voyes leur semblèrent bonnes : mais non pourtant les plus advisez doubterent que la grande ire, prop.os et volonté du mareschal de faire guerre aux Vénitiens ne peust estre desmeiie, ne pour pitié d'eulx, ne pour quelconque prière de prince, ne aultrement, si n'estoit seulement par une voye, c'est à sçavoir par le seul commandement de son souverain seigneur le roy de France, à qui de rien ne vouldroit désobéir, bien le sça voient, et s'ils pouvoient advenir par leurs prières et piteuses requestes que le Roy luy mandast expressément par ses lettres : par ce poinct seroient guairis.

Tel appointement leur sembla bon , et à celle conclusion se teinrent, et d'ainsi faire le conclurent; et mesmement avec ce que ils se ayderoient des autres deux voyes dessus dictes. Adonc les veissiez tous ensemble escrire lettres au mareschal pour ceste requeste, dont l'un ramentevoit l'amour que autres fois avoit trouvé en luy, l'autre comment il avoit veu sa grande pieté dcmonstrer par divers cas, l'autre assi-

86 LIVRE DES FÀICTS

gnoit raison que ainsi il le debvoit faire pour eschever pius grand mal , l'autre qu'il feroit aumosne et grand bonté de souffrir pour les reschapper de mort ; et ainsi diversement tant piteusement à luy se recommandoient, comme ceulx que grand désir menoit, que quand les lettres veindrent es mains du mareschal, il ne feust oncquesen la puissance de son noble couraige que les larmes ne luy couvrissent la face, pour la pitié et amour qu'il avoit à ses bons amis. Mais pourtant ne se pouvoit desmouvoir de non vouloir la guerre, pour laquelle s'apprestoit tant et bastivement comme il pouvoit. Mais les pauvres prisonniers réconfortait par ses messaigers, et feit parler aux Vénitiens de les mettre à rançon aux guises de France : mais rien n'y valut. Car ils dirent que ce n'estoit pas leur usance.

Adonc veissiez les pauvres prisonniers escrire en France aux seigneurs ausquels ils estoyent de service. Car les aucuns estoyent au Roy, les autres au duc de Berry, autres au duc d'Orléans, ou deBourgongne, ou de Bourbon , et ainsi à plusieurs ; et chascun supplioit humblement son seigneur et maistre que pour Dieu ne les voulust oublier, ne laisser là pourrir en prison. Lesquelles requestes meurent les seigneurs à grand pitié, si qu'ils escrivirent bastivement au mareschal de ceste chose , et feirent tant que le Roy luy escrivit que il n'en feist plus jusques à ce que il auroit délibéré en sson conseil ce qu'il vouldroit qu'il en feust faict.

De ceste defence feut moult dolent le mareschal ; mais ne voulut désobéir, si se souffrit à tant pour celle fois. Et en ces enÇrefaictes se entremeirent au-

du màresciiAl de boucicatjt. 87

cuns bons moyens de traicterpaixet délaisser la guerre, et singulièrement pour cause des dicts prisonniers. Long feut le traicté de ceste paix ; car le mareschal jura qu'il n'y seroit veu ny ouy : mais puis qu'il plaisoit au Roy, et à nosseigneurs, il consentoit bien que les Genevois accordassent selon leur bon plaisir, et il ne leur contrediroit. Si feut à la parfin paix faicte entre eulx, dont les Vénitiens eurent grand joye. (Car ils n'en estoyent mie sans soucy et peur, ) à condition que prisonniers pour prisonniers seroyent rendus, et qu'il n'en y eust plus. Et ainsi feut accordé et faict. Et à tant feurent délivrez nos prisonniers, qui feurent huict mois entiers es prisons des Vénitiens. Mais comme par divine volonté les choses viennent aulcunes fois pour le mieulx , on doibt Dieu louer de celle prinse : car elle escheva la guerre, dont grand mai et meschef s'en feust ensuivy.