CHAPITRE IV

Oy dit comment vertu plus que autre chose doibt estre cause de V exaucement de l 'homme.

Pour plus convenablement entrer en la matière dont nous espérons parler, pouvons traire a propos un petit prologue de vaillance chevaleureuse, tant en baillant exemples , comme en alléguant raisons. Quant au regard de raison, advisons quelle chose doibt estre cause de l'exaucement de l'homme. Ceste chose bien au vif considérée me semble, selon que je treuve mesmement es anciens escripts, et par raisonnable jugement, que ce doibt estre vertu et non autre cause. Et à ce s'accorde Aristote, semblablement Senecque et tous les autres saiges, selon le contenu de leurs dicts. Mais en quelle manière seront apparentes les vertus de l'homme? Sans faillir tout ainsi que le fin or ou fin argent ne se peult parfaictement congnoistre s'il n'est mis en la fournaise en laquelle il s'affine, semblablement ne se peut purement appercevoir la vertu de l'homme, si ce n'est en la fournaise de l'exercice de très-grands et pesans affaires, esquels il demonstre sa prudence quand il les sçait bien conduire et ordonner au mieulx pour traire à bon chef, résister aux fortunes qui surviennent, et advisément pourveoir à celles qui peuvent advenir, constamment porter grand fais et grand charge, diligemment en avoir cure par grand force de couraige, entreprendre

saigement grandes choses, ne les délaisser pour peu d'achoison, par grand soing et sçavoir les conduire, et ainsi des autres choses. Lesquelles vertus seroient mussées (0 en l'homme, quoy que elles y feussent, s'il n'estoit à l'espreuve comme dict est. Et quand l'homme esprouvé en telle force et vaillance est esleu ou eslevé en dignité d'honneur, c'est chose délie et qui doibt estre, et que par exemple aussi se peut prouver que les vertus soyent et doibvent estre cause des promotions et exaulcemens des hommes vertueux.

Ne fut-ce pas doncques grand honneur que jadis à Scipion le vaillant chevalier, qui depuis feut surnommé l'Africain, comme racompte Valere en son livre, feit le très-grand ost des Romains estant en Espaigne es conquestes des terres estrangeres que faisoient adoncques les dicts Romains, quand ils envoyèrent leurs messaigers à Rome requérir au sénat et aux princes qui gouvernoient la cité, que le dict Scipion leur feust envoyé pour les gouverner ? Car tous les chevetains de l'ost luy donnoient leur voix par grand désir, et toutesfois estoit celuy Scipion pour lors moult jeune homme pour telle charge avoir. Mais comme dict iceluy Valere , jeunesse d'aage ne doibt tollir à vertu son loyer où que elle soit trouvée. C'est à dire que si le jeune homme est vertueux on ne doibt mie regarder au faict de sa promotion à Taage, mais aux vertus. Car iceulx chevaliers et gens d'armes avoient autres fois veu par espreuve le chevaleureux sçavoir et force de couraige, avec la hardiesse de celuy qu'ils requeroient, pour laquelle fiance ils le desiroient pour estre pourveus de très -convenable

10 Mussées : cachées,

Duc et conduiseur , duquel désir ne feurent mie fraudez. Car comme leur demande feust exaussée , feurent conduicts , gouvernez et menez par celuy Scipion si vaillamment que ils feurent vainqueurs en toutes leurs emprises.